૧૦. દુતિયમરણસ્સતિસુત્તવણ્ણના

૨૦. દસમે પતિગતાયાતિ પટિપન્નાય. ઇતિ પટિસઞ્ચિક્ખતીતિ એવં પચ્ચવેક્ખતિ. સો મમસ્સ અન્તરાયોતિ એત્થ તિવિધો અન્તરાયો જીવિતન્તરાયો, સમણધમ્મન્તરાયો, પુથુજ્જનકાલકિરિયં કરોન્તસ્સ સગ્ગન્તરાયો ચેવ મગ્ગન્તરાયો ચાતિ. તં સબ્બમ્પિ સન્ધાયેવમાહ. બ્યાપજ્જેય્યાતિ અજિણ્ણકાદિવસેન વિપજ્જેય્ય. અધિમત્તોતિ બલવા. છન્દોતિ કત્તુકમ્યતાછન્દો. વાયામોતિ પયોગવીરિયં. ઉસ્સાહોતિ ઉસ્સાપનવીરિયં. ઉસ્સોળ્હીતિ સમ્પાદનવીરિયં. અપ્પટિવાનીતિ અનુક્કણ્ઠના અપ્પટિસઙ્ઘરણા. સેસં સબ્બત્થ ઉત્તાનત્થમેવાતિ.

સારણીયવગ્ગો દુતિયો.