૧૦. તિકાદિદસ્સનવારો

૧. કુસલત્તિકં

૧૦૩૮. પઞ્ચન્નં ખન્ધાનં કતિ કુસલા, કતિ અકુસલા, કતિ અબ્યાકતા…પે… સત્તન્નં ચિત્તાનં કતિ કુસલા, કતિ અકુસલા, કતિ અબ્યાકતા?

રૂપક્ખન્ધો અબ્યાકતો. ચત્તારો ખન્ધા સિયા કુસલા, સિયા અકુસલા, સિયા અબ્યાકતા. દસાયતના અબ્યાકતા. દ્વાયતના સિયા કુસલા, સિયા અકુસલા, સિયા અબ્યાકતા. સોળસ ધાતુયો અબ્યાકતા. દ્વે ધાતુયો સિયા કુસલા, સિયા અકુસલા, સિયા અબ્યાકતા. સમુદયસચ્ચં અકુસલં. મગ્ગસચ્ચં કુસલં. નિરોધસચ્ચં અબ્યાકતં. દુક્ખસચ્ચં સિયા કુસલં, સિયા અકુસલં, સિયા અબ્યાકતં.

દસિન્દ્રિયા અબ્યાકતા. દોમનસ્સિન્દ્રિયં અકુસલં. અનઞ્ઞાતઞ્ઞસ્સામીતિન્દ્રિયં કુસલં. ચત્તારિન્દ્રિયા સિયા કુસલા, સિયા અબ્યાકતા. છ ઇન્દ્રિયા સિયા કુસલા, સિયા અકુસલા, સિયા અબ્યાકતા.

તયો કુસલહેતૂ કુસલા. તયો અકુસલહેતૂ અકુસલા. તયો અબ્યાકતહેતૂ અબ્યાકતા. કબળીકારો આહારો અબ્યાકતો. તયો આહારા સિયા કુસલા, સિયા અકુસલા, સિયા અબ્યાકતા. છ ફસ્સા અબ્યાકતા. મનોવિઞ્ઞાણધાતુસમ્ફસ્સો સિયા કુસલો, સિયા અકુસલો, સિયા અબ્યાકતો. છ વેદના… છ સઞ્ઞા… છ ચેતના… છ ચિત્તા અબ્યાકતા. મનોવિઞ્ઞાણધાતુ સિયા કુસલા, સિયા અકુસલા, સિયા અબ્યાકતા.

૨. વેદનાતિકં

૧૦૩૯. પઞ્ચન્નં ખન્ધાનં કતિ સુખાય વેદનાય સમ્પયુત્તા, કતિ દુક્ખાય વેદનાય સમ્પયુત્તા, કતિ અદુક્ખમસુખાય વેદનાય સમ્પયુત્તા…પે… સત્તન્નં ચિત્તાનં કતિ સુખાય વેદનાય સમ્પયુત્તા, કતિ દુક્ખાય વેદનાય સમ્પયુત્તા, કતિ અદુક્ખમસુખાય વેદનાય સમ્પયુત્તા?

દ્વે ખન્ધા ન વત્તબ્બા સુખાય વેદનાય સમ્પયુત્તાતિપિ, દુક્ખાય વેદનાય સમ્પયુત્તાતિપિ, અદુક્ખમસુખાય વેદનાય સમ્પયુત્તાતિપિ. તયો ખન્ધા સિયા સુખાય વેદનાય સમ્પયુત્તા, સિયા દુક્ખાય વેદનાય સમ્પયુત્તા, સિયા અદુક્ખમસુખાય વેદનાય સમ્પયુત્તા.

દસાયતના ન વત્તબ્બા સુખાય વેદનાય સમ્પયુત્તાતિપિ, દુક્ખાય વેદનાય સમ્પયુત્તાતિપિ, અદુક્ખમસુખાય વેદનાય સમ્પયુત્તાતિપિ. મનાયતનં સિયા સુખાય વેદનાય સમ્પયુત્તં, સિયા દુક્ખાય વેદનાય સમ્પયુત્તં, સિયા અદુક્ખમસુખાય વેદનાય સમ્પયુત્તં. ધમ્માયતનં સિયા સુખાય વેદનાય સમ્પયુત્તં, સિયા દુક્ખાય વેદનાય સમ્પયુત્તં, સિયા અદુક્ખમસુખાય વેદનાય સમ્પયુત્તં, સિયા ન વત્તબ્બં સુખાય વેદનાય સમ્પયુત્તન્તિપિ, દુક્ખાય વેદનાય સમ્પયુત્તન્તિપિ, અદુક્ખમસુખાય વેદનાય સમ્પયુત્તન્તિપિ.

દસ ધાતુયો ન વત્તબ્બા સુખાય વેદનાય સમ્પયુત્તાતિપિ, દુક્ખાય વેદનાય સમ્પયુત્તાતિપિ, અદુક્ખમસુખાય વેદનાય સમ્પયુત્તાતિપિ. પઞ્ચ ધાતુયો અદુક્ખમસુખાય વેદનાય સમ્પયુત્તા, કાયવિઞ્ઞાણધાતુ સિયા સુખાય વેદનાય સમ્પયુત્તા, સિયા દુક્ખાય વેદનાય સમ્પયુત્તા. મનોવિઞ્ઞાણધાતુ સિયા સુખાય વેદનાય સમ્પયુત્તા, સિયા દુક્ખાય વેદનાય સમ્પયુત્તા, સિયા અદુક્ખમસુખાય વેદનાય સમ્પયુત્તા. ધમ્મધાતુ સિયા સુખાય વેદનાય સમ્પયુત્તા, સિયા દુક્ખાય વેદનાય સમ્પયુત્તા, સિયા અદુક્ખમસુખાય વેદનાય સમ્પયુત્તા, સિયા ન વત્તબ્બા સુખાય વેદનાય સમ્પયુત્તાતિપિ, દુક્ખાય વેદનાય સમ્પયુત્તાતિપિ, અદુક્ખમસુખાય વેદનાય સમ્પયુત્તાતિપિ.

દ્વે સચ્ચા સિયા સુખાય વેદનાય સમ્પયુત્તા, સિયા અદુક્ખમસુખાય વેદનાય સમ્પયુત્તા. નિરોધસચ્ચં ન વત્તબ્બં સુખાય વેદનાય સમ્પયુત્તન્તિપિ, દુક્ખાય વેદનાય સમ્પયુત્તન્તિપિ, અદુક્ખમસુખાય વેદનાય સમ્પયુત્તન્તિપિ. દુક્ખસચ્ચં સિયા સુખાય વેદનાય સમ્પયુત્તં, સિયા દુક્ખાય વેદનાય સમ્પયુત્તં, સિયા અદુક્ખમસુખાય વેદનાય સમ્પયુત્તં, સિયા ન વત્તબ્બં સુખાય વેદનાય સમ્પયુત્તન્તિપિ, દુક્ખાય વેદનાય સમ્પયુત્તન્તિપિ, અદુક્ખમસુખાય વેદનાય સમ્પયુત્તન્તિપિ.

દ્વાદસિન્દ્રિયા ન વત્તબ્બા સુખાય વેદનાય સમ્પયુત્તાતિપિ, દુક્ખાય વેદનાય સમ્પયુત્તાતિપિ, અદુક્ખમસુખાય વેદનાય સમ્પયુત્તાતિપિ. છ ઇન્દ્રિયા સિયા સુખાય વેદનાય સમ્પયુત્તા, સિયા અદુક્ખમસુખાય વેદનાય સમ્પયુત્તા. તીણિન્દ્રિયા સિયા સુખાય વેદનાય સમ્પયુત્તા, સિયા દુક્ખાય વેદનાય સમ્પયુત્તા, સિયા અદુક્ખમસુખાય વેદનાય સમ્પયુત્તા. જીવિતિન્દ્રિયં સિયા સુખાય વેદનાય સમ્પયુત્તં, સિયા દુક્ખાય વેદનાય સમ્પયુત્તં, સિયા અદુક્ખમસુખાય વેદનાય સમ્પયુત્તં, સિયા ન વત્તબ્બં સુખાય વેદનાય સમ્પયુત્તન્તિપિ, દુક્ખાય વેદનાય સમ્પયુત્તન્તિપિ, અદુક્ખમસુખાય વેદનાય સમ્પયુત્તન્તિપિ.

દોસો અકુસલહેતુ દુક્ખાય વેદનાય સમ્પયુત્તો. સત્ત હેતૂ સિયા સુખાય વેદનાય સમ્પયુત્તા, સિયા અદુક્ખમસુખાય વેદનાય સમ્પયુત્તા. મોહો અકુસલહેતુ સિયા સુખાય વેદનાય સમ્પયુત્તો, સિયા દુક્ખાય વેદનાય સમ્પયુત્તો, સિયા દુક્ખમસુખાય વેદનાય સમ્પયુત્તો.

કબળીકારો આહારો ન વત્તબ્બો સુખાય વેદનાય સમ્પયુત્તોતિ પિ, દુક્ખાય વેદનાય સમ્પયુત્તોતિપિ, અદુક્ખમસુખાય વેદનાય સમ્પયુત્તોતિપિ. તયો આહારા સિયા સુખાય વેદનાય સમ્પયુત્તા, સિયા દુક્ખાય વેદનાય સમ્પયુત્તા, સિયા અદુક્ખમસુખાય વેદનાય સમ્પયુત્તા.

પઞ્ચ ફસ્સા અદુક્ખમસુખાય વેદનાય સમ્પયુત્તા. કાયવિઞ્ઞાણધાતુસમ્ફસ્સો સિયા સુખાય વેદનાય સમ્પયુત્તો, સિયા દુક્ખાય વેદનાય સમ્પયુત્તો. મનોવિઞ્ઞાણધાતુસમ્ફસ્સો સિયા સુખાય વેદનાય સમ્પયુત્તો, સિયા દુક્ખાય વેદનાય સમ્પયુત્તો, સિયા અદુક્ખમસુખાય વેદનાય સમ્પયુત્તો.

સત્ત વેદના ન વત્તબ્બા સુખાય વેદનાય સમ્પયુત્તાતિપિ, દુક્ખાય વેદનાય સમ્પયુત્તાતિપિ, અદુક્ખમસુખાય વેદનાય સમ્પયુત્તાતિપિ. પઞ્ચ સઞ્ઞા… પઞ્ચ ચેતના… પઞ્ચ ચિત્તા અદુક્ખમસુખાય વેદનાય સમ્પયુત્તા, કાયવિઞ્ઞાણધાતુ સિયા સુખાય વેદનાય સમ્પયુત્તા, સિયા દુક્ખાય વેદનાય સમ્પયુત્તા. મનોવિઞ્ઞાણધાતુ સિયા સુખાય વેદનાય સમ્પયુત્તા, સિયા દુક્ખાય વેદનાય સમ્પયુત્તા, સિયા અદુક્ખમસુખાય વેદનાય સમ્પયુત્તા.

૩. વિપાકત્તિકં

૧૦૪૦. પઞ્ચન્નં ખન્ધાનં કતિ વિપાકા, કતિ વિપાકધમ્મધમ્મા, કતિ નેવવિપાકનવિપાકધમ્મધમ્મા…પે… સત્તન્નં ચિત્તાનં કતિ વિપાકા, કતિ વિપાકધમ્મધમ્મા, કતિ નેવવિપાકનવિપાકધમ્મધમ્મા?

રૂપક્ખન્ધો નેવવિપાકનવિપાકધમ્મધમ્મો. ચત્તારો ખન્ધા સિયા વિપાકા, સિયા વિપાકધમ્મધમ્મા, સિયા નેવવિપાકનવિપાકધમ્મધમ્મા.

દસાયતના નેવવિપાકનવિપાકધમ્મધમ્મા. દ્વાયતના સિયા વિપાકા, સિયા વિપાકધમ્મધમ્મા, સિયા નેવવિપાકનવિપાકધમ્મધમ્મા.

દસ ધાતુયો નેવવિપાકનવિપાકધમ્મધમ્મા. પઞ્ચ ધાતુયો વિપાકા. મનોધાતુ સિયા વિપાકા, સિયા નેવવિપાકનવિપાકધમ્મધમ્મા. દ્વે ધાતુયો સિયા વિપાકા સિયા વિપાકધમ્મધમ્મા, સિયા નેવવિપાકનવિપાકધમ્મધમ્મા.

દ્વે સચ્ચા વિપાકધમ્મધમ્મા. નિરોધસચ્ચં નેવવિપાકનવિપાકધમ્મધમ્મં. દુક્ખસચ્ચં સિયા વિપાકં, સિયા વિપાકધમ્મધમ્મં, સિયા નેવવિપાકનવિપાકધમ્મધમ્મં.

સત્તિન્દ્રિયા નેવવિપાકનવિપાકધમ્મધમ્મા. તીણિન્દ્રિયા વિપાકા. દ્વિન્દ્રિયા વિપાકધમ્મધમ્મા. અઞ્ઞિન્દ્રિયં સિયા વિપાકં, સિયા વિપાકધમ્મધમ્મં. નવિન્દ્રિયા સિયા વિપાકા, સિયા વિપાકધમ્મધમ્મા, સિયા નેવવિપાકનવિપાકધમ્મધમ્મા.

છ હેતૂ વિપાકધમ્મધમ્મા. તયો અબ્યાકતહેતૂ સિયા વિપાકા, સિયા નેવવિપાકનવિપાકધમ્મધમ્મા.

કબળીકારો આહારો નેવવિપાકનવિપાકધમ્મધમ્મો. તયો આહારા સિયા વિપાકા, સિયા વિપાકધમ્મધમ્મા, સિયા નેવવિપાકનવિપાકધમ્મધમ્મા. પઞ્ચ ફસ્સા વિપાકા. મનોધાતુસમ્ફસ્સો સિયા વિપાકો, સિયા નેવવિપાકનવિપાકધમ્મધમ્મો. મનોવિઞ્ઞાણધાતુસમ્ફસ્સો સિયા વિપાકો, સિયા વિપાકધમ્મધમ્મો, સિયા નેવવિપાકનવિપાકધમ્મધમ્મો. પઞ્ચ વેદના… પઞ્ચ સઞ્ઞા… પઞ્ચ ચેતના… પઞ્ચ ચિત્તા વિપાકા. મનોધાતુ સિયા વિપાકા, સિયા નેવવિપાકનવિપાકધમ્મધમ્મા. મનોવિઞ્ઞાણધાતુ સિયા વિપાકા, સિયા વિપાકધમ્મધમ્મા, સિયા નેવવિપાકનવિપાકધમ્મધમ્મા.

૪. ઉપાદિન્નત્તિકં

૧૦૪૧. પઞ્ચન્નં ખન્ધાનં કતિ ઉપાદિન્નુપાદાનિયા, કતિ અનુપાદિન્નુપાદાનિયા, કતિ અનુપાદિન્નઅનુપાદાનિયા…પે… સત્તન્નં ચિત્તાનં કતિ ઉપાદિન્નુપાદાનિયા, કતિ અનુપાદિન્નુપાદાનિયા, કતિ અનુપાદિન્નઅનુપાદાનિયા?

રૂપક્ખન્ધો સિયા ઉપાદિન્નુપાદાનિયો, સિયા અનુપાદિન્નુપાદાનિયો ૪. ચત્તારો ખન્ધા સિયા ઉપાદિન્નુપાદાનિયા, સિયા અનુપાદિન્નુપાદાનિયા, સિયા અનુપાદિન્નઅનુપાદાનિયા.

પઞ્ચાયતના ઉપાદિન્નુપાદાનિયા. સદ્દાયતનં અનુપાદિન્નુપાદાનિયં. ચત્તારો આયતના સિયા ઉપાદિન્નુપાદાનિયા, સિયા અનુપાદિન્નુપાદાનિયા. દ્વાયતના સિયા ઉપાદિન્નુપાદાનિયા, સિયા અનુપાદિન્નુપાદાનિયા, સિયા અનુપાદિન્નઅનુપાદાનિયા.

દસ ધાતુયો ઉપાદિન્નુપાદાનિયા. સદ્દધાતુ અનુપાદિન્નુપાદાનિયા. પઞ્ચ ધાતુયો સિયા ઉપાદિન્નુપાદાનિયા, સિયા અનુપાદિન્નુપાદાનિયા. દ્વે ધાતુયો સિયા ઉપાદિન્નુપાદાનિયા, સિયા અનુપાદિન્નુપાદાનિયા, સિયા અનુપાદિન્નઅનુપાદાનિયા.

સમુદયસચ્ચં અનુપાદિન્નુપાદાનિયં. દ્વે સચ્ચા અનુપાદિન્નઅનુપાદાનિયા. દુક્ખસચ્ચં સિયા ઉપાદિન્નુપાદાનિયં, સિયા અનુપાદિન્નુપાદાનિયં.

નવિન્દ્રિયા ઉપાદિન્નુપાદાનિયા. દોમનસ્સિન્દ્રિયં અનુપાદિન્નુપાદાનિયં. તીણિન્દ્રિયા અનુપાદિન્નઅનુપાદાનિયા. નવિન્દ્રિયા સિયા ઉપાદિન્નુપાદાનિયા, સિયા અનુપાદિન્નુપાદાનિયા, સિયા અનુપાદિન્નઅનુપાદાનિયા. તયો અકુસલહેતૂ અનુપાદિન્નુપાદાનિયા. તયો કુસલહેતૂ સિયા અનુપાદિન્નુપાદાનિયા, સિયા અનુપાદિન્નઅનુપાદાનિયા. તયો અબ્યાકતહેતૂ સિયા ઉપાદિન્નુપાદાનિયા, સિયા અનુપાદિન્નુપાદાનિયા, સિયા અનુપાદિન્નઅનુપાદાનિયા.

કબળીકારો આહારો સિયા ઉપાદિન્નુપાદાનિયો, સિયા અનુપાદિન્નુપાદાનિયો. તયો આહારા સિયા ઉપાદિન્નુપાદાનિયા, સિયા અનુપાદિન્નુપાદાનિયા, સિયા અનુપાદિન્નઅનુપાદાનિયા.

પઞ્ચ ફસ્સા ઉપાદિન્નુપાદાનિયા. મનોધાતુસમ્ફસ્સો સિયા ઉપાદિન્નુપાદાનિયો, સિયા અનુપાદિન્નુપાદાનિયો. મનોવિઞ્ઞાણધાતુસમ્ફસ્સો સિયા ઉપાદિન્નુપાદાનિયો, સિયા અનુપાદિન્નુપાદાનિયો, સિયા અનુપાદિન્નઅનુપાદાનિયો. પઞ્ચ વેદના… પઞ્ચ સઞ્ઞા… પઞ્ચ ચેતના… પઞ્ચ ચિત્તા ઉપાદિન્નુપાદાનિયા. મનોધાતુ સિયા ઉપાદિન્નુપાદાનિયા, સિયા અનુપાદિન્નુપાદાનિયા. મનોવિઞ્ઞાણધાતુ સિયા ઉપાદિન્નુપાદાનિયા, સિયા અનુપાદિન્નુપાદાનિયા, સિયા અનુપાદિન્નઅનુપાદાનિયા.

૫. વિતક્કત્તિકં

૧૦૪૨. પઞ્ચન્નં ખન્ધાનં કતિ સવિતક્કસવિચારા, કતિ અવિતક્કવિચારમત્તા, કતિ અવિતક્કઅવિચારા…પે… સત્તન્નં ચિત્તાનં કતિ સવિતક્કસવિચારા, કતિ અવિતક્કવિચારમત્તા, કતિ અવિતક્કઅવિચારા?

રૂપક્ખન્ધો અવિતક્કઅવિચારો. તયો ખન્ધા સિયા સવિતક્કસવિચારા, સિયા અવિતક્કવિચારમત્તા, સિયા અવિતક્કઅવિચારા. સઙ્ખારક્ખન્ધો સિયા સવિતક્કસવિચારો, સિયા અવિતક્કવિચારમત્તો, સિયા અવિતક્કઅવિચારો સિયા ન વત્તબ્બો સવિતક્કસવિચારોતિપિ, અવિતક્કવિચારમત્તોતિપિ, અવિતક્કઅવિચારોતિપિ.

દસાયતના અવિતક્કઅવિચારા. મનાયતનં સિયા સવિતક્કસવિચારં, સિયા અવિતક્કવિચારમત્તં, સિયા અવિતક્કઅવિચારં. ધમ્માયતનં સિયા સવિતક્કસવિચારં, સિયા અવિતક્કવિચારમત્તં, સિયા અવિતક્કઅવિચારં, સિયા ન વત્તબ્બં સવિતક્કસવિચારન્તિપિ, અવિતક્કવિચારમત્તન્તિપિ, અવિતક્કઅવિચારન્તિપિ.

પન્નરસ ધાતુયો અવિતક્કઅવિચારા. મનોધાતુ સવિતક્કસવિચારા. મનોવિઞ્ઞાણધાતુ સિયા સવિતક્કસવિચારા, સિયા અવિતક્કવિચારમત્તા, સિયા અવિતક્કઅવિચારા. ધમ્મધાતુ સિયા સવિતક્કસવિચારા, સિયા અવિતક્કવિચારમત્તા, સિયા અવિતક્કઅવિચારા, સિયા ન વત્તબ્બા સવિતક્કસવિચારાતિપિ, અવિતક્કવિચારમત્તાતિપિ, અવિતક્કઅવિચારાતિપિ.

સમુદયસચ્ચં સવિતક્કસવિચારં. નિરોધસચ્ચં અવિતક્કઅવિચારં. મગ્ગસચ્ચં સિયા સવિતક્કસવિચારં, સિયા અવિતક્કવિચારમત્તં, સિયા અવિતક્કઅવિચારં. દુક્ખસચ્ચં સિયા સવિતક્કસવિચારં, સિયા અવિતક્કવિચારમત્તં, સિયા અવિતક્કઅવિચારં, સિયા ન વત્તબ્બં સવિતક્કસવિચારન્તિપિ, અવિતક્કવિચારમત્તન્તિપિ, અવિતક્કઅવિચારન્તિપિ.

નવિન્દ્રિયા અવિતક્કઅવિચારા. દોમનસ્સિન્દ્રિયં સવિતક્કસવિચારં. ઉપેક્ખિન્દ્રિયં સિયા સવિતક્કસવિચારં, સિયા અવિતક્કઅવિચારં. એકાદસિન્દ્રિયા સિયા સવિતક્કસવિચારા, સિયા અવિતક્કવિચારમત્તા, સિયા અવિતક્કઅવિચારા.

તયો અકુસલહેતૂ સવિતક્કસવિચારા. છ હેતૂ સિયા સવિતક્કસવિચારા, સિયા અવિતક્કવિચારમત્તા, સિયા અવિતક્કઅવિચારા. કબળીકારો આહારો અવિતક્કઅવિચારો. તયો આહારા સિયા સવિતક્કસવિચારા, સિયા અવિતક્કવિચારમત્તા, સિયા અવિતક્કઅવિચારા. પઞ્ચ ફસ્સા અવિતક્કઅવિચારા. મનોધાતુસમ્ફસ્સો સવિતક્કસવિચારો. મનોવિઞ્ઞાણધાતુસમ્ફસ્સો સિયા સવિતક્કસવિચારો, સિયા અવિતક્કવિચારમત્તો, સિયા અવિતક્કઅવિચારો. પઞ્ચ વેદના… પઞ્ચ સઞ્ઞા… પઞ્ચ ચેતના… પઞ્ચ ચિત્તા અવિતક્કઅવિચારા મનોધાતુ સવિતક્કસવિચારા, મનોવિઞ્ઞાણધાતુ સિયા સવિતક્કસવિચારા, સિયા અવિતક્કવિચારમત્તા, સિયા અવિતક્કઅવિચારા.

(૧) રૂપદુકં

૧૦૪૩. પઞ્ચન્નં ખન્ધાનં કતિ રૂપા, કતિ અરૂપા…પે… સત્તન્નં ચિત્તાનં કતિ રૂપા, કતિ અરૂપા?

રૂપક્ખન્ધો રૂપં. ચત્તારો ખન્ધા અરૂપા. દસાયતના રૂપા. મનાયતનં અરૂપં. ધમ્માયતનં સિયા રૂપં, સિયા અરૂપં. દસ ધાતુયો રૂપા. સત્ત ધાતુયો અરૂપા. ધમ્મધાતુ સિયા રૂપા, સિયા અરૂપા. તીણિ સચ્ચાનિ અરૂપા. દુક્ખસચ્ચં સિયા રૂપં, સિયા અરૂપં. સત્તિન્દ્રિયા રૂપા. ચુદ્દસિન્દ્રિયા અરૂપા. જીવિતિન્દ્રિયં સિયા રૂપં, સિયા અરૂપં. નવ હેતૂ અરૂપા. કબળીકારો આહારો રૂપં. તયો આહારા અરૂપા. સત્ત ફસ્સા અરૂપા. સત્ત વેદના… સત્ત સઞ્ઞા… સત્ત ચેતના સત્ત ચિત્તા અરૂપા.

(૨) લોકિયદુકં

૧૦૪૪. પઞ્ચન્નં ખન્ધાનં કતિ લોકિયા, કતિ લોકુત્તરા? દ્વાદસન્નં આયતનાનં કતિ લોકિયા, કતિ લોકુત્તરા? અટ્ઠારસન્નં ધાતૂનં કતિ લોકિયા, કતિ લોકુત્તરા? ચતુન્નં સચ્ચાનં કતિ લોકિયા, કતિ લોકુત્તરા…પે… સત્તન્નં ચિત્તાનં કતિ લોકિયા, કતિ લોકુત્તરા?

રૂપક્ખન્ધો લોકિયો. ચત્તારો ખન્ધા સિયા લોકિયા, સિયા લોકુત્તરા. દસાયતના લોકિયા. દ્વે આયતના સિયા લોકિયા, સિયા લોકુત્તરા. સોળસ ધાતુયો લોકિયા. દ્વે ધાતુયો સિયા લોકિયા, સિયા લોકુત્તરા. દ્વે સચ્ચા લોકિયા. દ્વે સચ્ચા લોકુત્તરા.

દસિન્દ્રિયા લોકિયા. તીણિન્દ્રિયા લોકુત્તરા. નવિન્દ્રિયા સિયા લોકિયા, સિયા લોકુત્તરા. તયો અકુસલહેતૂ લોકિયા. છ હેતૂ સિયા લોકિયા, સિયા લોકુત્તરા. કબળીકારો આહારો લોકિયો. તયો આહારા સિયા લોકિયા, સિયા લોકુત્તરા. છ ફસ્સા લોકિયા. મનોવિઞ્ઞાણધાતુસમ્ફસ્સો સિયા લોકિયો, સિયા લોકુત્તરો. છ વેદના લોકિયા. મનોવિઞ્ઞાણધાતુસમ્ફસ્સજા વેદના સિયા લોકિયા, સિયા લોકુત્તરા. છ સઞ્ઞા લોકિયા. મનોવિઞ્ઞાણધાતુસમ્ફસ્સજા સઞ્ઞા સિયા લોકિયા, સિયા લોકુત્તરા. છ ચેતના લોકિયા. મનોવિઞ્ઞાણધાતુસમ્ફસ્સજા ચેતના સિયા લોકિયા, સિયા લોકુત્તરા. છ ચિત્તા લોકિયા. મનોવિઞ્ઞાણધાતુ સિયા લોકિયા, સિયા લોકુત્તરાતિ.

અભિઞ્ઞા દ્વે સારમ્મણા, દિટ્ઠા કુસલવેદના;

વિપાકા ચ ઉપાદિન્ના, વિતક્કં રૂપલોકિયાતિ.

ધમ્મહદયવિભઙ્ગો નિટ્ઠિતો.

વિભઙ્ગપકરણં નિટ્ઠિતં.