૧-૬. પટિચ્ચવારાદિ

પચ્ચયચતુક્કં

હેતુપચ્ચયો

૫૦૧. હેતું પચ્ચુપ્પન્નારમ્મણં ધમ્મં પટિચ્ચ હેતુ પચ્ચુપ્પન્નારમ્મણો ધમ્મો ઉપ્પજ્જતિ હેતુપચ્ચયા… તીણિ.

નહેતું પચ્ચુપ્પન્નારમ્મણં ધમ્મં પટિચ્ચ નહેતુ પચ્ચુપ્પન્નારમ્મણો ધમ્મો ઉપ્પજ્જતિ હેતુપચ્ચયા… તીણિ.

હેતું પચ્ચુપ્પન્નારમ્મણઞ્ચ નહેતું પચ્ચુપ્પન્નારમ્મણઞ્ચ ધમ્મં પટિચ્ચ હેતુ પચ્ચુપ્પન્નારમ્મણો ધમ્મો ઉપ્પજ્જતિ હેતુપચ્ચયા… તીણિ (સંખિત્તં).

૫૦૨. હેતુયા નવ, આરમ્મણે નવ, અધિપતિયા નવ…પે… કમ્મે નવ…પે… અવિગતે નવ (સંખિત્તં).

નહેતુ-નઅધિપતિપચ્ચયા

૫૦૩. નહેતું પચ્ચુપ્પન્નારમ્મણં ધમ્મં પટિચ્ચ નહેતુ પચ્ચુપ્પન્નારમ્મણો ધમ્મો ઉપ્પજ્જતિ નહેતુપચ્ચયા. નહેતું પચ્ચુપ્પન્નારમ્મણં ધમ્મં પટિચ્ચ હેતુ પચ્ચુપ્પન્નારમ્મણો ધમ્મો ઉપ્પજ્જતિ નહેતુપચ્ચયા. (૨)

હેતું પચ્ચુપ્પન્નારમ્મણં ધમ્મં પટિચ્ચ હેતુ પચ્ચુપ્પન્નારમ્મણો ધમ્મો ઉપ્પજ્જતિ નઅધિપતિપચ્ચયા (સંખિત્તં).

૫૦૪. નહેતુયા દ્વે, નઅધિપતિયા નવ, નપુરેજાતે નવ, નપચ્છાજાતે નવ, નઆસેવને નવ, નકમ્મે તીણિ, નવિપાકે નવ, નઝાને એકં, નમગ્ગે એકં, નવિપ્પયુત્તે નવ (સંખિત્તં).

હેતુપચ્ચયા નઅધિપતિયા નવ (સંખિત્તં).

નહેતુપચ્ચયા આરમ્મણે દ્વે (સંખિત્તં).

(સહજાતવારોપિ પચ્ચયવારોપિ નિસ્સયવારોપિ સંસટ્ઠવારોપિ સમ્પયુત્તવારોપિ પટિચ્ચવારસદિસા વિત્થારેતબ્બા.)