૭. પઞ્હાવારો

પચ્ચયચતુક્કં

હેતુપચ્ચયાદિ

૫૦૫. હેતુ પચ્ચુપ્પન્નારમ્મણો ધમ્મો હેતુસ્સ પચ્ચુપ્પન્નારમ્મણસ્સ ધમ્મસ્સ હેતુપચ્ચયેન પચ્ચયો… તીણિ.

હેતુ પચ્ચુપ્પન્નારમ્મણો ધમ્મો હેતુસ્સ પચ્ચુપ્પન્નારમ્મણસ્સ ધમ્મસ્સ આરમ્મણપચ્ચયેન પચ્ચયો… નવ.

હેતુ પચ્ચુપ્પન્નારમ્મણો ધમ્મો હેતુસ્સ પચ્ચુપ્પન્નારમ્મણસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ… તીણિ.

નહેતુ પચ્ચુપ્પન્નારમ્મણો ધમ્મો નહેતુસ્સ પચ્ચુપ્પન્નારમ્મણસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ… તીણિ.

હેતુ પચ્ચુપ્પન્નારમ્મણો ચ નહેતુ પચ્ચુપ્પન્નારમ્મણો ચ ધમ્મા હેતુસ્સ પચ્ચુપ્પન્નારમ્મણસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ… તીણિ (સંખિત્તં).

૫૦૬. હેતુયા તીણિ, આરમ્મણે નવ, અધિપતિયા નવ, અનન્તરે નવ, સમનન્તરે નવ, સહજાતે નવ, અઞ્ઞમઞ્ઞે નવ, નિસ્સયે નવ, ઉપનિસ્સયે નવ, આસેવને નવ, કમ્મે તીણિ, વિપાકે નવ, આહારે તીણિ, ઇન્દ્રિયે નવ…પે… અવિગતે નવ (સંખિત્તં).

પચ્ચનીયુદ્ધારો

૫૦૭. હેતુ પચ્ચુપ્પન્નારમ્મણો ધમ્મો હેતુસ્સ પચ્ચુપ્પન્નારમ્મણસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો (સંખિત્તં).

૫૦૮. નહેતુયા નવ, નઆરમ્મણે નવ (સંખિત્તં).

હેતુપચ્ચયા નઆરમ્મણે તીણિ (સંખિત્તં).

નહેતુપચ્ચયા આરમ્મણે નવ (સંખિત્તં).

(યથા કુસલત્તિકે પઞ્હાવારસ્સ અનુલોમમ્પિ પચ્ચનીયમ્પિ અનુલોમપચ્ચનીયમ્પિ પચ્ચનીયાનુલોમમ્પિ ગણિતં, એવં ગણેતબ્બં.)

હેતુદુકઅતીતારમ્મણત્તિકં નિટ્ઠિતં.