નમો તસ્સ ભગવતો અરહતો સમ્માસમ્બુદ્ધસ્સ
અભિધમ્મપિટકે
પટ્ઠાનપાળિ
(ચતુત્થો ભાગો)
ધમ્માનુલોમે દુકપટ્ઠાનં
૧૨. કિલેસગોચ્છકં
૭૫. કિલેસદુકં
૧. પટિચ્ચવારો
૧. પચ્ચયાનુલોમં
૧. વિભઙ્ગવારો
હેતુપચ્ચયો
૧. કિલેસં ધમ્મં પટિચ્ચ કિલેસો ધમ્મો ઉપ્પજ્જતિ હેતુપચ્ચયા – લોભં પટિચ્ચ મોહો દિટ્ઠિ થિનં [થીનં (સી. સ્યા.)] ઉદ્ધચ્ચં અહિરિકં અનોત્તપ્પં, લોભં પટિચ્ચ મોહો દિટ્ઠિ ઉદ્ધચ્ચં અહિરિકં અનોત્તપ્પં, લોભં પટિચ્ચ મોહો માનો થિનં ઉદ્ધચ્ચં અહિરિકં અનોત્તપ્પં, લોભં પટિચ્ચ મોહો માનો ઉદ્ધચ્ચં અહિરિકં અનોત્તપ્પં, લોભં પટિચ્ચ મોહો થિનં ઉદ્ધચ્ચં અહિરિકં અનોત્તપ્પં, લોભં પટિચ્ચ મોહો ઉદ્ધચ્ચં અહિરિકં અનોત્તપ્પં; દોસં પટિચ્ચ મોહો થિનં ઉદ્ધચ્ચં અહિરિકં અનોત્તપ્પં, દોસં પટિચ્ચ મોહો ઉદ્ધચ્ચં અહિરિકં અનોત્તપ્પં; વિચિકિચ્છં પટિચ્ચ મોહો ઉદ્ધચ્ચં અહિરિકં અનોત્તપ્પં; ઉદ્ધચ્ચં પટિચ્ચ મોહો અહિરિકં અનોત્તપ્પં. (૧)
કિલેસં ધમ્મં પટિચ્ચ નોકિલેસો ધમ્મો ઉપ્પજ્જતિ હેતુપચ્ચયા – કિલેસં પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં. (૨)
કિલેસં ધમ્મં પટિચ્ચ કિલેસો ચ નોકિલેસો ચ ધમ્મા ઉપ્પજ્જન્તિ હેતુપચ્ચયા – લોભં પટિચ્ચ મોહો દિટ્ઠિ થિનં ઉદ્ધચ્ચં અહિરિકં અનોત્તપ્પં સમ્પયુત્તકા ચ ખન્ધા ચિત્તસમુટ્ઠાનઞ્ચ રૂપં (ચક્કં). (૩)
૨. નોકિલેસં ધમ્મં પટિચ્ચ નોકિલેસો ધમ્મો ઉપ્પજ્જતિ હેતુપચ્ચયા – નોકિલેસં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે… ખન્ધે પટિચ્ચ વત્થુ, વત્થું પટિચ્ચ ખન્ધા, એકં મહાભૂતં…પે…. (૧)
નોકિલેસં ધમ્મં પટિચ્ચ કિલેસો ધમ્મો ઉપ્પજ્જતિ હેતુપચ્ચયા – નોકિલેસે ખન્ધે પટિચ્ચ કિલેસા. (૨)
નોકિલેસં ધમ્મં પટિચ્ચ કિલેસો ચ નોકિલેસો ચ ધમ્મા ઉપ્પજ્જન્તિ હેતુપચ્ચયા – નોકિલેસં એકં ખન્ધં પટિચ્ચ તયો ખન્ધા કિલેસા ચ ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)
૩. કિલેસઞ્ચ નોકિલેસઞ્ચ ધમ્મં પટિચ્ચ કિલેસો ધમ્મો ઉપ્પજ્જતિ હેતુપચ્ચયા – લોભઞ્ચ સમ્પયુત્તકે ચ ખન્ધે પટિચ્ચ મોહો દિટ્ઠિ થિનં ઉદ્ધચ્ચં અહિરિકં અનોત્તપ્પં (ચક્કં). (૧)
કિલેસઞ્ચ નોકિલેસઞ્ચ ધમ્મં પટિચ્ચ નોકિલેસો ધમ્મો ઉપ્પજ્જતિ હેતુપચ્ચયા – નોકિલેસં એકં ખન્ધઞ્ચ કિલેસે ચ પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે ચ…પે… કિલેસે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૨)
કિલેસઞ્ચ નોકિલેસઞ્ચ ધમ્મં પટિચ્ચ કિલેસો ચ નોકિલેસો ચ ધમ્મા ઉપ્પજ્જન્તિ હેતુપચ્ચયા – નોકિલેસં એકં ખન્ધઞ્ચ લોભઞ્ચ પટિચ્ચ તયો ખન્ધા મોહો દિટ્ઠિ થિનં ઉદ્ધચ્ચં અહિરિકં અનોત્તપ્પં ચિત્તસમુટ્ઠાનઞ્ચ રૂપં…પે… દ્વે ખન્ધે ચ…પે… (ચક્કં, સંખિત્તં). (૩)
૧. પચ્ચયાનુલોમં
૨. સઙ્ખ્યાવારો
૪. હેતુયા નવ, આરમ્મણે નવ, અધિપતિયા નવ, અનન્તરે નવ, સમનન્તરે નવ (સબ્બત્થ નવ), વિપાકે એકં…પે… અવિગતે નવ.
૨. પચ્ચયપચ્ચનીયં
૧. વિભઙ્ગવારો
નહેતુપચ્ચયો
૫. કિલેસં ધમ્મં પટિચ્ચ કિલેસો ધમ્મો ઉપ્પજ્જતિ નહેતુપચ્ચયા – વિચિકિચ્છં પટિચ્ચ મોહો, ઉદ્ધચ્ચં પટિચ્ચ મોહો. (૧)
નોકિલેસં ધમ્મં પટિચ્ચ નોકિલેસો ધમ્મો ઉપ્પજ્જતિ નહેતુપચ્ચયા – અહેતુકં નોકિલેસં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… અહેતુકપટિસન્ધિક્ખણે…પે… (યાવ અસઞ્ઞસત્તા). (૧)
નોકિલેસં ધમ્મં પટિચ્ચ કિલેસો ધમ્મો ઉપ્પજ્જતિ નહેતુપચ્ચયા – વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૨)
કિલેસઞ્ચ નોકિલેસઞ્ચ ધમ્મં પટિચ્ચ કિલેસો ધમ્મો ઉપ્પજ્જતિ નહેતુપચ્ચયા – વિચિકિચ્છાસહગતે ખન્ધે ચ વિચિકિચ્છઞ્ચ પટિચ્ચ વિચિકિચ્છાસહગતો મોહો, ઉદ્ધચ્ચસહગતે ખન્ધે ચ ઉદ્ધચ્ચઞ્ચ પટિચ્ચ ઉદ્ધચ્ચસહગતો મોહો. (૧)
નઆરમ્મણપચ્ચયાદિ
૬. કિલેસં ધમ્મં પટિચ્ચ નોકિલેસો ધમ્મો ઉપ્પજ્જતિ નઆરમ્મણપચ્ચયા – કિલેસે પટિચ્ચ ચિત્તસમુટ્ઠાનં રૂપં. (૧)
નોકિલેસં ધમ્મં પટિચ્ચ નોકિલેસો ધમ્મો ઉપ્પજ્જતિ નઆરમ્મણપચ્ચયા – નોકિલેસે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે… ખન્ધે પટિચ્ચ વત્થુ (યાવ અસઞ્ઞસત્તા). (૧)
કિલેસઞ્ચ નોકિલેસઞ્ચ ધમ્મં પટિચ્ચ નોકિલેસો ધમ્મો ઉપ્પજ્જતિ નઆરમ્મણપચ્ચયા – કિલેસે ચ સમ્પયુત્તકે ચ ખન્ધે પટિચ્ચ ચિત્તસમુટ્ઠાનં રૂપં, કિલેસે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)
નઅધિપતિપચ્ચયા… નઅનન્તરપચ્ચયા… નસમનન્તરપચ્ચયા… નઅઞ્ઞમઞ્ઞપચ્ચયા… નઉપનિસ્સયપચ્ચયા.
નપુરેજાતપચ્ચયાદિ
૭. કિલેસં ધમ્મં પટિચ્ચ કિલેસો ધમ્મો ઉપ્પજ્જતિ નપુરેજાતપચ્ચયા – અરૂપે લોભં પટિચ્ચ મોહો દિટ્ઠિ થિનં ઉદ્ધચ્ચં અહિરિકં અનોત્તપ્પં, લોભં પટિચ્ચ મોહો દિટ્ઠિ ઉદ્ધચ્ચં અહિરિકં અનોત્તપ્પં, લોભં પટિચ્ચ મોહો માનો થિનં ઉદ્ધચ્ચં અહિરિકં અનોત્તપ્પં, લોભં પટિચ્ચ મોહો માનો ઉદ્ધચ્ચં અહિરિકં અનોત્તપ્પં, લોભં પટિચ્ચ મોહો થિનં ઉદ્ધચ્ચં અહિરિકં અનોત્તપ્પં, લોભં પટિચ્ચ મોહો ઉદ્ધચ્ચં અહિરિકં અનોત્તપ્પં; વિચિકિચ્છં પટિચ્ચ મોહો ઉદ્ધચ્ચં અહિરિકં અનોત્તપ્પં; ઉદ્ધચ્ચં પટિચ્ચ મોહો અહિરિકં અનોત્તપ્પં (અરૂપે દોસમૂલકં નત્થિ). (૧)
કિલેસં ધમ્મં પટિચ્ચ નોકિલેસો ધમ્મો ઉપ્પજ્જતિ નપુરેજાતપચ્ચયા – અરૂપે કિલેસે પટિચ્ચ સમ્પયુત્તકા ખન્ધા, કિલેસે પટિચ્ચ ચિત્તસમુટ્ઠાનં રૂપં (એવં નવપિ પઞ્હા કાતબ્બા), નપચ્છાજાતપચ્ચયા, નઆસેવનપચ્ચયા.
નકમ્મપચ્ચયો
૮. કિલેસં ધમ્મં પટિચ્ચ નોકિલેસો ધમ્મો ઉપ્પજ્જતિ નકમ્મપચ્ચયા – કિલેસે પટિચ્ચ સમ્પયુત્તકા ચેતના. (૧)
નોકિલેસં ધમ્મં પટિચ્ચ નોકિલેસો ધમ્મો ઉપ્પજ્જતિ નકમ્મપચ્ચયા – નોકિલેસે ખન્ધે પટિચ્ચ સમ્પયુત્તકા ચેતના; બાહિરં… આહારસમુટ્ઠાનં… ઉતુસમુટ્ઠાનં…પે…. (૧)
કિલેસઞ્ચ નોકિલેસઞ્ચ ધમ્મં પટિચ્ચ નોકિલેસો ધમ્મો ઉપ્પજ્જતિ નકમ્મપચ્ચયા – કિલેસે ચ સમ્પયુત્તકે ચ ખન્ધે પટિચ્ચ સમ્પયુત્તકા ચેતના. (૧) (એવં સબ્બે પચ્ચયા કાતબ્બા.)
૨. પચ્ચયપચ્ચનીયં
૨. સઙ્ખ્યાવારો
સુદ્ધં
૯. નહેતુયા ચત્તારિ, નઆરમ્મણે તીણિ, નઅધિપતિયા નવ, નઅનન્તરે તીણિ, નસમનન્તરે તીણિ, નઅઞ્ઞમઞ્ઞે તીણિ, નઉપનિસ્સયે તીણિ, નપુરેજાતે નવ, નપચ્છાજાતે નવ, નઆસેવને નવ, નકમ્મે તીણિ, નવિપાકે નવ, નઆહારે એકં, નઇન્દ્રિયે એકં, નઝાને એકં, નમગ્ગે એકં, નસમ્પયુત્તે તીણિ, નવિપ્પયુત્તે નવ, નોનત્થિયા તીણિ, નોવિગતે તીણિ.
૨. સહજાતવારો
(એવં ઇતરે દ્વે ગણનાપિ સહજાતવારોપિ કાતબ્બો.)
૩. પચ્ચયવારો
૧. પચ્ચયાનુલોમં
૧. વિભઙ્ગવારો
હેતુપચ્ચયો
૧૦. કિલેસં ધમ્મં પચ્ચયા કિલેસો ધમ્મો ઉપ્પજ્જતિ હેતુપચ્ચયા… તીણિ (પટિચ્ચસદિસા).
નોકિલેસં ધમ્મં પચ્ચયા નોકિલેસો ધમ્મો ઉપ્પજ્જતિ હેતુપચ્ચયા – નોકિલેસં એકં ખન્ધં પચ્ચયા તયો ખન્ધા…પે… (યાવ અજ્ઝત્તિકા મહાભૂતા) વત્થું પચ્ચયા નોકિલેસા ખન્ધા. (૧)
નોકિલેસં ધમ્મં પચ્ચયા કિલેસો ધમ્મો ઉપ્પજ્જતિ હેતુપચ્ચયા – નોકિલેસે ખન્ધે પચ્ચયા કિલેસા, વત્થું પચ્ચયા કિલેસા. (૨)
નોકિલેસં ધમ્મં પચ્ચયા કિલેસો ચ નોકિલેસો ચ ધમ્મા ઉપ્પજ્જન્તિ હેતુપચ્ચયા – નોકિલેસં એકં ખન્ધં પચ્ચયા તયો ખન્ધા કિલેસા ચ ચિત્તસમુટ્ઠાનઞ્ચ રૂપં…પે… દ્વે ખન્ધે…પે… વત્થું પચ્ચયા કિલેસા, મહાભૂતે પચ્ચયા ચિત્તસમુટ્ઠાનં રૂપં, વત્થું પચ્ચયા કિલેસા ચ સમ્પયુત્તકા ચ ખન્ધા. (૩)
૧૧. કિલેસઞ્ચ નોકિલેસઞ્ચ ધમ્મં પચ્ચયા કિલેસો ધમ્મો ઉપ્પજ્જતિ હેતુપચ્ચયા – લોભઞ્ચ સમ્પયુત્તકે ચ ખન્ધે પચ્ચયા મોહો દિટ્ઠિ થિનં ઉદ્ધચ્ચં અહિરિકં અનોત્તપ્પં (ચક્કં). લોભઞ્ચ વત્થુઞ્ચ પચ્ચયા કિલેસા. (૧)
કિલેસઞ્ચ નોકિલેસઞ્ચ ધમ્મં પચ્ચયા નોકિલેસો ધમ્મો ઉપ્પજ્જતિ હેતુપચ્ચયા – નોકિલેસં એકં ખન્ધઞ્ચ કિલેસઞ્ચ પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે ચ…પે… કિલેસે ચ મહાભૂતે ચ પચ્ચયા ચિત્તસમુટ્ઠાનં રૂપં, કિલેસે ચ વત્થુઞ્ચ પચ્ચયા નોકિલેસા ખન્ધા. (૨)
કિલેસઞ્ચ નોકિલેસઞ્ચ ધમ્મં પચ્ચયા કિલેસો ચ નોકિલેસો ચ ધમ્મા ઉપ્પજ્જન્તિ હેતુપચ્ચયા – નોકિલેસં એકં ખન્ધઞ્ચ લોભઞ્ચ પચ્ચયા તયો ખન્ધા મોહો દિટ્ઠિ થિનં ઉદ્ધચ્ચં અહિરિકં અનોત્તપ્પં ચિત્તસમુટ્ઠાનઞ્ચ રૂપં…પે… દ્વે ખન્ધે ચ…પે… (ચક્કં). લોભઞ્ચ વત્થુઞ્ચ પચ્ચયા મોહો દિટ્ઠિ થિનં ઉદ્ધચ્ચં અહિરિકં અનોત્તપ્પં સમ્પયુત્તકા ચ ખન્ધા (ચક્કં). (૩)
(આરમ્મણપચ્ચયે નોકિલેસમૂલે પઞ્ચ વિઞ્ઞાણા કાતબ્બા.)
૧. પચ્ચયાનુલોમં
૨. સઙ્ખ્યાવારો
૧૨. હેતુયા નવ, આરમ્મણે નવ, અધિપતિયા નવ (સબ્બત્થ નવ), વિપાકે એકં…પે… અવિગતે નવ.
૨. પચ્ચયપચ્ચનીયં
૧. વિભઙ્ગવારો
નહેતુપચ્ચયો
૧૩. કિલેસં ધમ્મં પચ્ચયા કિલેસો ધમ્મો ઉપ્પજ્જતિ નહેતુપચ્ચયા – વિચિકિચ્છં પચ્ચયા વિચિકિચ્છાસહગતો મોહો, ઉદ્ધચ્ચં પચ્ચયા ઉદ્ધચ્ચસહગતો મોહો. (૧)
નોકિલેસં ધમ્મં પચ્ચયા નોકિલેસો ધમ્મો ઉપ્પજ્જતિ નહેતુપચ્ચયા (યાવ અસઞ્ઞસત્તા) – ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં…પે… વત્થું પચ્ચયા અહેતુકા નોકિલેસા ખન્ધા. (૧)
નોકિલેસં ધમ્મં પચ્ચયા કિલેસો ધમ્મો ઉપ્પજ્જતિ નહેતુપચ્ચયા – વિચિકિચ્છાસહગતે ઉદ્ધચ્ચસહગતે ખન્ધે ચ વત્થુઞ્ચ પચ્ચયા વિચિકિચ્છાસહગતો ઉદ્ધચ્ચસહગતો મોહો. (૨)
કિલેસઞ્ચ નોકિલેસઞ્ચ ધમ્મં પચ્ચયા કિલેસો ધમ્મો ઉપ્પજ્જતિ નહેતુપચ્ચયા – વિચિકિચ્છઞ્ચ સમ્પયુત્તકે ચ ખન્ધે વત્થુઞ્ચ પચ્ચયા વિચિકિચ્છાસહગતો મોહો, ઉદ્ધચ્ચઞ્ચ સમ્પયુત્તકે ચ ખન્ધે વત્થુઞ્ચ પચ્ચયા ઉદ્ધચ્ચસહગતો મોહો (સંખિત્તં). (૧)
૨. પચ્ચયપચ્ચનીયં
૨. સઙ્ખ્યાવારો
૧૪. નહેતુયા ચત્તારિ, નઆરમ્મણે તીણિ, નઅધિપતિયા નવ…પે… નકમ્મે તીણિ, નવિપાકે નવ, નઆહારે એકં…પે… નોવિગતે તીણિ.
૪. નિસ્સયવારો
(એવં ઇતરે દ્વે ગણનાપિ નિસ્સયવારોપિ કાતબ્બો.)
૫. સંસટ્ઠવારો
૧-૪. પચ્ચયાનુલોમાદિ
૧૫. કિલેસં ધમ્મં સંસટ્ઠો કિલેસો ધમ્મો ઉપ્પજ્જતિ હેતુપચ્ચયા – લોભં સંસટ્ઠો મોહો દિટ્ઠિ થિનં ઉદ્ધચ્ચં અહિરિકં અનોત્તપ્પં. (ચક્કં. એવં નવ પઞ્હા કાતબ્બા.)
હેતુયા નવ, આરમ્મણે નવ (સબ્બત્થ નવ), વિપાકે એકં…પે… અવિગતે નવ.
અનુલોમં.
કિલેસં ધમ્મં સંસટ્ઠો કિલેસો ધમ્મો ઉપ્પજ્જતિ નહેતુપચ્ચયા (એવં નહેતુપઞ્હા ચત્તારિ કાતબ્બા.)
નહેતુયા ચત્તારિ, નઅધિપતિયા નવ, નપુરેજાતે નવ, નપચ્છાજાતે નવ, નઆસેવને નવ, નકમ્મે તીણિ, નવિપાકે નવ, નઝાને એકં, નમગ્ગે એકં, નવિપ્પયુત્તે નવ.
પચ્ચનીયં.
૬. સમ્પયુત્તવારો
(એવં ઇતરે દ્વે ગણનાપિ સમ્પયુત્તવારોપિ કાતબ્બો.)
૭. પઞ્હાવારો
૧. પચ્ચયાનુલોમં
૧. વિભઙ્ગવારો
હેતુપચ્ચયો
૧૬. કિલેસો ધમ્મો કિલેસસ્સ ધમ્મસ્સ હેતુપચ્ચયેન પચ્ચયો – કિલેસા હેતૂ સમ્પયુત્તકાનં કિલેસાનં હેતુપચ્ચયેન પચ્ચયો. (મૂલં પુચ્છિતબ્બં.) કિલેસા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (મૂલં પુચ્છિતબ્બં.) કિલેસા હેતૂ સમ્પયુત્તકાનં ખન્ધાનં કિલેસાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)
નોકિલેસો ધમ્મો નોકિલેસસ્સ ધમ્મસ્સ હેતુપચ્ચયેન પચ્ચયો – નોકિલેસા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૧)
આરમ્મણપચ્ચયો
૧૭. કિલેસો ધમ્મો કિલેસસ્સ ધમ્મસ્સ આરમ્મણપચ્ચયેન પચ્ચયો – કિલેસે આરબ્ભ કિલેસા ઉપ્પજ્જન્તિ. (મૂલં પુચ્છિતબ્બં.) કિલેસે આરબ્ભ નોકિલેસા ખન્ધા ઉપ્પજ્જન્તિ. (મૂલં પુચ્છિતબ્બં.) કિલેસે આરબ્ભ કિલેસા ચ સમ્પયુત્તકા ચ ખન્ધા ઉપ્પજ્જન્તિ. (૩)
૧૮. નોકિલેસો ધમ્મો નોકિલેસસ્સ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં…પે… પુબ્બે સુચિણ્ણાનિ…પે… ઝાના વુટ્ઠહિત્વા ઝાનં પચ્ચવેક્ખતિ અસ્સાદેતિ અભિનન્દતિ, તં આરબ્ભ રાગો…પે… દિટ્ઠિ…પે… વિચિકિચ્છા…પે… ઉદ્ધચ્ચં…પે… દોમનસ્સં ઉપ્પજ્જતિ; અરિયા મગ્ગા વુટ્ઠહિત્વા…પે… ફલસ્સ, આવજ્જનાય આરમ્મણપચ્ચયેન પચ્ચયો; ચક્ખું…પે… વત્થું નોકિલેસે ખન્ધે અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ…પે… અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)
નોકિલેસો ધમ્મો કિલેસસ્સ ધમ્મસ્સ આરમ્મણપચ્ચયેન પચ્ચયો – દાનં…પે… ઝાના વુટ્ઠહિત્વા ઝાનં અસ્સાદેતિ અભિનન્દતિ, તં આરબ્ભ રાગો…પે… દિટ્ઠિ…પે… વિચિકિચ્છા…પે… ઉદ્ધચ્ચં ઉપ્પજ્જતિ, ઝાને પરિહીને વિપ્પટિસારિસ્સ દોમનસ્સં ઉપ્પજ્જતિ, ચક્ખું…પે… વત્થું નોકિલેસે ખન્ધે અસ્સાદેતિ અભિનન્દતિ, તં આરબ્ભ રાગો…પે… દોમનસ્સં ઉપ્પજ્જતિ. (૨)
નોકિલેસો ધમ્મો કિલેસસ્સ ચ નોકિલેસસ્સ ચ ધમ્મસ્સ આરમ્મણપચ્ચયેન પચ્ચયો – દાનં…પે… ઝાના વુટ્ઠહિત્વા…પે… ચક્ખું…પે… વત્થું નોકિલેસે ખન્ધે અસ્સાદેતિ અભિનન્દતિ, તં આરબ્ભ કિલેસા ચ સમ્પયુત્તકા ચ ખન્ધા ઉપ્પજ્જન્તિ. (૩)
કિલેસો ચ નોકિલેસો ચ ધમ્મા કિલેસસ્સ ધમ્મસ્સ આરમ્મણપચ્ચયેન પચ્ચયો… તીણિ.
અધિપતિપચ્ચયો
૧૯. કિલેસો ધમ્મો કિલેસસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – કિલેસે ગરું કત્વા કિલેસા ઉપ્પજ્જન્તિ… તીણિ (આરમ્મણાધિપતિયેવ). (૩)
નોકિલેસો ધમ્મો નોકિલેસસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… સીલં…પે… ઉપોસથકમ્મં કત્વા તં ગરું કત્વા પચ્ચવેક્ખતિ અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ; પુબ્બે…પે… ઝાના…પે… અરિયા મગ્ગા વુટ્ઠહિત્વા મગ્ગં ગરું કત્વા પચ્ચવેક્ખન્તિ…પે… ફલસ્સ અધિપતિપચ્ચયેન પચ્ચયો; ચક્ખું…પે… વત્થું નોકિલેસે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – નોકિલેસાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)
નોકિલેસો ધમ્મો કિલેસસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… ઝાનં…પે… ચક્ખું…પે… વત્થું નોકિલેસે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – નોકિલેસાધિપતિ સમ્પયુત્તકાનં કિલેસાનં અધિપતિપચ્ચયેન પચ્ચયો. (૨)
નોકિલેસો ધમ્મો કિલેસસ્સ ચ નોકિલેસસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… ઝાનં…પે… ચક્ખું…પે… વત્થું નોકિલેસે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા કિલેસા ચ સમ્પયુત્તકા ચ ખન્ધા ઉપ્પજ્જન્તિ. સહજાતાધિપતિ – નોકિલેસાધિપતિ સમ્પયુત્તકાનં ખન્ધાનં કિલેસાનઞ્ચ ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)
કિલેસો ચ નોકિલેસો ચ ધમ્મા કિલેસસ્સ ધમ્મસ્સ અધિપતિપચ્ચયેન પચ્ચયો… તીણિ (આરમ્મણાધિપતિયેવ). (૩)
અનન્તરપચ્ચયાદિ
૨૦. કિલેસો ધમ્મો કિલેસસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા કિલેસા પચ્છિમાનં પચ્છિમાનં કિલેસાનં અનન્તરપચ્ચયેન પચ્ચયો. (મૂલં કાતબ્બં.) પુરિમા પુરિમા કિલેસા પચ્છિમાનં પચ્છિમાનં નોકિલેસાનં ખન્ધાનં અનન્તરપચ્ચયેન પચ્ચયો; કિલેસા વુટ્ઠાનસ્સ અનન્તરપચ્ચયેન પચ્ચયો. (મૂલં કાતબ્બં.) પુરિમા પુરિમા કિલેસા પચ્છિમાનં પચ્છિમાનં કિલેસાનં સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો. (૩)
૨૧. નોકિલેસો ધમ્મો નોકિલેસસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા નોકિલેસા ખન્ધા પચ્છિમાનં પચ્છિમાનં નોકિલેસાનં ખન્ધાનં અનન્તરપચ્ચયેન પચ્ચયો…પે… ફલસમાપત્તિયા અનન્તરપચ્ચયેન પચ્ચયો. (મૂલં કાતબ્બં.) પુરિમા પુરિમા નોકિલેસા ખન્ધા પચ્છિમાનં પચ્છિમાનં કિલેસાનં અનન્તરપચ્ચયેન પચ્ચયો; આવજ્જના કિલેસાનં અનન્તરપચ્ચયેન પચ્ચયો. (મૂલં કાતબ્બં.) પુરિમા પુરિમા નોકિલેસા ખન્ધા પચ્છિમાનં પચ્છિમાનં કિલેસાનં સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો; આવજ્જના કિલેસાનં સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો. (૩)
૨૨. કિલેસો ચ નોકિલેસો ચ ધમ્મા કિલેસસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા કિલેસા ચ સમ્પયુત્તકા ચ ખન્ધા પચ્છિમાનં પચ્છિમાનં કિલેસાનં અનન્તરપચ્ચયેન પચ્ચયો. (મૂલં કાતબ્બં.) પુરિમા પુરિમા કિલેસા ચ સમ્પયુત્તકા ચ ખન્ધા પચ્છિમાનં પચ્છિમાનં નોકિલેસાનં ખન્ધાનં અનન્તરપચ્ચયેન પચ્ચયો; કિલેસા ચ સમ્પયુત્તકા ચ ખન્ધા વુટ્ઠાનસ્સ અનન્તરપચ્ચયેન પચ્ચયો. (મૂલં કાતબ્બં.) પુરિમા પુરિમા કિલેસા ચ સમ્પયુત્તકા ચ ખન્ધા પચ્છિમાનં પચ્છિમાનં કિલેસાનં સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો. (૩)
સમનન્તરપચ્ચયેન પચ્ચયો, સહજાતપચ્ચયેન પચ્ચયો, અઞ્ઞમઞ્ઞપચ્ચયેન પચ્ચયો, નિસ્સયપચ્ચયેન પચ્ચયો.
ઉપનિસ્સયપચ્ચયો
૨૩. કિલેસો ધમ્મો કિલેસસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – કિલેસા કિલેસાનં ઉપનિસ્સયપચ્ચયેન પચ્ચયો… તીણિ.
૨૪. નોકિલેસો ધમ્મો નોકિલેસસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દાનં દેતિ…પે… માનં જપ્પેતિ, દિટ્ઠિં ગણ્હાતિ; સીલં…પે… પઞ્ઞં… રાગં… દોસં… મોહં… માનં… દિટ્ઠિં… પત્થનં… કાયિકં સુખં…પે… સેનાસનં ઉપનિસ્સાય દાનં દેતિ…પે… સઙ્ઘં ભિન્દતિ; સદ્ધા…પે… સેનાસનં સદ્ધાય…પે… ફલસમાપત્તિયા ઉપનિસ્સયપચ્ચયેન પચ્ચયો. (૧)
નોકિલેસો ધમ્મો કિલેસસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય માનં જપ્પેતિ… દિટ્ઠિં ગણ્હાતિ; સીલં…પે… સેનાસનં ઉપનિસ્સાય પાણં હનતિ…પે… સઙ્ઘં ભિન્દતિ; સદ્ધા…પે… સેનાસનં કિલેસાનં ઉપનિસ્સયપચ્ચયેન પચ્ચયો. (૨)
નોકિલેસો ધમ્મો કિલેસસ્સ ચ નોકિલેસસ્સ ચ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય માનં જપ્પેતિ… દિટ્ઠિં ગણ્હાતિ; સીલં…પે… સેનાસનં ઉપનિસ્સાય પાણં હનતિ…પે… સઙ્ઘં ભિન્દતિ; સદ્ધા…પે… સેનાસનં કિલેસાનં સમ્પયુત્તકાનઞ્ચ ખન્ધાનં ઉપનિસ્સયપચ્ચયેન પચ્ચયો. (૩)
કિલેસો ચ નોકિલેસો ચ ધમ્મા કિલેસસ્સ ધમ્મસ્સ ઉપનિસ્સયપચ્ચયેન પચ્ચયો… તીણિ.
પુરેજાતપચ્ચયો
૨૫. નોકિલેસો ધમ્મો નોકિલેસસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ, દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે…. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ નોકિલેસાનં ખન્ધાનં પુરેજાતપચ્ચયેન પચ્ચયો. (૧)
નોકિલેસો ધમ્મો કિલેસસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અસ્સાદેતિ અભિનન્દતિ, તં આરબ્ભ રાગો…પે… દોમનસ્સં ઉપ્પજ્જતિ. વત્થુપુરેજાતં – વત્થુ કિલેસાનં પુરેજાતપચ્ચયેન પચ્ચયો. (૨)
નોકિલેસો ધમ્મો કિલેસસ્સ ચ નોકિલેસસ્સ ચ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અસ્સાદેતિ અભિનન્દતિ, તં આરબ્ભ કિલેસા ચ સમ્પયુત્તકા ચ ખન્ધા ઉપ્પજ્જન્તિ. વત્થુપુરેજાતં – વત્થુ કિલેસાનં સમ્પયુત્તકાનઞ્ચ ખન્ધાનં પુરેજાતપચ્ચયેન પચ્ચયો. (૩)
પચ્છાજાતાસેવનપચ્ચયા
૨૬. કિલેસો ધમ્મો નોકિલેસસ્સ ધમ્મસ્સ પચ્છાજાતપચ્ચયેન પચ્ચયો (સંખિત્તં). (૧)
નોકિલેસો ધમ્મો નોકિલેસસ્સ ધમ્મસ્સ પચ્છાજાતપચ્ચયેન પચ્ચયો (સંખિત્તં). (૧)
કિલેસો ચ નોકિલેસો ચ ધમ્મા નોકિલેસસ્સ ધમ્મસ્સ પચ્છાજાતપચ્ચયેન પચ્ચયો (સંખિત્તં) આસેવનપચ્ચયેન પચ્ચયો …નવ.
કમ્મપચ્ચયો
૨૭. નોકિલેસો ધમ્મો નોકિલેસસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – નોકિલેસા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – નોકિલેસા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૧)
નોકિલેસો ધમ્મો કિલેસસ્સ ધમ્મસ્સ કમ્મપચ્ચયેન પચ્ચયો – નોકિલેસા ચેતના કિલેસાનં કમ્મપચ્ચયેન પચ્ચયો. (૨)
નોકિલેસો ધમ્મો કિલેસસ્સ ચ નોકિલેસસ્સ ચ ધમ્મસ્સ કમ્મપચ્ચયેન પચ્ચયો – નોકિલેસા ચેતના સમ્પયુત્તકાનં ખન્ધાનં કિલેસાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૩)
વિપાકપચ્ચયાદિ
૨૮. નોકિલેસો ધમ્મો નોકિલેસસ્સ ધમ્મસ્સ વિપાકપચ્ચયેન પચ્ચયો… એકં… આહારપચ્ચયેન પચ્ચયો… તીણિ… ઇન્દ્રિયપચ્ચયેન પચ્ચયો… તીણિ… ઝાનપચ્ચયેન પચ્ચયો… તીણિ… મગ્ગપચ્ચયેન પચ્ચયો… નવ… સમ્પયુત્તપચ્ચયેન પચ્ચયો… નવ.
વિપ્પયુત્તપચ્ચયો
૨૯. કિલેસો ધમ્મો નોકિલેસસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં). (૧)
નોકિલેસો ધમ્મો નોકિલેસસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં (સંખિત્તં). (૧)
નોકિલેસો ધમ્મો કિલેસસ્સ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ કિલેસાનં વિપ્પયુત્તપચ્ચયેન પચ્ચયો. (૨)
નોકિલેસો ધમ્મો કિલેસસ્સ ચ નોકિલેસસ્સ ચ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ કિલેસાનં સમ્પયુત્તકાનઞ્ચ ખન્ધાનં વિપ્પયુત્તપચ્ચયેન પચ્ચયો. (૩)
કિલેસો ચ નોકિલેસો ચ ધમ્મા નોકિલેસસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં. વિત્થારેતબ્બં.)
અત્થિપચ્ચયાદિ
૩૦. કિલેસો ધમ્મો કિલેસસ્સ ધમ્મસ્સ અત્થિપચ્ચયેન પચ્ચયો… એકં (પટિચ્ચસદિસં). (૧)
કિલેસો ધમ્મો નોકિલેસસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં (સંખિત્તં). (૨)
કિલેસો ધમ્મો કિલેસસ્સ ચ નોકિલેસસ્સ ચ ધમ્મસ્સ અત્થિપચ્ચયેન પચ્ચયો (પટિચ્ચસદિસં). (૩)
નોકિલેસો ધમ્મો નોકિલેસસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં (સંખિત્તં). (૧)
નોકિલેસો ધમ્મો કિલેસસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં (સંખિત્તં. સહજાતં સહજાતસદિસં, પુરેજાતં પુરેજાતસદિસં.) (૨)
નોકિલેસો ધમ્મો કિલેસસ્સ ચ નોકિલેસસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં (સહજાતં સહજાતસદિસં, પુરેજાતં પુરેજાતસદિસં.) (૩)
૩૧. કિલેસો ચ નોકિલેસો ચ ધમ્મા કિલેસસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – લોભો ચ સમ્પયુત્તકા ચ ખન્ધા મોહસ્સ, દિટ્ઠિયા, થિનસ્સ, ઉદ્ધચ્ચસ્સ, અહિરિકસ્સ, અનોત્તપ્પસ્સ અત્થિપચ્ચયેન પચ્ચયો (ચક્કં). સહજાતો – લોભો ચ વત્થુ ચ મોહસ્સ, દિટ્ઠિયા, થિનસ્સ, ઉદ્ધચ્ચસ્સ, અહિરિકસ્સ, અનોત્તપ્પસ્સ અત્થિપચ્ચયેન પચ્ચયો (ચક્કં). (૧)
કિલેસો ચ નોકિલેસો ચ ધમ્મા નોકિલેસસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતો – નોકિલેસો એકો ખન્ધો ચ કિલેસો ચ તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે… દ્વે ખન્ધા ચ…પે…. સહજાતા – કિલેસા ચ મહાભૂતા ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. સહજાતા – કિલેસા ચ વત્થુ ચ નોકિલેસાનં ખન્ધાનં અત્થિપચ્ચયેન પચ્ચયો. પચ્છાજાતા – કિલેસા ચ સમ્પયુત્તકા ખન્ધા ચ પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – કિલેસા ચ સમ્પયુત્તકા ચ ખન્ધા કબળીકારો આહારો ચ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – કિલેસા ચ સમ્પયુત્તકા ચ ખન્ધા રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૨)
કિલેસો ચ નોકિલેસો ચ ધમ્મા કિલેસસ્સ ચ નોકિલેસસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – નોકિલેસો એકો ખન્ધો ચ લોભો ચ તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં મોહસ્સ ચ, દિટ્ઠિયા, થિનસ્સ, ઉદ્ધચ્ચસ્સ, અહિરિકસ્સ, અનોત્તપ્પસ્સ અત્થિપચ્ચયેન પચ્ચયો…પે… દ્વે ખન્ધા ચ…પે…. સહજાતો – લોભો ચ વત્થુ ચ મોહસ્સ, દિટ્ઠિયા, થિનસ્સ, ઉદ્ધચ્ચસ્સ, અહિરિકસ્સ, અનોત્તપ્પસ્સ સમ્પયુત્તકાનઞ્ચ ખન્ધાનં અત્થિપચ્ચયેન પચ્ચયો (ચક્કં). (૩)
નત્થિપચ્ચયેન પચ્ચયો… વિગતપચ્ચયેન પચ્ચયો… અવિગતપચ્ચયેન પચ્ચયો.
૧. પચ્ચયાનુલોમં
૨. સઙ્ખ્યાવારો
સુદ્ધં
૩૨. હેતુયા ચત્તારિ, આરમ્મણે નવ, અધિપતિયા નવ, અનન્તરે નવ, સમનન્તરે નવ, સહજાતે નવ, અઞ્ઞમઞ્ઞે નવ, નિસ્સયે નવ, ઉપનિસ્સયે નવ, પુરેજાતે તીણિ, પચ્છાજાતે તીણિ, આસેવને નવ, કમ્મે તીણિ, વિપાકે એકં, આહારે તીણિ, ઇન્દ્રિયે તીણિ, ઝાને તીણિ, મગ્ગે નવ, સમ્પયુત્તે નવ, વિપ્પયુત્તે પઞ્ચ, અત્થિયા નવ, નત્થિયા નવ, વિગતે નવ, અવિગતે નવ.