૧-૭. પટિચ્ચવારાદિ
પચ્ચયચતુક્કં
હેતુપચ્ચયો
૨૧૪. અતીતારમ્મણં હેતું ધમ્મં પટિચ્ચ અતીતારમ્મણો હેતુ ધમ્મો ઉપ્પજ્જતિ હેતુપચ્ચયા. (૧)
અનાગતારમ્મણં હેતું ધમ્મં પટિચ્ચ અનાગતારમ્મણો હેતુ ધમ્મો ઉપ્પજ્જતિ હેતુપચ્ચયા. (૧)
પચ્ચુપ્પન્નારમ્મણં હેતું ધમ્મં પટિચ્ચ પચ્ચુપ્પન્નારમ્મણો હેતુ ધમ્મો ઉપ્પજ્જતિ હેતુપચ્ચયા. (૧) (સંખિત્તં.)
૨૧૫. હેતુયા તીણિ, આરમ્મણે તીણિ…પે… અવિગતે તીણિ (સંખિત્તં).
નઅધિપતિયા તીણિ, નપુરેજાતે તીણિ, નપચ્છાજાતે તીણિ, નઆસેવને તીણિ, નવિપાકે તીણિ, નવિપ્પયુત્તે દ્વે (સંખિત્તં).
(સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં વિત્થારેતબ્બં.)
હેતુ-આરમ્મણપચ્ચયા
૨૧૬. અતીતારમ્મણો હેતુ ધમ્મો અતીતારમ્મણસ્સ હેતુસ્સ ધમ્મસ્સ હેતુપચ્ચયેન પચ્ચયો. (૧)
અનાગતારમ્મણો હેતુ ધમ્મો અનાગતારમ્મણસ્સ હેતુસ્સ ધમ્મસ્સ હેતુપચ્ચયેન પચ્ચયો. (૧)
પચ્ચુપ્પન્નારમ્મણો હેતુ ધમ્મો પચ્ચુપ્પન્નારમ્મણસ્સ હેતુસ્સ ધમ્મસ્સ હેતુપચ્ચયેન પચ્ચયો. (૧)
અતીતારમ્મણો હેતુ ધમ્મો અતીતારમ્મણસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. અતીતારમ્મણો હેતુ ધમ્મો અનાગતારમ્મણસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. અતીતારમ્મણો હેતુ ધમ્મો પચ્ચુપ્પન્નારમ્મણસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. (૩)
અનાગતારમ્મણો હેતુ ધમ્મો અનાગતારમ્મણસ્સ હેતુસ્સ ધમ્મસ્સ આરમ્મણપચ્ચયેન પચ્ચયો… તીણિ.
પચ્ચુપ્પન્નારમ્મણો હેતુ ધમ્મો પચ્ચુપ્પન્નારમ્મણસ્સ હેતુસ્સ ધમ્મસ્સ આરમ્મણપચ્ચયેન પચ્ચયો… તીણિ (સંખિત્તં).
૨૧૭. હેતુયા તીણિ, આરમ્મણે નવ, અધિપતિયા સત્ત, અનન્તરે છ, સમનન્તરે છ, સહજાતે તીણિ, અઞ્ઞમઞ્ઞે તીણિ, નિસ્સયે તીણિ, ઉપનિસ્સયે નવ…પે… અવિગતે તીણિ (સંખિત્તં).
નહેતુયા નવ, નઆરમ્મણે નવ (સંખિત્તં).
હેતુપચ્ચયા નઆરમ્મણે તીણિ (સંખિત્તં).
નહેતુપચ્ચયા આરમ્મણે નવ (સંખિત્તં).
(યથા કુસલત્તિકે પઞ્હાવારં, એવં વિત્થારેતબ્બં.)