૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૨૧૮. અતીતારમ્મણં નહેતું ધમ્મં પટિચ્ચ અતીતારમ્મણો નહેતુ ધમ્મો ઉપ્પજ્જતિ હેતુપચ્ચયા. (૧)

અનાગતારમ્મણં નહેતું ધમ્મં પટિચ્ચ અનાગતારમ્મણો નહેતુ ધમ્મો ઉપ્પજ્જતિ હેતુપચ્ચયા. (૧)

પચ્ચુપ્પન્નારમ્મણં નહેતું ધમ્મં પટિચ્ચ પચ્ચુપ્પન્નારમ્મણો નહેતુ ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૨૧૯. હેતુયા તીણિ, આરમ્મણે તીણિ, અધિપતિયા તીણિ…પે… અવિગતે તીણિ (સંખિત્તં).

નહેતુયા તીણિ, નઅધિપતિયા તીણિ, નપુરેજાતે તીણિ, નપચ્છાજાતે તીણિ, નઆસેવને તીણિ, નકમ્મે તીણિ, નવિપાકે તીણિ, નઝાને એકં, નમગ્ગે તીણિ, નવિપ્પયુત્તે દ્વે (સંખિત્તં).

(સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં વિત્થારેતબ્બં.)

આરમ્મણપચ્ચયો

૨૨૦. અતીતારમ્મણો નહેતુ ધમ્મો અતીતારમ્મણસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો… તીણિ.

અનાગતારમ્મણો નહેતુ ધમ્મો અનાગતારમ્મણસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો… તીણિ.

પચ્ચુપ્પન્નારમ્મણો નહેતુ ધમ્મો પચ્ચુપ્પન્નારમ્મણસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો… તીણિ (સંખિત્તં).

૨૨૧. આરમ્મણે નવ, અધિપતિયા સત્ત…પે… અવિગતે તીણિ (સંખિત્તં).

નહેતુયા નવ, નઆરમ્મણે નવ (સંખિત્તં).

આરમ્મણપચ્ચયા નહેતુયા નવ (સંખિત્તં).

નહેતુપચ્ચયા આરમ્મણે નવ (સંખિત્તં).

(યથા કુસલત્તિકે પઞ્હાવારં, એવં વિત્થારેતબ્બં.)