૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૧૮૦. મિચ્છત્તનિયતં હેતું ધમ્મં પટિચ્ચ મિચ્છત્તનિયતો હેતુ ધમ્મો ઉપ્પજ્જતિ હેતુપચ્ચયા. (૧)

સમ્મત્તનિયતં હેતું ધમ્મં પટિચ્ચ સમ્મત્તનિયતો હેતુ ધમ્મો ઉપ્પજ્જતિ હેતુપચ્ચયા. (૧)

અનિયતં હેતું ધમ્મં પટિચ્ચ અનિયતો હેતુ ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૧૮૧. હેતુયા તીણિ, આરમ્મણે તીણિ, અધિપતિયા તીણિ…પે… વિપાકે એકં…પે… અવિગતે તીણિ (સંખિત્તં).

નઅધિપતિયા દ્વે, નપુરેજાતે દ્વે, નપચ્છાજાતે તીણિ, નઆસેવને એકં, નવિપાકે તીણિ, નવિપ્પયુત્તે દ્વે (સંખિત્તં).

(સહજાતવારમ્પિ …પે… સમ્પયુત્તવારમ્પિ પટિચ્ચવારસદિસં વિત્થારેતબ્બં.)

હેતુ-આરમ્મણપચ્ચયાદિ

૧૮૨. મિચ્છત્તનિયતો હેતુ ધમ્મો મિચ્છત્તનિયતસ્સ હેતુસ્સ ધમ્મસ્સ હેતુપચ્ચયેન પચ્ચયો. (૧)

સમ્મત્તનિયતો હેતુ ધમ્મો સમ્મત્તનિયતસ્સ હેતુસ્સ ધમ્મસ્સ હેતુપચ્ચયેન પચ્ચયો. (૧)

અનિયતો હેતુ ધમ્મો અનિયતસ્સ હેતુસ્સ ધમ્મસ્સ હેતુપચ્ચયેન પચ્ચયો. (૧)

મિચ્છત્તનિયતો હેતુ ધમ્મો અનિયતસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. (૧)

સમ્મત્તનિયતો હેતુ ધમ્મો અનિયતસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. (૧)

અનિયતો હેતુ ધમ્મો અનિયતસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. (૧)

અનિયતો હેતુ ધમ્મો મિચ્છત્તનિયતસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. (૧)

સમ્મત્તનિયતો હેતુ ધમ્મો સમ્મત્તનિયતસ્સ હેતુસ્સ ધમ્મસ્સ અધિપતિપચ્ચયેન પચ્ચયો. સમ્મત્તનિયતો હેતુ ધમ્મો અનિયતસ્સ હેતુસ્સ ધમ્મસ્સ અધિપતિપચ્ચયેન પચ્ચયો. (૨)

અનિયતો હેતુ ધમ્મો અનિયતસ્સ હેતુસ્સ ધમ્મસ્સ અધિપતિપચ્ચયેન પચ્ચયો. (૧)

અનન્તરપચ્ચયાદિ

૧૮૩. મિચ્છત્તનિયતો હેતુ ધમ્મો અનિયતસ્સ હેતુસ્સ ધમ્મસ્સ અનન્તરપચ્ચયેન પચ્ચયો. (૧)

સમ્મત્તનિયતો હેતુ ધમ્મો અનિયતસ્સ હેતુસ્સ ધમ્મસ્સ અનન્તરપચ્ચયેન પચ્ચયો. (૧)

અનિયતો હેતુ ધમ્મો અનિયતસ્સ હેતુસ્સ ધમ્મસ્સ અનન્તરપચ્ચયેન પચ્ચયો. અનિયતો હેતુ ધમ્મો મિચ્છત્તનિયતસ્સ હેતુસ્સ ધમ્મસ્સ અનન્તરપચ્ચયેન પચ્ચયો. અનિયતો હેતુ ધમ્મો સમ્મત્તનિયતસ્સ હેતુસ્સ ધમ્મસ્સ અનન્તરપચ્ચયેન પચ્ચયો. (૩)

૧૮૪. મિચ્છત્તનિયતો હેતુ ધમ્મો મિચ્છત્તનિયતસ્સ હેતુસ્સ ધમ્મસ્સ ઉપનિસ્સયપચ્ચયેન પચ્ચયો. મિચ્છત્તનિયતો હેતુ ધમ્મો અનિયતસ્સ હેતુસ્સ ધમ્મસ્સ ઉપનિસ્સયપચ્ચયેન પચ્ચયો. (૨)

સમ્મત્તનિયતો હેતુ ધમ્મો સમ્મત્તનિયતસ્સ હેતુસ્સ ધમ્મસ્સ ઉપનિસ્સયપચ્ચયેન પચ્ચયો. સમ્મત્તનિયતો હેતુ ધમ્મો અનિયતસ્સ હેતુસ્સ ધમ્મસ્સ ઉપનિસ્સયપચ્ચયેન પચ્ચયો. (૨)

અનિયતો હેતુ ધમ્મો અનિયતસ્સ હેતુસ્સ ધમ્મસ્સ ઉપનિસ્સયપચ્ચયેન પચ્ચયો. અનિયતો હેતુ ધમ્મો મિચ્છત્તનિયતસ્સ હેતુસ્સ ધમ્મસ્સ ઉપનિસ્સયપચ્ચયેન પચ્ચયો. અનિયતો હેતુ ધમ્મો સમ્મત્તનિયતસ્સ હેતુસ્સ ધમ્મસ્સ ઉપનિસ્સયપચ્ચયેન પચ્ચયો. (૩) (સંખિત્તં.)

૧૮૫. હેતુયા તીણિ, આરમ્મણે ચત્તારિ, અધિપતિયા તીણિ, અનન્તરે પઞ્ચ, સમનન્તરે પઞ્ચ, સહજાતે તીણિ…પે… ઉપનિસ્સયે સત્ત…પે… અવિગતે તીણિ (સંખિત્તં).

નહેતુયા સત્ત, નઆરમ્મણે સત્ત (સંખિત્તં).

હેતુપચ્ચયા નઆરમ્મણે તીણિ (સંખિત્તં).

નહેતુપચ્ચયા આરમ્મણે ચત્તારિ (સંખિત્તં).

(યથા કુસલત્તિકે પઞ્હાવારં, એવં વિત્થારેતબ્બં.)

નહેતુપદં