૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૧૮૬. મિચ્છત્તનિયતં નહેતું ધમ્મં પટિચ્ચ મિચ્છત્તનિયતો નહેતુ ધમ્મો ઉપ્પજ્જતિ હેતુપચ્ચયા… તીણિ.

સમ્મત્તનિયતં નહેતું ધમ્મં પટિચ્ચ સમ્મત્તનિયતો નહેતુ ધમ્મો ઉપ્પજ્જતિ હેતુપચ્ચયા. સમ્મત્તનિયતં નહેતું ધમ્મં પટિચ્ચ અનિયતો નહેતુ ધમ્મો ઉપ્પજ્જતિ હેતુપચ્ચયા. સમ્મત્તનિયતં નહેતું ધમ્મં પટિચ્ચ સમ્મત્તનિયતો નહેતુ ચ અનિયતો નહેતુ ચ ધમ્મા ઉપ્પજ્જન્તિ હેતુપચ્ચયા. (૩)

અનિયતં નહેતું ધમ્મં પટિચ્ચ અનિયતો નહેતુ ધમ્મો ઉપ્પજ્જતિ હેતુપચ્ચયા. (૧)

મિચ્છત્તનિયતં નહેતુઞ્ચ અનિયતં નહેતુઞ્ચ ધમ્મં પટિચ્ચ અનિયતો નહેતુ ધમ્મો ઉપ્પજ્જતિ હેતુપચ્ચયા. (૧)

સમ્મત્તનિયતં નહેતુઞ્ચ અનિયતં નહેતુઞ્ચ ધમ્મં પટિચ્ચ અનિયતો નહેતુ ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૧૮૭. હેતુયા નવ, આરમ્મણે તીણિ, અધિપતિયા નવ…પે… વિપાકે એકં…પે… અવિગતે નવ (સંખિત્તં).

પચ્ચનીયં

નહેતુપચ્ચયો

૧૮૮. અનિયતં નહેતું ધમ્મં પટિચ્ચ અનિયતો નહેતુ ધમ્મો ઉપ્પજ્જતિ નહેતુપચ્ચયા (સંખિત્તં).

નહેતુયા એકં, નઆરમ્મણે પઞ્ચ, નઅધિપતિયા તીણિ…પે… નોવિગતે પઞ્ચ (સંખિત્તં).

હેતુપચ્ચયા નઆરમ્મણે પઞ્ચ (સંખિત્તં).

નહેતુપચ્ચયા આરમ્મણે એકં (સંખિત્તં).

(સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં વિત્થારેતબ્બં.)

આરમ્મણ-અધિપતિ-અનન્તરપચ્ચયા

૧૮૯. મિચ્છત્તનિયતો નહેતુ ધમ્મો અનિયતસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો. (૧)

સમ્મત્તનિયતો નહેતુ ધમ્મો અનિયતસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો. (૧)

અનિયતો નહેતુ ધમ્મો અનિયતસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો. અનિયતો નહેતુ ધમ્મો મિચ્છત્તનિયતસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો. અનિયતો નહેતુ ધમ્મો સમ્મત્તનિયતસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો. (૩)

૧૯૦. મિચ્છત્તનિયતો નહેતુ ધમ્મો મિચ્છત્તનિયતસ્સ નહેતુસ્સ ધમ્મસ્સ અધિપતિપચ્ચયેન પચ્ચયો… તીણિ.

સમ્મત્તનિયતો નહેતુ ધમ્મો સમ્મત્તનિયતસ્સ નહેતુસ્સ ધમ્મસ્સ અધિપતિપચ્ચયેન પચ્ચયો. સમ્મત્તનિયતો નહેતુ ધમ્મો અનિયતસ્સ નહેતુસ્સ ધમ્મસ્સ અધિપતિપચ્ચયેન પચ્ચયો. સમ્મત્તનિયતો નહેતુ ધમ્મો સમ્મત્તનિયતસ્સ નહેતુસ્સ ચ અનિયતસ્સ નહેતુસ્સ ચ ધમ્મસ્સ અધિપતિપચ્ચયેન પચ્ચયો. (૩)

અનિયતો નહેતુ ધમ્મો અનિયતસ્સ નહેતુસ્સ ધમ્મસ્સ અધિપતિપચ્ચયેન પચ્ચયો. અનિયતો નહેતુ ધમ્મો સમ્મત્તનિયતસ્સ નહેતુસ્સ ધમ્મસ્સ અધિપતિપચ્ચયેન પચ્ચયો. (૨)

મિચ્છત્તનિયતો નહેતુ ધમ્મો અનિયતસ્સ નહેતુસ્સ ધમ્મસ્સ અનન્તરપચ્ચયેન પચ્ચયો. (૧)

સમ્મત્તનિયતો નહેતુ ધમ્મો અનિયતસ્સ નહેતુસ્સ ધમ્મસ્સ અનન્તરપચ્ચયેન પચ્ચયો. (૧)

અનિયતો નહેતુ ધમ્મો અનિયતસ્સ નહેતુસ્સ ધમ્મસ્સ અનન્તરપચ્ચયેન પચ્ચયો. અનિયતો નહેતુ ધમ્મો મિચ્છત્તનિયતસ્સ નહેતુસ્સ ધમ્મસ્સ અનન્તરપચ્ચયેન પચ્ચયો. અનિયતો નહેતુ ધમ્મો સમ્મત્તનિયતસ્સ નહેતુસ્સ ધમ્મસ્સ અનન્તરપચ્ચયેન પચ્ચયો. (૩) (સંખિત્તં.)

૧૯૧. આરમ્મણે પઞ્ચ, અધિપતિયા અટ્ઠ, અનન્તરે પઞ્ચ, સમનન્તરે પઞ્ચ, સહજાતે નવ, અઞ્ઞમઞ્ઞે તીણિ, નિસ્સયે તેરસ, ઉપનિસ્સયે સત્ત…પે… અવિગતે તેરસ (સંખિત્તં).

નહેતુયા તેરસ, નઆરમ્મણે તેરસ, નઅધિપતિયા તેરસ (સંખિત્તં).

આરમ્મણપચ્ચયા નહેતુયા પઞ્ચ (સંખિત્તં).

નહેતુપચ્ચયા આરમ્મણે પઞ્ચ (સંખિત્તં).

(યથા કુસલત્તિકે પઞ્હાવારં, એવં વિત્થારેતબ્બં.)