૭. પઞ્હાવારો

પચ્ચયચતુક્કં

૩૯. વિપાકો હેતુ ધમ્મો વિપાકસ્સ હેતુસ્સ ધમ્મસ્સ હેતુપચ્ચયેન પચ્ચયો. (૧)

વિપાકધમ્મધમ્મો હેતુ ધમ્મો વિપાકધમ્મધમ્મસ્સ હેતુસ્સ ધમ્મસ્સ હેતુપચ્ચયેન પચ્ચયો. (૧)

નેવવિપાકનવિપાકધમ્મધમ્મો હેતુ ધમ્મો નેવવિપાકનવિપાકધમ્મધમ્મસ્સ હેતુસ્સ ધમ્મસ્સ હેતુપચ્ચયેન પચ્ચયો. (૧)

૪૦. વિપાકો હેતુ ધમ્મો વિપાકસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. વિપાકો હેતુ ધમ્મો વિપાકધમ્મધમ્મસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. વિપાકો હેતુ ધમ્મો નેવવિપાકનવિપાકધમ્મધમ્મસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. (૩)

વિપાકધમ્મધમ્મો હેતુ ધમ્મો વિપાકધમ્મધમ્મસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. વિપાકધમ્મધમ્મો હેતુ ધમ્મો વિપાકસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. વિપાકધમ્મધમ્મો હેતુ ધમ્મો નેવવિપાકનવિપાકધમ્મધમ્મસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. (૩)

નેવવિપાકનવિપાકધમ્મધમ્મો હેતુ ધમ્મો નેવવિપાકનવિપાકધમ્મધમ્મસ્સ હેતુસ્સ ધમ્મસ્સ આરમ્મણપચ્ચયેન પચ્ચયો… તીણિ.

૪૧. વિપાકો હેતુ ધમ્મો વિપાકસ્સ હેતુસ્સ ધમ્મસ્સ અધિપતિપચ્ચયેન પચ્ચયો. વિપાકો હેતુ ધમ્મો વિપાકધમ્મધમ્મસ્સ હેતુસ્સ ધમ્મસ્સ અધિપતિપચ્ચયેન પચ્ચયો. વિપાકો હેતુ ધમ્મો નેવવિપાકનવિપાકધમ્મધમ્મસ્સ હેતુસ્સ ધમ્મસ્સ અધિપતિપચ્ચયેન પચ્ચયો … તીણિ.

વિપાકધમ્મધમ્મો હેતુ ધમ્મો વિપાકધમ્મધમ્મસ્સ હેતુસ્સ ધમ્મસ્સ અધિપતિપચ્ચયેન પચ્ચયો… દ્વે.

નેવવિપાકનવિપાકધમ્મધમ્મો હેતુ ધમ્મો નેવવિપાકનવિપાકધમ્મધમ્મસ્સ હેતુસ્સ ધમ્મસ્સ અધિપતિપચ્ચયેન પચ્ચયો. (૧) (સંખિત્તં.)

૪૨. હેતુયા તીણિ, આરમ્મણે નવ, અધિપતિયા છ, અનન્તરે પઞ્ચ, સમનન્તરે પઞ્ચ, સહજાતે તીણિ, અઞ્ઞમઞ્ઞે તીણિ, નિસ્સયે તીણિ, ઉપનિસ્સયે નવ, આસેવને દ્વે, વિપાકે એકં…પે… અવિગતે તીણિ (સંખિત્તં).

નહેતુયા નવ, નઆરમ્મણે નવ (સંખિત્તં).

હેતુપચ્ચયા નઆરમ્મણે તીણિ (સંખિત્તં).

નહેતુપચ્ચયા આરમ્મણે નવ (સંખિત્તં).

(યથા કુસલત્તિકે પઞ્હાવારં, એવં વિત્થારેતબ્બં.)

નહેતુપદપચ્ચયચતુક્કં

૪૩. વિપાકં નહેતું ધમ્મં પટિચ્ચ વિપાકો નહેતુ ધમ્મો ઉપ્પજ્જતિ હેતુપચ્ચયા. વિપાકં નહેતું ધમ્મં પટિચ્ચ નેવવિપાકનવિપાકધમ્મધમ્મો નહેતુ ધમ્મો ઉપ્પજ્જતિ હેતુપચ્ચયા. વિપાકં નહેતું ધમ્મં પટિચ્ચ વિપાકો નહેતુ ચ નેવવિપાકનવિપાકધમ્મધમ્મો નહેતુ ચ ધમ્મા ઉપ્પજ્જન્તિ હેતુપચ્ચયા. (૩)

વિપાકધમ્મધમ્મં નહેતું ધમ્મં પટિચ્ચ વિપાકધમ્મધમ્મો નહેતુ ધમ્મો ઉપ્પજ્જતિ હેતુપચ્ચયા. વિપાકધમ્મધમ્મં નહેતું ધમ્મં પટિચ્ચ નેવવિપાકનવિપાકધમ્મધમ્મો નહેતુ ધમ્મો ઉપ્પજ્જતિ હેતુપચ્ચયા. વિપાકધમ્મધમ્મં નહેતું ધમ્મં પટિચ્ચ વિપાકધમ્મધમ્મો નહેતુ ચ નેવવિપાકનવિપાકધમ્મધમ્મો નહેતુ ચ ધમ્મા ઉપ્પજ્જન્તિ હેતુપચ્ચયા. (૩)

નેવવિપાકનવિપાકધમ્મધમ્મં નહેતું ધમ્મં પટિચ્ચ નેવવિપાકનવિપાકધમ્મધમ્મો નહેતુ ધમ્મો ઉપ્પજ્જતિ હેતુપચ્ચયા… તીણિ.

વિપાકં નહેતુઞ્ચ નેવવિપાકનવિપાકધમ્મધમ્મં નહેતુઞ્ચ ધમ્મં પટિચ્ચ નેવવિપાકનવિપાકધમ્મધમ્મો નહેતુ ધમ્મો ઉપ્પજ્જતિ હેતુપચ્ચયા… તીણિ.

વિપાકધમ્મધમ્મં નહેતુઞ્ચ નેવવિપાકનવિપાકધમ્મધમ્મં નહેતુઞ્ચ ધમ્મં પટિચ્ચ નેવવિપાકનવિપાકધમ્મધમ્મો નહેતુ ધમ્મો ઉપ્પજ્જતિ હેતુપચ્ચયા (સંખિત્તં).

૪૪. હેતુયા તેરસ, આરમ્મણે પઞ્ચ, અધિપતિયા નવ, અનન્તરે પઞ્ચ, સમનન્તરે પઞ્ચ, સહજાતે તેરસ, અઞ્ઞમઞ્ઞે સત્ત, નિસ્સયે તેરસ, ઉપનિસ્સયે પઞ્ચ, પુરેજાતે તીણિ, આસેવને દ્વે, કમ્મે તેરસ, વિપાકે નવ, આહારે તેરસ…પે… સમ્પયુત્તે પઞ્ચ…પે… અવિગતે તેરસ (સંખિત્તં).

નહેતુ-નઆરમ્મણપચ્ચયા

૪૫. વિપાકં નહેતું ધમ્મં પટિચ્ચ વિપાકો નહેતુ ધમ્મો ઉપ્પજ્જતિ નહેતુપચ્ચયા… નવ.

વિપાકં નહેતું ધમ્મં પટિચ્ચ નેવવિપાકનવિપાકધમ્મધમ્મો નહેતુ ધમ્મો ઉપ્પજ્જતિ નઆરમ્મણપચ્ચયા (સંખિત્તં).

૪૬. નહેતુયા નવ, નઆરમ્મણે પઞ્ચ, નઅધિપતિયા તેરસ, નઅનન્તરે પઞ્ચ, નસમનન્તરે પઞ્ચ, નઅઞ્ઞમઞ્ઞે પઞ્ચ, નઉપનિસ્સયે પઞ્ચ, નપુરેજાતે દ્વાદસ, નપચ્છાજાતે તેરસ, નઆસેવને તેરસ, નકમ્મે દ્વે, નવિપાકે પઞ્ચ, નવિપ્પયુત્તે તીણિ…પે… નોવિગતે પઞ્ચ (સંખિત્તં).

(સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં વિત્થારેતબ્બં.)