૭. પઞ્હાવારો

પચ્ચયચતુક્કં

૪૭. વિપાકો નહેતુ ધમ્મો વિપાકસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો. વિપાકો નહેતુ ધમ્મો વિપાકધમ્મધમ્મસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો. વિપાકો નહેતુ ધમ્મો નેવવિપાકનવિપાકધમ્મધમ્મસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો. (૩)

વિપાકધમ્મધમ્મો નહેતુ ધમ્મો વિપાકધમ્મધમ્મસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો… તીણિ.

નેવવિપાકનવિપાકધમ્મધમ્મો નહેતુ ધમ્મો નેવવિપાકનવિપાકધમ્મધમ્મસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો… તીણિ.

૪૮. વિપાકો નહેતુ ધમ્મો વિપાકસ્સ નહેતુસ્સ ધમ્મસ્સ અધિપતિપચ્ચયેન પચ્ચયો… ચત્તારિ.

વિપાકધમ્મધમ્મો નહેતુ ધમ્મો વિપાકધમ્મધમ્મસ્સ નહેતુસ્સ ધમ્મસ્સ અધિપતિપચ્ચયેન પચ્ચયો… તીણિ.

નેવવિપાકનવિપાકધમ્મધમ્મો નહેતુ ધમ્મો નેવવિપાકનવિપાકધમ્મધમ્મસ્સ નહેતુસ્સ ધમ્મસ્સ અધિપતિપચ્ચયેન પચ્ચયો. નેવવિપાકનવિપાકધમ્મધમ્મો નહેતુ ધમ્મો વિપાકસ્સ નહેતુસ્સ ધમ્મસ્સ અધિપતિપચ્ચયેન પચ્ચયો. નેવવિપાકનવિપાકધમ્મધમ્મો નહેતુ ધમ્મો વિપાકધમ્મધમ્મસ્સ નહેતુસ્સ ધમ્મસ્સ અધિપતિપચ્ચયેન પચ્ચયો… તીણિ.

૪૯. વિપાકો નહેતુ ધમ્મો વિપાકસ્સ નહેતુસ્સ ધમ્મસ્સ અનન્તરપચ્ચયેન પચ્ચયો… દ્વે.

વિપાકધમ્મધમ્મો નહેતુ ધમ્મો વિપાકધમ્મધમ્મસ્સ નહેતુસ્સ ધમ્મસ્સ અનન્તરપચ્ચયેન પચ્ચયો… દ્વે.

નેવવિપાકનવિપાકધમ્મધમ્મો નહેતુ ધમ્મો નેવવિપાકનવિપાકધમ્મધમ્મસ્સ નહેતુસ્સ ધમ્મસ્સ અનન્તરપચ્ચયેન પચ્ચયો… તીણિ (સંખિત્તં).

૫૦. આરમ્મણે નવ, અધિપતિયા દસ, અનન્તરે સત્ત, સમનન્તરે સત્ત, સહજાતે એકાદસ, અઞ્ઞમઞ્ઞે સત્ત, નિસ્સયે તેરસ, ઉપનિસ્સયે નવ, આસેવને દ્વે, કમ્મે નવ, વિપાકે તીણિ, આહારે સત્ત, ઇન્દ્રિયે નવ, ઝાને સત્ત, મગ્ગે સત્ત, સમ્પયુત્તે તીણિ, વિપ્પયુત્તે પઞ્ચ, અત્થિયા તેરસ…પે… અવિગતે તેરસ (સંખિત્તં).

નહેતુયા સોળસ, નઆરમ્મણે સોળસ (સંખિત્તં).

હેતુપચ્ચયા નઆરમ્મણે નવ (સંખિત્તં).

નહેતુપચ્ચયા આરમ્મણે નવ (સંખિત્તં).

(યથા કુસલત્તિકે પઞ્હાવારં, એવં વિત્થારેતબ્બં.)