૧. વિભઙ્ગવારો

હેતુપચ્ચયો

૩૦. ઉપાદિન્નુપાદાનિયં ધમ્મં પચ્ચયા ઉપાદિન્નુપાદાનિયો ધમ્મો ઉપ્પજ્જતિ હેતુપચ્ચયા – ઉપાદિન્નુપાદાનિયં એકં ખન્ધં પચ્ચયા તયો ખન્ધા…પે… પટિસન્ધિક્ખણે…પે… ખન્ધે પચ્ચયા વત્થુ, વત્થું પચ્ચયા ખન્ધા; એકં મહાભૂતં પચ્ચયા તયો મહાભૂતા…પે… મહાભૂતે પચ્ચયા કટત્તારૂપં ઉપાદારૂપં; વત્થું પચ્ચયા ઉપાદિન્નુપાદાનિયા ખન્ધા. (૧)

ઉપાદિન્નુપાદાનિયં ધમ્મં પચ્ચયા અનુપાદિન્નુપાદાનિયો ધમ્મો ઉપ્પજ્જતિ હેતુપચ્ચયા – ઉપાદિન્નુપાદાનિયે ખન્ધે પચ્ચયા ચિત્તસમુટ્ઠાનં રૂપં; વત્થું પચ્ચયા અનુપાદિન્નુપાદાનિયા ખન્ધા. (૨)

ઉપાદિન્નુપાદાનિયં ધમ્મં પચ્ચયા અનુપાદિન્નઅનુપાદાનિયો ધમ્મો ઉપ્પજ્જતિ હેતુપચ્ચયા – વત્થું પચ્ચયા અનુપાદિન્નઅનુપાદાનિયા ખન્ધા. (૩)

ઉપાદિન્નુપાદાનિયં ધમ્મં પચ્ચયા ઉપાદિન્નુપાદાનિયો ચ અનુપાદિન્નુપાદાનિયો ચ ધમ્મા ઉપ્પજ્જન્તિ હેતુપચ્ચયા – ઉપાદિન્નુપાદાનિયં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે…. (૪)

૩૧. અનુપાદિન્નુપાદાનિયં ધમ્મં પચ્ચયા અનુપાદિન્નુપાદાનિયો ધમ્મો ઉપ્પજ્જતિ હેતુપચ્ચયા… એકા.

અનુપાદિન્નઅનુપાદાનિયં ધમ્મં પચ્ચયા અનુપાદિન્નઅનુપાદાનિયો ધમ્મો ઉપ્પજ્જતિ હેતુપચ્ચયા… તીણિ.

ઉપાદિન્નુપાદાનિયઞ્ચ અનુપાદિન્નઅનુપાદાનિયઞ્ચ ધમ્મં પચ્ચયા અનુપાદિન્નઅનુપાદાનિયો ધમ્મો ઉપ્પજ્જતિ હેતુપચ્ચયા – અનુપાદિન્નઅનુપાદાનિયં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા. (૧)

અનુપાદિન્નુપાદાનિયઞ્ચ અનુપાદિન્નઅનુપાદાનિયઞ્ચ ધમ્મં પચ્ચયા અનુપાદિન્નુપાદાનિયો ધમ્મો ઉપ્પજ્જતિ હેતુપચ્ચયા – અનુપાદિન્નઅનુપાદાનિયે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૧)

ઉપાદિન્નુપાદાનિયઞ્ચ અનુપાદિન્નુપાદાનિયઞ્ચ ધમ્મં પચ્ચયા અનુપાદિન્નુપાદાનિયો ધમ્મો ઉપ્પજ્જતિ હેતુપચ્ચયા – ઉપાદિન્નુપાદાનિયે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં; અનુપાદિન્નુપાદાનિયં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા. (૧)

આરમ્મણપચ્ચયો

૩૨. ઉપાદિન્નુપાદાનિયં ધમ્મં પચ્ચયા ઉપાદિન્નુપાદાનિયો ધમ્મો ઉપ્પજ્જતિ આરમ્મણપચ્ચયા – ઉપાદિન્નુપાદાનિયં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા; પટિસન્ધિક્ખણે ઉપાદિન્નુપાદાનિયં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા; વત્થું પચ્ચયા ખન્ધા; ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં; વત્થું પચ્ચયા ઉપાદિન્નુપાદાનિયા ખન્ધા. (૧)

ઉપાદિન્નુપાદાનિયં ધમ્મં પચ્ચયા અનુપાદિન્નુપાદાનિયો ધમ્મો ઉપ્પજ્જતિ આરમ્મણપચ્ચયા – વત્થું પચ્ચયા અનુપાદિન્નુપાદાનિયા ખન્ધા. (૨)

ઉપાદિન્નુપાદાનિયં ધમ્મં પચ્ચયા અનુપાદિન્નઅનુપાદાનિયો ધમ્મો ઉપ્પજ્જતિ આરમ્મણપચ્ચયા – વત્થું પચ્ચયા અનુપાદિન્નઅનુપાદાનિયા ખન્ધા. (૩)

અનુપાદિન્નુપાદાનિયં ધમ્મં પચ્ચયા અનુપાદિન્નુપાદાનિયો ધમ્મો ઉપ્પજ્જતિ આરમ્મણપચ્ચયા – અનુપાદિન્નુપાદાનિયં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા. (૧)

અનુપાદિન્નઅનુપાદાનિયં ધમ્મં પચ્ચયા અનુપાદિન્નઅનુપાદાનિયો ધમ્મો ઉપ્પજ્જતિ આરમ્મણપચ્ચયા – અનુપાદિન્નઅનુપાદાનિયં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા. (૧)

ઉપાદિન્નુપાદાનિયઞ્ચ અનુપાદિન્નઅનુપાદાનિયઞ્ચ ધમ્મં પચ્ચયા અનુપાદિન્નઅનુપાદાનિયો ધમ્મો ઉપ્પજ્જતિ આરમ્મણપચ્ચયા – અનુપાદિન્નઅનુપાદાનિયં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા. (૧)

ઉપાદિન્નુપાદાનિયઞ્ચ અનુપાદિન્નુપાદાનિયઞ્ચ ધમ્મં પચ્ચયા અનુપાદિન્નુપાદાનિયો ધમ્મો ઉપ્પજ્જતિ આરમ્મણપચ્ચયા – અનુપાદિન્નુપાદાનિયં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા. (૧)

અધિપતિપચ્ચયો

૩૩. ઉપાદિન્નુપાદાનિયં ધમ્મં પચ્ચયા અનુપાદિન્નુપાદાનિયો ધમ્મો ઉપ્પજ્જતિ અધિપતિપચ્ચયા – વત્થું પચ્ચયા અનુપાદિન્નુપાદાનિયા ખન્ધા. (૧)

ઉપાદિન્નુપાદાનિયં ધમ્મં પચ્ચયા અનુપાદિન્નઅનુપાદાનિયો ધમ્મો ઉપ્પજ્જતિ અધિપતિપચ્ચયા – વત્થું પચ્ચયા અનુપાદિન્નઅનુપાદાનિયા ખન્ધા. (૨)

અનુપાદિન્નુપાદાનિયં ધમ્મં પચ્ચયા અનુપાદિન્નુપાદાનિયો ધમ્મો ઉપ્પજ્જતિ અધિપતિપચ્ચયા… એકા.

અનુપાદિન્નઅનુપાદાનિયં ધમ્મં પચ્ચયા… તિસ્સો.

ઉપાદિન્નુપાદાનિયઞ્ચ અનુપાદિન્નઅનુપાદાનિયઞ્ચ ધમ્મં પચ્ચયા…પે… અધિપતિપચ્ચયા…પે…. (૧)

અનુપાદિન્નુપાદાનિયઞ્ચ અનુપાદિન્નઅનુપાદાનિયઞ્ચ ધમ્મં પચ્ચયા…પે… અધિપતિપચ્ચયા. (૧)

ઉપાદિન્નુપાદાનિયઞ્ચ અનુપાદિન્નુપાદાનિયઞ્ચ ધમ્મં પચ્ચયા અનુપાદિન્નુપાદાનિયો ધમ્મો ઉપ્પજ્જતિ અધિપતિપચ્ચયા – અનુપાદિન્નુપાદાનિયં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા. (૧)

અનન્તરપચ્ચયો

૩૪. ઉપાદિન્નુપાદાનિયં ધમ્મં પચ્ચયા ઉપાદિન્નુપાદાનિયો ધમ્મો ઉપ્પજ્જતિ અનન્તરપચ્ચયા.

(ચતુવીસતિપચ્ચયા વિત્થારેતબ્બા, અવિગતપચ્ચયા.)