૪. ઉપાદિન્નત્તિકં

૧. પટિચ્ચવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૧. ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ધમ્મો ઉપ્પજ્જતિ હેતુપચ્ચયા – ઉપાદિન્નુપાદાનિયં એકં ખન્ધં પટિચ્ચ તયો ખન્ધા…પે… દ્વે ખન્ધે પટિચ્ચ દ્વે ખન્ધા; પટિસન્ધિક્ખણે ઉપાદિન્નુપાદાનિયં એકં ખન્ધં પટિચ્ચ તયો ખન્ધા કટત્તા ચ રૂપં…પે… દ્વે ખન્ધે પટિચ્ચ દ્વે ખન્ધા કટત્તા ચ રૂપં; ખન્ધે પટિચ્ચ વત્થુ, વત્થું ખન્ધા; ઉપાદિન્નુપાદાનિયં એકં મહાભૂતં પટિચ્ચ તયો મહાભૂતા…પે… દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ કટત્તારૂપં ઉપાદારૂપં. (૧)

ઉપાદિન્નુપાદાનિયં ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ હેતુપચ્ચયા – ઉપાદિન્નુપાદાનિયે ખન્ધે પટિચ્ચ ચિત્તસમુટ્ઠાનં રૂપં. (૨)

ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ચ અનુપાદિન્નુપાદાનિયો ચ ધમ્મા ઉપ્પજ્જન્તિ હેતુપચ્ચયા – ઉપાદિન્નુપાદાનિયં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. (૩)

અનુપાદિન્નુપાદાનિયં ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ હેતુપચ્ચયા – અનુપાદિન્નુપાદાનિયં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં; અનુપાદિન્નુપાદાનિયં એકં મહાભૂતં પટિચ્ચ તયો મહાભૂતા…પે… મહાભૂતે પટિચ્ચ ચિત્તસમુટ્ઠાનં રૂપં ઉપાદારૂપં. (૧)

અનુપાદિન્નઅનુપાદાનિયં ધમ્મં પટિચ્ચ અનુપાદિન્નઅનુપાદાનિયો ધમ્મો ઉપ્પજ્જતિ હેતુપચ્ચયા – અનુપાદિન્નઅનુપાદાનિયં એકં ખન્ધં પટિચ્ચ તયો ખન્ધા…પે… દ્વે ખન્ધે પટિચ્ચ દ્વે ખન્ધા. (૧)

અનુપાદિન્નઅનુપાદાનિયં ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ હેતુપચ્ચયા – અનુપાદિન્નઅનુપાદાનિયે ખન્ધે પટિચ્ચ ચિત્તસમુટ્ઠાનં રૂપં. (૨)

અનુપાદિન્નઅનુપાદાનિયં ધમ્મં પટિચ્ચ અનુપાદિન્નુપાદાનિયો ચ અનુપાદિન્નઅનુપાદાનિયો ચ ધમ્મા ઉપ્પજ્જન્તિ હેતુપચ્ચયા – અનુપાદિન્નઅનુપાદાનિયં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. (૩)

અનુપાદિન્નુપાદાનિયઞ્ચ અનુપાદિન્નઅનુપાદાનિયઞ્ચ ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ હેતુપચ્ચયા – અનુપાદિન્નઅનુપાદાનિયે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

ઉપાદિન્નુપાદાનિયઞ્ચ અનુપાદિન્નુપાદાનિયઞ્ચ ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ હેતુપચ્ચયા – ઉપાદિન્નુપાદાનિયે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

આરમ્મણપચ્ચયો

૨. ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ધમ્મો ઉપ્પજ્જતિ આરમ્મણપચ્ચયા – ઉપાદિન્નુપાદાનિયં એકં ખન્ધં પટિચ્ચ…પે… પટિસન્ધિક્ખણે…પે….

અનુપાદિન્નુપાદાનિયં ધમ્મં પટિચ્ચ…પે….

અનુપાદિન્નઅનુપાદાનિયં ધમ્મં પટિચ્ચ…પે… આરમ્મણપચ્ચયા… તીણિ.

અધિપતિપચ્ચયો

૩. અનુપાદિન્નુપાદાનિયં ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ અધિપતિપચ્ચયા – અનુપાદિન્નુપાદાનિયં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… એકં મહાભૂતં પટિચ્ચ…પે… મહાભૂતે પટિચ્ચ ચિત્તસમુટ્ઠાનં રૂપં ઉપાદારૂપં. (૧)

અનુપાદિન્નઅનુપાદાનિયં ધમ્મં પટિચ્ચ… તીણિ.

અનુપાદિન્નુપાદાનિયઞ્ચ અનુપાદિન્નઅનુપાદાનિયઞ્ચ ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ અધિપતિપચ્ચયા – અનુપાદિન્નઅનુપાદાનિયે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

અનન્તરપચ્ચયાદિ

૪. ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ધમ્મો ઉપ્પજ્જતિ અનન્તરપચ્ચયા… સમનન્તરપચ્ચયા… સહજાતપચ્ચયા – ઉપાદિન્નુપાદાનિયં એકં ખન્ધં પટિચ્ચ…પે… પટિસન્ધિક્ખણે…પે… એકં મહાભૂતં પટિચ્ચ…પે… મહાભૂતે પટિચ્ચ કટત્તારૂપં ઉપાદારૂપં; અસઞ્ઞસત્તાનં એકં મહાભૂતં પટિચ્ચ…પે… મહાભૂતે પટિચ્ચ કટત્તારૂપં ઉપાદારૂપં.

ઉપાદિન્નુપાદાનિયં ધમ્મં પટિચ્ચ… તીણિ.

અનુપાદિન્નુપાદાનિયં ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ સહજાતપચ્ચયા – અનુપાદિન્નુપાદાનિયં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં …પે… એકં મહાભૂતં પટિચ્ચ…પે… મહાભૂતે પટિચ્ચ ચિત્તસમુટ્ઠાનં રૂપં ઉપાદારૂપં. બાહિરં… આહારસમુટ્ઠાનં… ઉતુસમુટ્ઠાનં એકં મહાભૂતં પટિચ્ચ…પે….

અનુપાદિન્નઅનુપાદાનિયં ધમ્મં પટિચ્ચ… તીણિ.

અનુપાદિન્નુપાદાનિયઞ્ચ અનુપાદિન્નઅનુપાદાનિયઞ્ચ ધમ્મં પટિચ્ચ…પે… અનુપાદિન્નુપાદાનિયો…પે…. (૧)

ઉપાદિન્નુપાદાનિયઞ્ચ અનુપાદિન્નુપાદાનિયઞ્ચ ધમ્મં પટિચ્ચ અનુપાદિન્નુપાદાનિયો…પે…. (૧)

અઞ્ઞમઞ્ઞપચ્ચયો

૫. ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ધમ્મો ઉપ્પજ્જતિ અઞ્ઞમઞ્ઞપચ્ચયા – ઉપાદિન્નુપાદાનિયં એકં ખન્ધં પટિચ્ચ…પે… પટિસન્ધિક્ખણે ઉપાદિન્નુપાદાનિયં એકં ખન્ધં પટિચ્ચ તયો ખન્ધા વત્થુ ચ…પે… ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં પટિચ્ચ…પે… દ્વે મહાભૂતે પટિચ્ચ દ્વે મહાભૂતા; અસઞ્ઞસત્તાનં એકં મહાભૂતં…પે…. (૧)

અનુપાદિન્નુપાદાનિયં ધમ્મં પટિચ્ચ…પે… બાહિરં… આહારસમુટ્ઠાનં… ઉતુસમુટ્ઠાનં…પે…. (૧)

અનુપાદિન્નઅનુપાદાનિયં ધમ્મં પટિચ્ચ…પે…. (૧)

નિસ્સય-ઉપનિસ્સયપચ્ચયા

૬. ઉપાદિન્નુપાદાનિયં ધમ્મં પટિચ્ચ નિસ્સયપચ્ચયા… નવ. ઉપનિસ્સયપચ્ચયા… તીણિ.

પુરેજાતપચ્ચયો

૭. ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ધમ્મો ઉપ્પજ્જતિ પુરેજાતપચ્ચયા… તીણિ.

આસેવનપચ્ચયો

૮. અનુપાદિન્નુપાદાનિયં ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ આસેવનપચ્ચયા – અનુપાદિન્નુપાદાનિયં એકં ખન્ધં પટિચ્ચ…પે…. (૧)

અનુપાદિન્નઅનુપાદાનિયં ધમ્મં પટિચ્ચ અનુપાદિન્નઅનુપાદાનિયો ધમ્મો ઉપ્પજ્જતિ આસેવનપચ્ચયા – અનુપાદિન્નઅનુપાદાનિયં એકં ખન્ધં પટિચ્ચ…પે…. (૧)

કમ્મપચ્ચયો

૯. ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ધમ્મો ઉપ્પજ્જતિ કમ્મપચ્ચયા (હેતુપચ્ચયસદિસા નવ).

વિપાકપચ્ચયો

૧૦. ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ધમ્મો ઉપ્પજ્જતિ વિપાકપચ્ચયા… તીણિ.

અનુપાદિન્નુપાદાનિયં ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ વિપાકપચ્ચયા – એકં મહાભૂતં પટિચ્ચ…પે… મહાભૂતે પટિચ્ચ ચિત્તસમુટ્ઠાનં રૂપં ઉપાદારૂપં.

અનુપાદિન્નઅનુપાદાનિયં ધમ્મં પટિચ્ચ અનુપાદિન્નઅનુપાદાનિયો ધમ્મો ઉપ્પજ્જતિ વિપાકપચ્ચયા – વિપાકં અનુપાદિન્નઅનુપાદાનિયં એકં ખન્ધં પટિચ્ચ તયો ખન્ધા…પે… નવ.

આહારપચ્ચયાદિ

૧૧. ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ધમ્મો ઉપ્પજ્જતિ આહારપચ્ચયા…પે… ઇન્દ્રિયપચ્ચયા… ઝાનપચ્ચયા… મગ્ગપચ્ચયા… સમ્પયુત્તપચ્ચયા… વિપ્પયુત્તપચ્ચયા… અત્થિપચ્ચયા… નત્થિપચ્ચયા… વિગતપચ્ચયા… અવિગતપચ્ચયા.

(યથા કુસલત્તિકસ્સ પટિચ્ચવારો સજ્ઝાયમગ્ગેન વિત્થારિતો, એવં વિત્થારેતબ્બં.)

૧. પચ્ચયાનુલોમં

૨. સઙ્ખ્યાવારો

સુદ્ધં

૧૨. હેતુયા નવ, આરમ્મણે તીણિ, અધિપતિયા પઞ્ચ, અનન્તરે તીણિ, સમનન્તરે તીણિ, સહજાતે નવ, અઞ્ઞમઞ્ઞે તીણિ, નિસ્સયે નવ, ઉપનિસ્સયે તીણિ, પુરેજાતે તીણિ, આસેવને દ્વે, કમ્મે નવ, વિપાકે નવ, આહારે નવ, ઇન્દ્રિયે નવ, ઝાને નવ, મગ્ગે નવ, સમ્પયુત્તે તીણિ, વિપ્પયુત્તે નવ, અત્થિયા નવ, નત્થિયા તીણિ, વિગતે તીણિ, અવિગતે નવ.

હેતુદુકં

હેતુપચ્ચયા આરમ્મણે તીણિ…પે… અવિગતે નવ.

(યથા કુસલત્તિકે પટિચ્ચગણના સજ્ઝાયમગ્ગેન ગણિતા, એવં ગણેતબ્બં.)

અનુલોમં.

૨. પચ્ચયપચ્ચનીયં

૧. વિભઙ્ગવારો

નહેતુપચ્ચયો

૧૩. ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ધમ્મો ઉપ્પજ્જતિ નહેતુપચ્ચયા – અહેતુકં ઉપાદિન્નુપાદાનિયં એકં ખન્ધં પટિચ્ચ તયો ખન્ધા, દ્વે ખન્ધે પટિચ્ચ દ્વે ખન્ધા, અહેતુકપટિસન્ધિક્ખણે ઉપાદિન્નુપાદાનિયં એકં ખન્ધં પટિચ્ચ તયો ખન્ધા કટત્તા ચ રૂપં…પે… દ્વે ખન્ધે પટિચ્ચ દ્વે ખન્ધા કટત્તા ચ રૂપં; ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં પટિચ્ચ તયો મહાભૂતા…પે… મહાભૂતે પટિચ્ચ કટત્તારૂપં ઉપાદારૂપં; અસઞ્ઞસત્તાનં એકં મહાભૂતં પટિચ્ચ…પે… મહાભૂતે પટિચ્ચ કટત્તારૂપં ઉપાદારૂપં. (૧)

ઉપાદિન્નુપાદાનિયં ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ નહેતુપચ્ચયા – અહેતુકે ઉપાદિન્નુપાદાનિયે ખન્ધે પટિચ્ચ ચિત્તસમુટ્ઠાનં રૂપં. (૨)

ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ચ અનુપાદિન્નુપાદાનિયો ચ ધમ્મા ઉપ્પજ્જન્તિ નહેતુપચ્ચયા – અહેતુકં ઉપાદિન્નુપાદાનિયં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. (૩)

અનુપાદિન્નુપાદાનિયં ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ નહેતુપચ્ચયા – અહેતુકં અનુપાદિન્નુપાદાનિયં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. અનુપાદિન્નુપાદાનિયં એકં મહાભૂતં…પે… મહાભૂતે પટિચ્ચ ચિત્તસમુટ્ઠાનં રૂપં ઉપાદારૂપં. બાહિરં… આહારસમુટ્ઠાનં… ઉતુસમુટ્ઠાનં એકં મહાભૂતં પટિચ્ચ…પે… મહાભૂતે પટિચ્ચ ઉપાદારૂપં. વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

ઉપાદિન્નુપાદાનિયઞ્ચ અનુપાદિન્નુપાદાનિયઞ્ચ ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ નહેતુપચ્ચયા – અહેતુકે ઉપાદિન્નુપાદાનિયે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

નઆરમ્મણપચ્ચયો

૧૪. ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ધમ્મો ઉપ્પજ્જતિ નઆરમ્મણપચ્ચયા – પટિસન્ધિક્ખણે ઉપાદિન્નુપાદાનિયે ખન્ધે પટિચ્ચ કટત્તારૂપં, ખન્ધે પટિચ્ચ વત્થુ, એકં મહાભૂતં પટિચ્ચ…પે… અસઞ્ઞસત્તાનં એકં મહાભૂતં પટિચ્ચ…પે…. (૧)

ઉપાદિન્નુપાદાનિયં ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ નઆરમ્મણપચ્ચયા – ઉપાદિન્નુપાદાનિયે ખન્ધે પટિચ્ચ ચિત્તસમુટ્ઠાનં રૂપં. (૨)

અનુપાદિન્નુપાદાનિયં ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ નઆરમ્મણપચ્ચયા – અનુપાદિન્નુપાદાનિયે ખન્ધે પટિચ્ચ ચિત્તસમુટ્ઠાનં રૂપં, એકં મહાભૂતં પટિચ્ચ …પે… બાહિરં… આહારસમુટ્ઠાનં… ઉતુસમુટ્ઠાનં એકં મહાભૂતં પટિચ્ચ…પે…. (૧)

અનુપાદિન્નઅનુપાદાનિયં ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ નઆરમ્મણપચ્ચયા – અનુપાદિન્નઅનુપાદાનિયે ખન્ધે પટિચ્ચ ચિત્તસમુટ્ઠાનં રૂપં. (૧)

અનુપાદિન્નુપાદાનિયઞ્ચ અનુપાદિન્નઅનુપાદાનિયઞ્ચ ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ નઆરમ્મણપચ્ચયા – અનુપાદિન્નઅનુપાદાનિયે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

ઉપાદિન્નુપાદાનિયઞ્ચ અનુપાદિન્નુપાદાનિયઞ્ચ ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ નઆરમ્મણપચ્ચયા – ઉપાદિન્નુપાદાનિયે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

નઅધિપતિપચ્ચયો

૧૫. ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ધમ્મો ઉપ્પજ્જતિ નઅધિપતિપચ્ચયા (પટિસન્ધિ પરિપુણ્ણં)… તીણિ.

અનુપાદિન્નુપાદાનિયં ધમ્મં પટિચ્ચ… એકા.

અનુપાદિન્નઅનુપાદાનિયં ધમ્મં પટિચ્ચ અનુપાદિન્નઅનુપાદાનિયો ધમ્મો ઉપ્પજ્જતિ નઅધિપતિપચ્ચયા – અનુપાદિન્નઅનુપાદાનિયે ખન્ધે પટિચ્ચ અનુપાદિન્નઅનુપાદાનિયા અધિપતિ. (૧)

ઉપાદિન્નુપાદાનિયઞ્ચ અનુપાદિન્નુપાદાનિયઞ્ચ ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ નઅધિપતિપચ્ચયા – ઉપાદિન્નુપાદાનિયે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં.

નઅનન્તરપચ્ચયાદિ

૧૬. ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ધમ્મો ઉપ્પજ્જતિ નઅનન્તરપચ્ચયા…પે… નસમનન્તરપચ્ચયા…. નઅઞ્ઞમઞ્ઞપચ્ચયા… નઉપનિસ્સયપચ્ચયા… નપુરેજાતપચ્ચયા… નપચ્છાજાતપચ્ચયા… નઆસેવનપચ્ચયા…પે….

અનુપાદિન્નઅનુપાદાનિયં ધમ્મં પટિચ્ચ અનુપાદિન્નઅનુપાદાનિયો ધમ્મો ઉપ્પજ્જતિ નઆસેવનપચ્ચયા – વિપાકં અનુપાદિન્નઅનુપાદાનિયં એકં ખન્ધં પટિચ્ચ તયો ખન્ધા (સંખિત્તં).

નકમ્મપચ્ચયો

૧૭. અનુપાદિન્નુપાદાનિયં ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ નકમ્મપચ્ચયા – અનુપાદિન્નુપાદાનિયે ખન્ધે પટિચ્ચ અનુપાદિન્નુપાદાનિયા ચેતના. બાહિરં… આહારસમુટ્ઠાનં… ઉતુસમુટ્ઠાનં એકં મહાભૂતં પટિચ્ચ…પે…. (૧)

અનુપાદિન્નઅનુપાદાનિયં ધમ્મં પટિચ્ચ અનુપાદિન્નઅનુપાદાનિયો ધમ્મો ઉપ્પજ્જતિ નકમ્મપચ્ચયા – કુસલે અનુપાદિન્નઅનુપાદાનિયે ખન્ધે પટિચ્ચ અનુપાદિન્નઅનુપાદાનિયા ચેતના. (૨)

નવિપાકપચ્ચયો

૧૮. ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ધમ્મો ઉપ્પજ્જતિ નવિપાકપચ્ચયા – અસઞ્ઞસત્તાનં એકં મહાભૂતં પટિચ્ચ…પે… મહાભૂતે પટિચ્ચ કટત્તારૂપં ઉપાદારૂપં. (૧)

અનુપાદિન્નુપાદાનિયં ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ નવિપાકપચ્ચયા… એકા.

અનુપાદિન્નઅનુપાદાનિયં ધમ્મં પટિચ્ચ અનુપાદિન્નઅનુપાદાનિયો ધમ્મો ઉપ્પજ્જતિ નવિપાકપચ્ચયા – કુસલં અનુપાદિન્નઅનુપાદાનિયં એકં ખન્ધં પટિચ્ચ તયો ખન્ધા… તીણિ.

અનુપાદિન્નુપાદાનિયઞ્ચ અનુપાદિન્નઅનુપાદાનિયઞ્ચ ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ નવિપાકપચ્ચયા – કુસલે અનુપાદિન્નઅનુપાદાનિયે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

નઆહારપચ્ચયો

૧૯. ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ધમ્મો ઉપ્પજ્જતિ નઆહારપચ્ચયા – અસઞ્ઞસત્તાનં એકં મહાભૂતં પટિચ્ચ…પે…. (૧)

અનુપાદિન્નુપાદાનિયં ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ નઆહારપચ્ચયા – બાહિરં… ઉતુસમુટ્ઠાનં એકં મહાભૂતં પટિચ્ચ…પે…. (૧)

નઇન્દ્રિયપચ્ચયો

૨૦. ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ધમ્મો ઉપ્પજ્જતિ નઇન્દ્રિયપચ્ચયા – અસઞ્ઞસત્તાનં મહાભૂતે પટિચ્ચ રૂપજીવિતિન્દ્રિયં. (૧)

અનુપાદિન્નુપાદાનિયં ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ નઇન્દ્રિયપચ્ચયા – બાહિરં… આહારસમુટ્ઠાનં… ઉતુસમુટ્ઠાનં એકં મહાભૂતં પટિચ્ચ…પે…. (૧)

નઝાનપચ્ચયો

૨૧. ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ધમ્મો ઉપ્પજ્જતિ નઝાનપચ્ચયા – પઞ્ચવિઞ્ઞાણસહગતં એકં ખન્ધં પટિચ્ચ તયો ખન્ધા…પે… અસઞ્ઞસત્તાનં એકં મહાભૂતં પટિચ્ચ …પે…. (૧)

અનુપાદિન્નુપાદાનિયં ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ નઝાનપચ્ચયા – બાહિરં… આહારસમુટ્ઠાનં… ઉતુસમુટ્ઠાનં એકં મહાભૂતં પટિચ્ચ…પે…. (૧)

નમગ્ગપચ્ચયો

૨૨. ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ધમ્મો ઉપ્પજ્જતિ નમગ્ગપચ્ચયા – અહેતુકં ઉપાદિન્નુપાદાનિયં એકં ખન્ધં પટિચ્ચ તયો ખન્ધા… પઞ્ચ.

નસમ્પયુત્તપચ્ચયો

૨૩. ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ધમ્મો ઉપ્પજ્જતિ નસમ્પયુત્તપચ્ચયા (નઆરમ્મણપચ્ચયસદિસં).

નવિપ્પયુત્તપચ્ચયો

૨૪. ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ધમ્મો ઉપ્પજ્જતિ નવિપ્પયુત્તપચ્ચયા – અરૂપે ઉપાદિન્નુપાદાનિયં એકં ખન્ધં પટિચ્ચ તયો ખન્ધા…પે… અસઞ્ઞસત્તાનં એકં મહાભૂતં પટિચ્ચ…પે…. (૧)

અનુપાદિન્નુપાદાનિયં ધમ્મં પટિચ્ચ અનુપાદિન્નુપાદાનિયો ધમ્મો ઉપ્પજ્જતિ નવિપ્પયુત્તપચ્ચયા – અરૂપે અનુપાદિન્નુપાદાનિયં એકં ખન્ધં પટિચ્ચ તયોખન્ધા…પે… બાહિરં… આહારસમુટ્ઠાનં… ઉતુસમુટ્ઠાનં એકં મહાભૂતં પટિચ્ચ…પે…. (૧)

અનુપાદિન્નઅનુપાદાનિયં ધમ્મં પટિચ્ચ અનુપાદિન્નઅનુપાદાનિયો ધમ્મો ઉપ્પજ્જતિ નવિપ્પયુત્તપચ્ચયા – અરૂપે અનુપાદિન્નઅનુપાદાનિયં એકં ખન્ધં પટિચ્ચ તયો ખન્ધા…પે… દ્વે ખન્ધે પટિચ્ચ દ્વે ખન્ધા. (૧)

નોનત્થિ-નોવિગતપચ્ચયા

૨૫. ઉપાદિન્નુપાદાનિયં ધમ્મં પટિચ્ચ ઉપાદિન્નુપાદાનિયો ધમ્મો ઉપ્પજ્જતિ નોનત્થિપચ્ચયા… નોવિગતપચ્ચયા.

(યથા કુસલત્તિકે પચ્ચનીયવારો વિત્થારિતો, એવં વિત્થારેતબ્બો.)

૨. પચ્ચયપચ્ચનીયં

૨. સઙ્ખ્યાવારો

સુદ્ધં

૨૬. નહેતુયા પઞ્ચ, નઆરમ્મણે છ, નઅધિપતિયા છ, નઅનન્તરે છ, નસમનન્તરે છ, નઅઞ્ઞમઞ્ઞે છ, નઉપનિસ્સયે છ, નપુરેજાતે સત્ત, નપચ્છાજાતે નવ, નઆસેવને નવ, નકમ્મે દ્વે, નવિપાકે છ, નઆહારે દ્વે, નઇન્દ્રિયે દ્વે, નઝાને દ્વે, નમગ્ગે પઞ્ચ, નસમ્પયુત્તે છ, નવિપ્પયુત્તે તીણિ, નોનત્થિયા છ, નોવિગતે છ.

નહેતુદુકં

નહેતુપચ્ચયા નઆરમ્મણે ચત્તારિ, નઅધિપતિયા પઞ્ચ, નઅનન્તરે ચત્તારિ…પે… નઆસેવને પઞ્ચ, નકમ્મે એકં, નવિપાકે દ્વે…પે… નઝાને દ્વે, નમગ્ગે પઞ્ચ, નસમ્પયુત્તે ચત્તારિ, નવિપ્પયુત્તે દ્વે…પે… નોવિગતે ચત્તારિ.

(યથા કુસલત્તિકે ગણના, એવં ગણેતબ્બં.)

પચ્ચનીયં.

૩. પચ્ચયાનુલોમપચ્ચનીયં

હેતુદુકં

૨૭. હેતુપચ્ચયા નઆરમ્મણે છ…પે… નપુરેજાતે સત્ત, નપચ્છાજાતે નવ, નઆસેવને નવ, નકમ્મે દ્વે, નવિપાકે છ, નસમ્પયુત્તે છ, નવિપ્પયુત્તે તીણિ…પે… નોવિગતે છ.

(યથા કુસલત્તિકે અનુલોમપચ્ચનીયગણના, એવં ગણેતબ્બા.)

અનુલોમપચ્ચનીયં.

૪. પચ્ચયપચ્ચનીયાનુલોમં

નહેતુદુકં

૨૮. નહેતુપચ્ચયા આરમ્મણે દ્વે…પે… સહજાતે પઞ્ચ, અઞ્ઞમઞ્ઞે દ્વે, નિસ્સયે પઞ્ચ, ઉપનિસ્સયે દ્વે, પુરેજાતે દ્વે, આસેવને એકં, કમ્મે પઞ્ચ…પે… ઝાને પઞ્ચ, મગ્ગે એકં, સમ્પયુત્તે દ્વે, વિપ્પયુત્તે પઞ્ચ…પે… અવિગતે પઞ્ચ.

(યથા કુસલત્તિકે પચ્ચનીયાનુલોમગણના, એવં ગણેતબ્બા.)

પચ્ચનીયાનુલોમં.

પટિચ્ચવારો.

૨. સહજાતવારો

૧-૪. પચ્ચયચતુક્કં

૨૯. ઉપાદિન્નુપાદાનિયં ધમ્મં સહજાતો ઉપાદિન્નુપાદાનિયો ધમ્મો ઉપ્પજ્જતિ હેતુપચ્ચયા. (પટિચ્ચવારોપિ સહજાતવારોપિ સદિસો.)

સહજાતવારો.

૩. પચ્ચયવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૩૦. ઉપાદિન્નુપાદાનિયં ધમ્મં પચ્ચયા ઉપાદિન્નુપાદાનિયો ધમ્મો ઉપ્પજ્જતિ હેતુપચ્ચયા – ઉપાદિન્નુપાદાનિયં એકં ખન્ધં પચ્ચયા તયો ખન્ધા…પે… પટિસન્ધિક્ખણે…પે… ખન્ધે પચ્ચયા વત્થુ, વત્થું પચ્ચયા ખન્ધા; એકં મહાભૂતં પચ્ચયા તયો મહાભૂતા…પે… મહાભૂતે પચ્ચયા કટત્તારૂપં ઉપાદારૂપં; વત્થું પચ્ચયા ઉપાદિન્નુપાદાનિયા ખન્ધા. (૧)

ઉપાદિન્નુપાદાનિયં ધમ્મં પચ્ચયા અનુપાદિન્નુપાદાનિયો ધમ્મો ઉપ્પજ્જતિ હેતુપચ્ચયા – ઉપાદિન્નુપાદાનિયે ખન્ધે પચ્ચયા ચિત્તસમુટ્ઠાનં રૂપં; વત્થું પચ્ચયા અનુપાદિન્નુપાદાનિયા ખન્ધા. (૨)

ઉપાદિન્નુપાદાનિયં ધમ્મં પચ્ચયા અનુપાદિન્નઅનુપાદાનિયો ધમ્મો ઉપ્પજ્જતિ હેતુપચ્ચયા – વત્થું પચ્ચયા અનુપાદિન્નઅનુપાદાનિયા ખન્ધા. (૩)

ઉપાદિન્નુપાદાનિયં ધમ્મં પચ્ચયા ઉપાદિન્નુપાદાનિયો ચ અનુપાદિન્નુપાદાનિયો ચ ધમ્મા ઉપ્પજ્જન્તિ હેતુપચ્ચયા – ઉપાદિન્નુપાદાનિયં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે…. (૪)

૩૧. અનુપાદિન્નુપાદાનિયં ધમ્મં પચ્ચયા અનુપાદિન્નુપાદાનિયો ધમ્મો ઉપ્પજ્જતિ હેતુપચ્ચયા… એકા.

અનુપાદિન્નઅનુપાદાનિયં ધમ્મં પચ્ચયા અનુપાદિન્નઅનુપાદાનિયો ધમ્મો ઉપ્પજ્જતિ હેતુપચ્ચયા… તીણિ.

ઉપાદિન્નુપાદાનિયઞ્ચ અનુપાદિન્નઅનુપાદાનિયઞ્ચ ધમ્મં પચ્ચયા અનુપાદિન્નઅનુપાદાનિયો ધમ્મો ઉપ્પજ્જતિ હેતુપચ્ચયા – અનુપાદિન્નઅનુપાદાનિયં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા. (૧)

અનુપાદિન્નુપાદાનિયઞ્ચ અનુપાદિન્નઅનુપાદાનિયઞ્ચ ધમ્મં પચ્ચયા અનુપાદિન્નુપાદાનિયો ધમ્મો ઉપ્પજ્જતિ હેતુપચ્ચયા – અનુપાદિન્નઅનુપાદાનિયે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૧)

ઉપાદિન્નુપાદાનિયઞ્ચ અનુપાદિન્નુપાદાનિયઞ્ચ ધમ્મં પચ્ચયા અનુપાદિન્નુપાદાનિયો ધમ્મો ઉપ્પજ્જતિ હેતુપચ્ચયા – ઉપાદિન્નુપાદાનિયે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં; અનુપાદિન્નુપાદાનિયં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા. (૧)

આરમ્મણપચ્ચયો

૩૨. ઉપાદિન્નુપાદાનિયં ધમ્મં પચ્ચયા ઉપાદિન્નુપાદાનિયો ધમ્મો ઉપ્પજ્જતિ આરમ્મણપચ્ચયા – ઉપાદિન્નુપાદાનિયં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા; પટિસન્ધિક્ખણે ઉપાદિન્નુપાદાનિયં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા; વત્થું પચ્ચયા ખન્ધા; ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં; વત્થું પચ્ચયા ઉપાદિન્નુપાદાનિયા ખન્ધા. (૧)

ઉપાદિન્નુપાદાનિયં ધમ્મં પચ્ચયા અનુપાદિન્નુપાદાનિયો ધમ્મો ઉપ્પજ્જતિ આરમ્મણપચ્ચયા – વત્થું પચ્ચયા અનુપાદિન્નુપાદાનિયા ખન્ધા. (૨)

ઉપાદિન્નુપાદાનિયં ધમ્મં પચ્ચયા અનુપાદિન્નઅનુપાદાનિયો ધમ્મો ઉપ્પજ્જતિ આરમ્મણપચ્ચયા – વત્થું પચ્ચયા અનુપાદિન્નઅનુપાદાનિયા ખન્ધા. (૩)

અનુપાદિન્નુપાદાનિયં ધમ્મં પચ્ચયા અનુપાદિન્નુપાદાનિયો ધમ્મો ઉપ્પજ્જતિ આરમ્મણપચ્ચયા – અનુપાદિન્નુપાદાનિયં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા. (૧)

અનુપાદિન્નઅનુપાદાનિયં ધમ્મં પચ્ચયા અનુપાદિન્નઅનુપાદાનિયો ધમ્મો ઉપ્પજ્જતિ આરમ્મણપચ્ચયા – અનુપાદિન્નઅનુપાદાનિયં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા. (૧)