નમો તસ્સ ભગવતો અરહતો સમ્માસમ્બુદ્ધસ્સ

અભિધમ્મપિટકે

પટ્ઠાનપાળિ

(પઠમો ભાગો)

ધમ્માનુલોમે

તિકપટ્ઠાનં

(૧) પચ્ચયુદ્દેસો

હેતુપચ્ચયો, આરમ્મણપચ્ચયો, અધિપતિપચ્ચયો, અનન્તરપચ્ચયો, સમનન્તરપચ્ચયો, સહજાતપચ્ચયો, અઞ્ઞમઞ્ઞપચ્ચયો, નિસ્સયપચ્ચયો, ઉપનિસ્સયપચ્ચયો, પુરેજાતપચ્ચયો, પચ્છાજાતપચ્ચયો, આસેવનપચ્ચયો, કમ્મપચ્ચયો, વિપાકપચ્ચયો, આહારપચ્ચયો, ઇન્દ્રિયપચ્ચયો, ઝાનપચ્ચયો, મગ્ગપચ્ચયો, સમ્પયુત્તપચ્ચયો, વિપ્પયુત્તપચ્ચયો, અત્થિપચ્ચયો, નત્થિપચ્ચયો, વિગતપચ્ચયો, અવિગતપચ્ચયોતિ.

(૨) પચ્ચયનિદ્દેસો

૧. હેતુપચ્ચયોતિ – હેતૂ હેતુસમ્પયુત્તકાનં ધમ્માનં તંસમુટ્ઠાનાનઞ્ચ રૂપાનં હેતુપચ્ચયેન પચ્ચયો [પચ્ચયોતિ (સ્યા.)].

૨. આરમ્મણપચ્ચયોતિ – રૂપાયતનં ચક્ખુવિઞ્ઞાણધાતુયા તંસમ્પયુત્તકાનઞ્ચ ધમ્માનં આરમ્મણપચ્ચયેન પચ્ચયો. સદ્દાયતનં સોતવિઞ્ઞાણધાતુયા તંસમ્પયુત્તકાનઞ્ચ ધમ્માનં આરમ્મણપચ્ચયેન પચ્ચયો. ગન્ધાયતનં ઘાનવિઞ્ઞાણધાતુયા તંસમ્પયુત્તકાનઞ્ચ ધમ્માનં આરમ્મણપચ્ચયેન પચ્ચયો. રસાયતનં જિવ્હાવિઞ્ઞાણધાતુયા તંસમ્પયુત્તકાનઞ્ચ ધમ્માનં આરમ્મણપચ્ચયેન પચ્ચયો. ફોટ્ઠબ્બાયતનં કાયવિઞ્ઞાણધાતુયા તંસમ્પયુત્તકાનઞ્ચ ધમ્માનં આરમ્મણપચ્ચયેન પચ્ચયો. રૂપાયતનં સદ્દાયતનં ગન્ધાયતનં રસાયતનં ફોટ્ઠબ્બાયતનં મનોધાતુયા તંસમ્પયુત્તકાનઞ્ચ ધમ્માનં આરમ્મણપચ્ચયેન પચ્ચયો. સબ્બે ધમ્મા મનોવિઞ્ઞાણધાતુયા તંસમ્પયુત્તકાનઞ્ચ ધમ્માનં આરમ્મણપચ્ચયેન પચ્ચયો.

યં યં ધમ્મં આરબ્ભ યે યે ધમ્મા ઉપ્પજ્જન્તિ ચિત્તચેતસિકા ધમ્મા, તે તે ધમ્મા તેસં તેસં ધમ્માનં આરમ્મણપચ્ચયેન પચ્ચયો.

૩. અધિપતિપચ્ચયોતિ – છન્દાધિપતિ છન્દસમ્પયુત્તકાનં ધમ્માનં તંસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. વીરિયાધિપતિ વીરિયસમ્પયુત્તકાનં ધમ્માનં તંસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. ચિત્તાધિપતિ ચિત્તસમ્પયુત્તકાનં ધમ્માનં તંસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. વીમંસાધિપતિ વીમંસસમ્પયુત્તકાનં ધમ્માનં તંસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો.

યં યં ધમ્મં ગરું કત્વા યે યે ધમ્મા ઉપ્પજ્જન્તિ ચિત્તચેતસિકા ધમ્મા, તે તે ધમ્મા તેસં તેસં ધમ્માનં અધિપતિપચ્ચયેન પચ્ચયો.

૪. અનન્તરપચ્ચયોતિ – ચક્ખુવિઞ્ઞાણધાતુ તંસમ્પયુત્તકા ચ ધમ્મા મનોધાતુયા તંસમ્પયુત્તકાનઞ્ચ ધમ્માનં અનન્તરપચ્ચયેન પચ્ચયો. મનોધાતુ તંસમ્પયુત્તકા ચ ધમ્મા મનોવિઞ્ઞાણધાતુયા તંસમ્પયુત્તકાનઞ્ચ ધમ્માનં અનન્તરપચ્ચયેન પચ્ચયો.

સોતવિઞ્ઞાણધાતુ તંસમ્પયુત્તકા ચ ધમ્મા મનોધાતુયા તંસમ્પયુત્તકાનઞ્ચ ધમ્માનં અનન્તરપચ્ચયેન પચ્ચયો. મનોધાતુ તંસમ્પયુત્તકા ચ ધમ્મા મનોવિઞ્ઞાણધાતુયા તંસમ્પયુત્તકાનઞ્ચ ધમ્માનં અનન્તરપચ્ચયેન પચ્ચયો.

ઘાનવિઞ્ઞાણધાતુ તંસમ્પયુત્તકા ચ ધમ્મા મનોધાતુયા તંસમ્પયુત્તકાનઞ્ચ ધમ્માનં અનન્તરપચ્ચયેન પચ્ચયો. મનોધાતુ તંસમ્પયુત્તકા ચ ધમ્મા મનોવિઞ્ઞાણધાતુયા તંસમ્પયુત્તકાનઞ્ચ ધમ્માનં અનન્તરપચ્ચયેન પચ્ચયો.

જિવ્હાવિઞ્ઞાણધાતુ તંસમ્પયુત્તકા ચ ધમ્મા મનોધાતુયા તંસમ્પયુત્તકાનઞ્ચ ધમ્માનં અનન્તરપચ્ચયેન પચ્ચયો. મનોધાતુ તંસમ્પયુત્તકા ચ ધમ્મા મનોવિઞ્ઞાણધાતુયા તંસમ્પયુત્તકાનઞ્ચ ધમ્માનં અનન્તરપચ્ચયેન પચ્ચયો.

કાયવિઞ્ઞાણધાતુ તંસમ્પયુત્તકા ચ ધમ્મા મનોધાતુયા તંસમ્પયુત્તકાનઞ્ચ ધમ્માનં અનન્તરપચ્ચયેન પચ્ચયો. મનોધાતુ તંસમ્પયુત્તકા ચ ધમ્મા મનોવિઞ્ઞાણધાતુયા તંસમ્પયુત્તકાનઞ્ચ ધમ્માનં અનન્તરપચ્ચયેન પચ્ચયો.

પુરિમા પુરિમા કુસલા ધમ્મા પચ્છિમાનં પચ્છિમાનં કુસલાનં ધમ્માનં અનન્તરપચ્ચયેન પચ્ચયો. પુરિમા પુરિમા કુસલા ધમ્મા પચ્છિમાનં પચ્છિમાનં અબ્યાકતાનં ધમ્માનં અનન્તરપચ્ચયેન પચ્ચયો.

પુરિમા પુરિમા અકુસલા ધમ્મા પચ્છિમાનં પચ્છિમાનં અકુસલાનં ધમ્માનં અનન્તરપચ્ચયેન પચ્ચયો. પુરિમા પુરિમા અકુસલા ધમ્મા પચ્છિમાનં પચ્છિમાનં અબ્યાકતાનં ધમ્માનં અનન્તરપચ્ચયેન પચ્ચયો.

પુરિમા પુરિમા અબ્યાકતા ધમ્મા પચ્છિમાનં પચ્છિમાનં અબ્યાકતાનં ધમ્માનં અનન્તરપચ્ચયેન પચ્ચયો. પુરિમા પુરિમા અબ્યાકતા ધમ્મા પચ્છિમાનં પચ્છિમાનં કુસલાનં ધમ્માનં અનન્તરપચ્ચયેન પચ્ચયો. પુરિમા પુરિમા અબ્યાકતા ધમ્મા પચ્છિમાનં પચ્છિમાનં અકુસલાનં ધમ્માનં અનન્તરપચ્ચયેન પચ્ચયો.

યેસં યેસં ધમ્માનં અનન્તરા યે યે ધમ્મા ઉપ્પજ્જન્તિ ચિત્તચેતસિકા ધમ્મા, તે તે ધમ્મા તેસં તેસં ધમ્માનં અનન્તરપચ્ચયેન પચ્ચયો.

૫. સમનન્તરપચ્ચયોતિ – ચક્ખુવિઞ્ઞાણધાતુ તંસમ્પયુત્તકા ચ ધમ્મા મનોધાતુયા તંસમ્પયુત્તકાનઞ્ચ ધમ્માનં સમનન્તરપચ્ચયેન પચ્ચયો. મનોધાતુ તંસમ્પયુત્તકા ચ ધમ્મા મનોવિઞ્ઞાણધાતુયા તંસમ્પયુત્તકાનઞ્ચ ધમ્માનં સમનન્તરપચ્ચયેન પચ્ચયો.

સોતવિઞ્ઞાણધાતુ તંસમ્પયુત્તકા ચ ધમ્મા મનોધાતુયા તંસમ્પયુત્તકાનઞ્ચ ધમ્માનં સમનન્તરપચ્ચયેન પચ્ચયો. મનોધાતુ તંસમ્પયુત્તકા ચ ધમ્મા મનોવિઞ્ઞાણધાતુયા તંસમ્પયુત્તકાનઞ્ચ ધમ્માનં સમનન્તરપચ્ચયેન પચ્ચયો.

ઘાણવિઞ્ઞાણધાતુ તંસમ્પયુત્તકા ચ ધમ્મા મનોધાતુયા તંસમ્પયુત્તકાનઞ્ચ ધમ્માનં સમનન્તરપચ્ચયેન પચ્ચયો. મનોધાતુ તંસમ્પયુત્તકા ચ ધમ્મા મનોવિઞ્ઞાણધાતુયા તંસમ્પયુત્તકાનઞ્ચ ધમ્માનં સમનન્તરપચ્ચયેન પચ્ચયો.

જિવ્હાવિઞ્ઞાણધાતુ તંસમ્પયુત્તકા ચ ધમ્મા મનોધાતુયા તંસમ્પયુત્તકાનઞ્ચ ધમ્માનં સમનન્તરપચ્ચયેન પચ્ચયો. મનોધાતુ તંસમ્પયુત્તકા ચ ધમ્મા મનોવિઞ્ઞાણધાતુયા તંસમ્પયુત્તકાનઞ્ચ ધમ્માનં સમનન્તરપચ્ચયેન પચ્ચયો.

કાયવિઞ્ઞાણધાતુ તંસમ્પયુત્તકા ચ ધમ્મા મનોધાતુયા તંસમ્પયુત્તકાનઞ્ચ ધમ્માનં સમનન્તરપચ્ચયેન પચ્ચયો. મનોધાતુ તંસમ્પયુત્તકા ચ ધમ્મા મનોવિઞ્ઞાણધાતુયા તંસમ્પયુત્તકાનઞ્ચ ધમ્માનં સમનન્તરપચ્ચયેન પચ્ચયો.

પુરિમા પુરિમા કુસલા ધમ્મા પચ્છિમાનં પચ્છિમાનં કુસલાનં ધમ્માનં સમનન્તરપચ્ચયેન પચ્ચયો. પુરિમા પુરિમા કુસલા ધમ્મા પચ્છિમાનં પચ્છિમાનં અબ્યાકતાનં ધમ્માનં સમનન્તરપચ્ચયેન પચ્ચયો.

પુરિમા પુરિમા અકુસલા ધમ્મા પચ્છિમાનં પચ્છિમાનં અકુસલાનં ધમ્માનં સમનન્તરપચ્ચયેન પચ્ચયો. પુરિમા પુરિમા અકુસલા ધમ્મા પચ્છિમાનં પચ્છિમાનં અબ્યાકતાનં ધમ્માનં સમનન્તરપચ્ચયેન પચ્ચયો.

પુરિમા પુરિમા અબ્યાકતા ધમ્મા પચ્છિમાનં પચ્છિમાનં અબ્યાકતાનં ધમ્માનં સમનન્તરપચ્ચયેન પચ્ચયો. પુરિમા પુરિમા અબ્યાકતા ધમ્મા પચ્છિમાનં પચ્છિમાનં કુસલાનં ધમ્માનં સમનન્તરપચ્ચયેન પચ્ચયો. પુરિમા પુરિમા અબ્યાકતા ધમ્મા પચ્છિમાનં પચ્છિમાનં અકુસલાનં ધમ્માનં સમનન્તરપચ્ચયેન પચ્ચયો.

યેસં યેસં ધમ્માનં સમનન્તરા યે યે ધમ્મા ઉપ્પજ્જન્તિ ચિત્તચેતસિકા ધમ્મા, તે તે ધમ્મા તેસં તેસં ધમ્માનં સમનન્તરપચ્ચયેન પચ્ચયો.

૬. સહજાતપચ્ચયોતિ – ચત્તારો ખન્ધા અરૂપિનો અઞ્ઞમઞ્ઞં સહજાતપચ્ચયેન પચ્ચયો. ચત્તારો મહાભૂતા અઞ્ઞમઞ્ઞં સહજાતપચ્ચયેન પચ્ચયો. ઓક્કન્તિક્ખણે નામરૂપં અઞ્ઞમઞ્ઞં સહજાતપચ્ચયેન પચ્ચયો. ચિત્તચેતસિકા ધમ્મા ચિત્તસમુટ્ઠાનાનં રૂપાનં સહજાતપચ્ચયેન પચ્ચયો. મહાભૂતા ઉપાદારૂપાનં સહજાતપચ્ચયેન પચ્ચયો. રૂપિનો ધમ્મા અરૂપીનં ધમ્માનં કિઞ્ચિ કાલે [કઞ્ચિ કાલં (સ્યા.)] સહજાતપચ્ચયેન પચ્ચયો, કિઞ્ચિ કાલે ન સહજાતપચ્ચયેન પચ્ચયો.

૭. અઞ્ઞમઞ્ઞપચ્ચયોતિ – ચત્તારો ખન્ધા અરૂપિનો અઞ્ઞમઞ્ઞપચ્ચયેન પચ્ચયો. ચત્તારો મહાભૂતા અઞ્ઞમઞ્ઞપચ્ચયેન પચ્ચયો. ઓક્કન્તિક્ખણે નામરૂપં અઞ્ઞમઞ્ઞપચ્ચયેન પચ્ચયો.

૮. નિસ્સયપચ્ચયોતિ – ચત્તારો ખન્ધા અરૂપિનો અઞ્ઞમઞ્ઞં નિસ્સયપચ્ચયેન પચ્ચયો. ચત્તારો મહાભૂતા અઞ્ઞમઞ્ઞં નિસ્સયપચ્ચયેન પચ્ચયો. ઓક્કન્તિક્ખણે નામરૂપં અઞ્ઞમઞ્ઞં નિસ્સયપચ્ચયેન પચ્ચયો. ચિત્તચેતસિકા ધમ્મા ચિત્તસમુટ્ઠાનાનં રૂપાનં નિસ્સયપચ્ચયેન પચ્ચયો. મહાભૂતા ઉપાદારૂપાનં નિસ્સયપચ્ચયેન પચ્ચયો.

ચક્ખાયતનં ચક્ખુવિઞ્ઞાણધાતુયા તંસમ્પયુત્તકાનઞ્ચ ધમ્માનં નિસ્સયપચ્ચયેન પચ્ચયો. સોતાયતનં સોતવિઞ્ઞાણધાતુયા તંસમ્પયુત્તકાનઞ્ચ ધમ્માનં નિસ્સયપચ્ચયેન પચ્ચયો. ઘાનાયતનં ઘાનવિઞ્ઞાણધાતુયા તંસમ્પયુત્તકાનઞ્ચ ધમ્માનં નિસ્સયપચ્ચયેન પચ્ચયો. જિવ્હાયતનં જિવ્હાવિઞ્ઞાણધાતુયા તંસમ્પયુત્તકાનઞ્ચ ધમ્માનં નિસ્સયપચ્ચયેન પચ્ચયો. કાયાયતનં કાયવિઞ્ઞાણધાતુયા તંસમ્પયુત્તકાનઞ્ચ ધમ્માનં નિસ્સયપચ્ચયેન પચ્ચયો. યં રૂપં નિસ્સાય મનોધાતુ ચ મનોવિઞ્ઞાણધાતુ ચ વત્તન્તિ, તં રૂપં મનોધાતુયા ચ મનોવિઞ્ઞાણધાતુયા ચ તંસમ્પયુત્તકાનઞ્ચ ધમ્માનં નિસ્સયપચ્ચયેન પચ્ચયો.

૯. ઉપનિસ્સયપચ્ચયોતિ – પુરિમા પુરિમા કુસલા ધમ્મા પચ્છિમાનં પચ્છિમાનં કુસલાનં ધમ્માનં ઉપનિસ્સયપચ્ચયેન પચ્ચયો. પુરિમા પુરિમા કુસલા ધમ્મા પચ્છિમાનં પચ્છિમાનં અકુસલાનં ધમ્માનં કેસઞ્ચિ ઉપનિસ્સયપચ્ચયેન પચ્ચયો. પુરિમા પુરિમા કુસલા ધમ્મા પચ્છિમાનં પચ્છિમાનં અબ્યાકતાનં ધમ્માનં ઉપનિસ્સયપચ્ચયેન પચ્ચયો.

પુરિમા પુરિમા અકુસલા ધમ્મા પચ્છિમાનં પચ્છિમાનં અકુસલાનં ધમ્માનં ઉપનિસ્સયપચ્ચયેન પચ્ચયો. પુરિમા પુરિમા અકુસલા ધમ્મા પચ્છિમાનં પચ્છિમાનં કુસલાનં ધમ્માનં કેસઞ્ચિ ઉપનિસ્સયપચ્ચયેન પચ્ચયો. પુરિમા પુરિમા અકુસલા ધમ્મા પચ્છિમાનં પચ્છિમાનં અબ્યાકતાનં ધમ્માનં ઉપનિસ્સયપચ્ચયેન પચ્ચયો.

પુરિમા પુરિમા અબ્યાકતા ધમ્મા પચ્છિમાનં પચ્છિમાનં અબ્યાકતાનં ધમ્માનં ઉપનિસ્સયપચ્ચયેન પચ્ચયો. પુરિમા પુરિમા અબ્યાકતા ધમ્મા પચ્છિમાનં પચ્છિમાનં કુસલાનં ધમ્માનં ઉપનિસ્સયપચ્ચયેન પચ્ચયો. પુરિમા પુરિમા અબ્યાકતા ધમ્મા પચ્છિમાનં પચ્છિમાનં અકુસલાનં ધમ્માનં ઉપનિસ્સયપચ્ચયેન પચ્ચયો.

ઉતુભોજનમ્પિ ઉપનિસ્સયપચ્ચયેન પચ્ચયો. પુગ્ગલોપિ ઉપનિસ્સયપચ્ચયેન પચ્ચયો. સેનાસનમ્પિ ઉપનિસ્સયપચ્ચયેન પચ્ચયો.

૧૦. પુરેજાતપચ્ચયોતિ – ચક્ખાયતનં ચક્ખુવિઞ્ઞાણધાતુયા તંસમ્પયુત્તકાનઞ્ચ ધમ્માનં પુરેજાતપચ્ચયેન પચ્ચયો. સોતાયતનં સોતવિઞ્ઞાણધાતુયા તંસમ્પયુત્તકાનઞ્ચ ધમ્માનં પુરેજાતપચ્ચયેન પચ્ચયો. ઘાનાયતનં ઘાનવિઞ્ઞાણધાતુયા તંસમ્પયુત્તકાનઞ્ચ ધમ્માનં પુરેજાતપચ્ચયેન પચ્ચયો. જિવ્હાયતનં જિવ્હાવિઞ્ઞાણધાતુયા તંસમ્પયુત્તકાનઞ્ચ ધમ્માનં પુરેજાતપચ્ચયેન પચ્ચયો. કાયાયતનં કાયવિઞ્ઞાણધાતુયા તંસમ્પયુત્તકાનઞ્ચ ધમ્માનં પુરેજાતપચ્ચયેન પચ્ચયો.

રૂપાયતનં ચક્ખુવિઞ્ઞાણધાતુયા તંસમ્પયુત્તકાનઞ્ચ ધમ્માનં પુરેજાતપચ્ચયેન પચ્ચયો. સદ્દાયતનં સોતવિઞ્ઞાણધાતુયા તંસમ્પયુત્તકાનઞ્ચ ધમ્માનં પુરેજાતપચ્ચયેન પચ્ચયો. ગન્ધાયતનં ઘાનવિઞ્ઞાણધાતુયા તંસમ્પયુત્તકાનઞ્ચ ધમ્માનં પુરેજાતપચ્ચયેન પચ્ચયો. રસાયતનં જિવ્હાવિઞ્ઞાણધાતુયા તંસમ્પયુત્તકાનઞ્ચ ધમ્માનં પુરેજાતપચ્ચયેન પચ્ચયો. ફોટ્ઠબ્બાયતનં કાયવિઞ્ઞાણધાતુયા તંસમ્પયુત્તકાનઞ્ચ ધમ્માનં પુરેજાતપચ્ચયેન પચ્ચયો. રૂપાયતનં સદ્દાયતનં ગન્ધાયતનં રસાયતનં ફોટ્ઠબ્બાયતનં મનોધાતુયા તંસમ્પયુત્તકાનઞ્ચ ધમ્માનં પુરેજાતપચ્ચયેન પચ્ચયો.

યં રૂપં નિસ્સાય મનોધાતુ ચ મનોવિઞ્ઞાણધાતુ ચ વત્તન્તિ, તં રૂપં મનોધાતુયા તંસમ્પયુત્તકાનઞ્ચ ધમ્માનં પુરેજાતપચ્ચયેન પચ્ચયો. મનોવિઞ્ઞાણધાતુયા તંસમ્પયુત્તકાનઞ્ચ ધમ્માનં કિઞ્ચિ કાલે પુરેજાતપચ્ચયેન પચ્ચયો, કિઞ્ચિ કાલે ન પુરેજાતપચ્ચયેન પચ્ચયો.

૧૧. પચ્છાજાતપચ્ચયોતિ – પચ્છાજાતા ચિત્તચેતસિકા ધમ્મા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો.

૧૨. આસેવનપચ્ચયોતિ – પુરિમા પુરિમા કુસલા ધમ્મા પચ્છિમાનં પચ્છિમાનં કુસલાનં ધમ્માનં આસેવનપચ્ચયેન પચ્ચયો. પુરિમા પુરિમા અકુસલા ધમ્મા પચ્છિમાનં પચ્છિમાનં અકુસલાનં ધમ્માનં આસેવનપચ્ચયેન પચ્ચયો. પુરિમા પુરિમા કિરિયાબ્યાકતા ધમ્મા પચ્છિમાનં પચ્છિમાનં કિરિયાબ્યાકતાનં ધમ્માનં આસેવનપચ્ચયેન પચ્ચયો.

૧૩. કમ્મપચ્ચયોતિ – કુસલાકુસલં કમ્મં વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. ચેતના સમ્પયુત્તકાનં ધમ્માનં તંસમુટ્ઠાનાનઞ્ચ રૂપાનં કમ્મપચ્ચયેન પચ્ચયો.

૧૪. વિપાકપચ્ચયોતિ – વિપાકા ચત્તારો ખન્ધા અરૂપિનો અઞ્ઞમઞ્ઞં વિપાકપચ્ચયેન પચ્ચયો.

૧૫. આહારપચ્ચયોતિ – કબળીકારો [કબળિઙ્કારો (ક. સી. સ્યા.)] આહારો ઇમસ્સ કાયસ્સ આહારપચ્ચયેન પચ્ચયો. અરૂપિનો આહારા સમ્પયુત્તકાનં ધમ્માનં તંસમુટ્ઠાનાનઞ્ચ રૂપાનં આહારપચ્ચયેન પચ્ચયો.

૧૬. ઇન્દ્રિયપચ્ચયોતિ – ચક્ખુન્દ્રિયં ચક્ખુવિઞ્ઞાણધાતુયા તંસમ્પયુત્તકાનઞ્ચ ધમ્માનં ઇન્દ્રિયપચ્ચયેન પચ્ચયો. સોતિન્દ્રિયં સોતવિઞ્ઞાણધાતુયા તંસમ્પયુત્તકાનઞ્ચ ધમ્માનં ઇન્દ્રિયપચ્ચયેન પચ્ચયો. ઘાનિન્દ્રિયં ઘાનવિઞ્ઞાણધાતુયા તંસમ્પયુત્તકાનઞ્ચ ધમ્માનં ઇન્દ્રિયપચ્ચયેન પચ્ચયો. જિવ્હિન્દ્રિયં જિવ્હાવિઞ્ઞાણધાતુયા તંસમ્પયુત્તકાનઞ્ચ ધમ્માનં ઇન્દ્રિયપચ્ચયેન પચ્ચયો. કાયિન્દ્રિયં કાયવિઞ્ઞાણધાતુયા તંસમ્પયુત્તકાનઞ્ચ ધમ્માનં ઇન્દ્રિયપચ્ચયેન પચ્ચયો. રૂપજીવિતિન્દ્રિયં કટત્તારૂપાનં ઇન્દ્રિયપચ્ચયેન પચ્ચયો.

અરૂપિનો ઇન્દ્રિયા સમ્પયુત્તકાનં ધમ્માનં તંસમુટ્ઠાનાનઞ્ચ રૂપાનં ઇન્દ્રિયપચ્ચયેન પચ્ચયો.

૧૭. ઝાનપચ્ચયોતિ – ઝાનઙ્ગાનિ ઝાનસમ્પયુત્તકાનં ધમ્માનં તંસમુટ્ઠાનાનઞ્ચ રૂપાનં ઝાનપચ્ચયેન પચ્ચયો.

૧૮. મગ્ગપચ્ચયોતિ – મગ્ગઙ્ગાનિ મગ્ગસમ્પયુત્તકાનં ધમ્માનં તંસમુટ્ઠાનાનઞ્ચ રૂપાનં મગ્ગપચ્ચયેન પચ્ચયો.

૧૯. સમ્પયુત્તપચ્ચયોતિ – ચત્તારો ખન્ધા અરૂપિનો અઞ્ઞમઞ્ઞં સમ્પયુત્તપચ્ચયેન પચ્ચયો.

૨૦. વિપ્પયુત્તપચ્ચયોતિ – રૂપિનો ધમ્મા અરૂપીનં ધમ્માનં વિપ્પયુત્તપચ્ચયેન પચ્ચયો. અરૂપિનો ધમ્મા રૂપીનં ધમ્માનં વિપ્પયુત્તપચ્ચયેન પચ્ચયો.

૨૧. અત્થિપચ્ચયોતિ – ચત્તારો ખન્ધા અરૂપિનો અઞ્ઞમઞ્ઞં અત્થિપચ્ચયેન પચ્ચયો. ચત્તારો મહાભૂતા અઞ્ઞમઞ્ઞં અત્થિપચ્ચયેન પચ્ચયો. ઓક્કન્તિક્ખણે નામરૂપં અઞ્ઞમઞ્ઞં અત્થિપચ્ચયેન પચ્ચયો. ચિત્તચેતસિકા ધમ્મા ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. મહાભૂતા ઉપાદારૂપાનં અત્થિપચ્ચયેન પચ્ચયો.

ચક્ખાયતનં ચક્ખુવિઞ્ઞાણધાતુયા તંસમ્પયુત્તકાનઞ્ચ ધમ્માનં અત્થિપચ્ચયેન પચ્ચયો. સોતાયતનં સોતવિઞ્ઞાણધાતુયા તંસમ્પયુત્તકાનઞ્ચ ધમ્માનં અત્થિપચ્ચયેન પચ્ચયો. ઘાનાયતનં ઘાનવિઞ્ઞાણધાતુયા તંસમ્પયુત્તકાનઞ્ચ ધમ્માનં અત્થિપચ્ચયેન પચ્ચયો. જિવ્હાયતનં જિવ્હાવિઞ્ઞાણધાતુયા તંસમ્પયુત્તકાનઞ્ચ ધમ્માનં અત્થિપચ્ચયેન પચ્ચયો. કાયાયતનં કાયવિઞ્ઞાણધાતુયા તંસમ્પયુત્તકાનઞ્ચ ધમ્માનં અત્થિપચ્ચયેન પચ્ચયો.

રૂપાયતનં ચક્ખુવિઞ્ઞાણધાતુયા તંસમ્પયુત્તકાનઞ્ચ ધમ્માનં અત્થિપચ્ચયેન પચ્ચયો. સદ્દાયતનં સોતવિઞ્ઞાણધાતુયા તંસમ્પયુત્તકાનઞ્ચ ધમ્માનં અત્થિપચ્ચયેન પચ્ચયો. ગન્ધાયતનં ઘાનવિઞ્ઞાણધાતુયા તંસમ્પયુત્તકાનઞ્ચ ધમ્માનં અત્થિપચ્ચયેન પચ્ચયો. રસાયતનં જિવ્હાવિઞ્ઞાણધાતુયા તંસમ્પયુત્તકાનઞ્ચ ધમ્માનં અત્થિપચ્ચયેન પચ્ચયો. ફોટ્ઠબ્બાયતનં કાયવિઞ્ઞાણધાતુયા તંસમ્પયુત્તકાનઞ્ચ ધમ્માનં અત્થિપચ્ચયેન પચ્ચયો. રૂપાયતનં સદ્દાયતનં ગન્ધાયતનં રસાયતનં ફોટ્ઠબ્બાયતનં મનોધાતુયા તંસમ્પયુત્તકાનઞ્ચ ધમ્માનં અત્થિપચ્ચયેન પચ્ચયો.

યં રૂપં નિસ્સાય મનોધાતુ ચ મનોવિઞ્ઞાણધાતુ ચ વત્તન્તિ, તં રૂપં મનોધાતુયા ચ મનોવિઞ્ઞાણધાતુયા ચ તંસમ્પયુત્તકાનઞ્ચ ધમ્માનં અત્થિપચ્ચયેન પચ્ચયો.

૨૨. નત્થિપચ્ચયોતિ – સમનન્તરનિરુદ્ધા ચિત્તચેતસિકા ધમ્મા પટુપ્પન્નાનં ચિત્તચેતસિકાનં ધમ્માનં નત્થિપચ્ચયેન પચ્ચયો.

૨૩. વિગતપચ્ચયોતિ – સમનન્તરવિગતા ચિત્તચેતસિકા ધમ્મા પટુપ્પન્નાનં ચિત્તચેતસિકાનં ધમ્માનં વિગતપચ્ચયેન પચ્ચયો.

૨૪. અવિગતપચ્ચયોતિ – ચત્તારો ખન્ધા અરૂપિનો અઞ્ઞમઞ્ઞં અવિગતપચ્ચયેન પચ્ચયો. ચત્તારો મહાભૂતા અઞ્ઞમઞ્ઞં અવિગતપચ્ચયેન પચ્ચયો. ઓક્કન્તિક્ખણે નામરૂપં અઞ્ઞમઞ્ઞં અવિગતપચ્ચયેન પચ્ચયો. ચિત્તચેતસિકા ધમ્મા ચિત્તસમુટ્ઠાનાનં રૂપાનં અવિગતપચ્ચયેન પચ્ચયો. મહાભૂતા ઉપાદારૂપાનં અવિગતપચ્ચયેન પચ્ચયો.

ચક્ખાયતનં ચક્ખુવિઞ્ઞાણધાતુયા તંસમ્પયુત્તકાનઞ્ચ ધમ્માનં અવિગતપચ્ચયેન પચ્ચયો. સોતાયતનં સોતવિઞ્ઞાણધાતુયા તંસમ્પયુત્તકાનઞ્ચ ધમ્માનં અવિગતપચ્ચયેન પચ્ચયો. ઘાનાયતનં ઘાનવિઞ્ઞાણધાતુયા તંસમ્પયુત્તકાનઞ્ચ ધમ્માનં અવિગતપચ્ચયેન પચ્ચયો. જિવ્હાયતનં જિવ્હાવિઞ્ઞાણધાતુયા તંસમ્પયુત્તકાનઞ્ચ ધમ્માનં અવિગતપચ્ચયેન પચ્ચયો. કાયાયતનં કાયવિઞ્ઞાણધાતુયા તંસમ્પયુત્તકાનઞ્ચ ધમ્માનં અવિગતપચ્ચયેન પચ્ચયો.

રૂપાયતનં ચક્ખુવિઞ્ઞાણધાતુયા તંસમ્પયુત્તકાનઞ્ચ ધમ્માનં અવિગતપચ્ચયેન પચ્ચયો. સદ્દાયતનં સોતવિઞ્ઞાણધાતુયા તંસમ્પયુત્તકાનઞ્ચ ધમ્માનં અવિગતપચ્ચયેન પચ્ચયો. ગન્ધાયતનં ઘાનવિઞ્ઞાણધાતુયા તંસમ્પયુત્તકાનઞ્ચ ધમ્માનં અવિગતપચ્ચયેન પચ્ચયો. રસાયતનં જિવ્હાવિઞ્ઞાણધાતુયા તંસમ્પયુત્તકાનઞ્ચ ધમ્માનં અવિગતપચ્ચયેન પચ્ચયો. ફોટ્ઠબ્બાયતનં કાયવિઞ્ઞાણધાતુયા તંસમ્પયુત્તકાનઞ્ચ ધમ્માનં અવિગતપચ્ચયેન પચ્ચયો. રૂપાયતનં સદ્દાયતનં ગન્ધાયતનં રસાયતનં ફોટ્ઠબ્બાયતનં મનોધાતુયા તંસમ્પયુત્તકાનઞ્ચ ધમ્માનં અવિગતપચ્ચયેન પચ્ચયો.

યં રૂપં નિસ્સાય મનોધાતુ ચ મનોવિઞ્ઞાણધાતુ ચ વત્તન્તિ, તં રૂપં મનોધાતુયા ચ મનોવિઞ્ઞાણધાતુયા ચ તંસમ્પયુત્તકાનઞ્ચ ધમ્માનં અવિગતપચ્ચયેન પચ્ચયો.

પચ્ચયનિદ્દેસો.

૩. પુચ્છાવારો

૧. પચ્ચયાનુલોમં

એકમૂલકં

(૧.) કુસલપદં

૨૫. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય હેતુપચ્ચયા. સિયા કુસલં ધમ્મં પટિચ્ચ અકુસલો ધમ્મો ઉપ્પજ્જેય્ય હેતુપચ્ચયા. સિયા કુસલં ધમ્મં પટિચ્ચ અબ્યાકતો ધમ્મો ઉપ્પજ્જેય્ય હેતુપચ્ચયા. સિયા કુસલં ધમ્મં પટિચ્ચ કુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા. સિયા કુસલં ધમ્મં પટિચ્ચ અકુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા. સિયા કુસલં ધમ્મં પટિચ્ચ કુસલો ચ અકુસલો ચ ધમ્મા ઉપ્પજ્જેય્યું હેતુપચ્ચયા. સિયા કુસલં ધમ્મં પટિચ્ચ કુસલો ચ અકુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા.

(૨) અકુસલપદં

૨૬. સિયા અકુસલં ધમ્મં પટિચ્ચ અકુસલો ધમ્મો ઉપ્પજ્જેય્ય હેતુપચ્ચયા. સિયા અકુસલં ધમ્મં પટિચ્ચ કુસલો ધમ્મો ઉપ્પજ્જેય્ય હેતુપચ્ચયા. સિયા અકુસલં ધમ્મં પટિચ્ચ અબ્યાકતો ધમ્મો ઉપ્પજ્જેય્ય હેતુપચ્ચયા. સિયા અકુસલં ધમ્મં પટિચ્ચ કુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા. સિયા અકુસલં ધમ્મં પટિચ્ચ અકુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા. સિયા અકુસલં ધમ્મં પટિચ્ચ કુસલો ચ અકુસલો ચ ધમ્મા ઉપ્પજ્જેય્યું હેતુપચ્ચયા. સિયા અકુસલં ધમ્મં પટિચ્ચ કુસલો ચ અકુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા.

(૩) અબ્યાકતપદં

૨૭. સિયા અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જેય્ય હેતુપચ્ચયા. સિયા અબ્યાકતં ધમ્મં પટિચ્ચ કુસલો ધમ્મો ઉપ્પજ્જેય્ય હેતુપચ્ચયા. સિયા અબ્યાકતં ધમ્મં પટિચ્ચ અકુસલો ધમ્મો ઉપ્પજ્જેય્ય હેતુપચ્ચયા. સિયા અબ્યાકતં ધમ્મં પટિચ્ચ કુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા. સિયા અબ્યાકતં ધમ્મં પટિચ્ચ અકુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા. સિયા અબ્યાકતં ધમ્મં પટિચ્ચ કુસલો ચ અકુસલો ચ ધમ્મા ઉપ્પજ્જેય્યું હેતુપચ્ચયા. સિયા અબ્યાકતં ધમ્મં પટિચ્ચ કુસલો ચ અકુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા.

(૪) કુસલાબ્યાકતપદં

૨૮. સિયા કુસલઞ્ચ અબ્યાકતઞ્ચ ધમ્મં પટિચ્ચ કુસલો ધમ્મો ઉપ્પજ્જેય્ય હેતુપચ્ચયા. સિયા કુસલઞ્ચ અબ્યાકતઞ્ચ ધમ્મં પટિચ્ચ અકુસલો ધમ્મો ઉપ્પજ્જેય્ય હેતુપચ્ચયા. સિયા કુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જેય્ય હેતુપચ્ચયા. સિયા કુસલઞ્ચ અબ્યાકતઞ્ચ ધમ્મં પટિચ્ચ કુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા. સિયા કુસલઞ્ચ અબ્યાકતઞ્ચ ધમ્મં પટિચ્ચ અકુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા. સિયા કુસલઞ્ચ અબ્યાકતઞ્ચ ધમ્મં પટિચ્ચ કુસલો ચ અકુસલો ચ ધમ્મા ઉપ્પજ્જેય્યું હેતુપચ્ચયા. સિયા કુસલઞ્ચ અબ્યાકતઞ્ચ ધમ્મં પટિચ્ચ કુસલો ચ અકુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા.

(૫) અકુસલાબ્યાકતપદં

૨૯. સિયા અકુસલઞ્ચ અબ્યાકતઞ્ચ ધમ્મં પટિચ્ચ કુસલો ધમ્મો ઉપ્પજ્જેય્ય હેતુપચ્ચયા. સિયા અકુસલઞ્ચ અબ્યાકતઞ્ચ ધમ્મં પટિચ્ચ અકુસલો ધમ્મો ઉપ્પજ્જેય્ય હેતુપચ્ચયા. સિયા અકુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જેય્ય હેતુપચ્ચયા. સિયા અકુસલઞ્ચ અબ્યાકતઞ્ચ ધમ્મં પટિચ્ચ કુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા. સિયા અકુસલઞ્ચ અબ્યાકતઞ્ચ ધમ્મં પટિચ્ચ અકુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા. સિયા અકુસલઞ્ચ અબ્યાકતઞ્ચ ધમ્મં પટિચ્ચ કુસલો ચ અકુસલો ચ ધમ્મા ઉપ્પજ્જેય્યું હેતુપચ્ચયા. સિયા અકુસલઞ્ચ અબ્યાકતઞ્ચ ધમ્મં પટિચ્ચ કુસલો ચ અકુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા.

(૬) કુસલાકુસલપદં

૩૦. સિયા કુસલઞ્ચ અકુસલઞ્ચ ધમ્મં પટિચ્ચ કુસલો ધમ્મો ઉપ્પજ્જેય્ય હેતુપચ્ચયા. સિયા કુસલઞ્ચ અકુસલઞ્ચ ધમ્મં પટિચ્ચ અકુસલો ધમ્મો ઉપ્પજ્જેય્ય હેતુપચ્ચયા. સિયા કુસલઞ્ચ અકુસલઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જેય્ય હેતુપચ્ચયા. સિયા કુસલઞ્ચ અકુસલઞ્ચ ધમ્મં પટિચ્ચ કુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા. સિયા કુસલઞ્ચ અકુસલઞ્ચ ધમ્મં પટિચ્ચ અકુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા. સિયા કુસલઞ્ચ અકુસલઞ્ચ ધમ્મં પટિચ્ચ કુસલો ચ અકુસલો ચ ધમ્મા ઉપ્પજ્જેય્યું હેતુપચ્ચયા. સિયા કુસલઞ્ચ અકુસલઞ્ચ ધમ્મં પટિચ્ચ કુસલો ચ અકુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા.

(૭) કુસલાકુસલાબ્યાકતપદં

૩૧. સિયા કુસલઞ્ચ અકુસલઞ્ચ અબ્યાકતઞ્ચ ધમ્મં પટિચ્ચ કુસલો ધમ્મો ઉપ્પજ્જેય્ય હેતુપચ્ચયા. સિયા કુસલઞ્ચ અકુસલઞ્ચ અબ્યાકતઞ્ચ ધમ્મં પટિચ્ચ અકુસલો ધમ્મો ઉપ્પજ્જેય્ય હેતુપચ્ચયા. સિયા કુસલઞ્ચ અકુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જેય્ય હેતુપચ્ચયા. સિયા કુસલઞ્ચ અકુસલઞ્ચ અબ્યાકતઞ્ચ ધમ્મં પટિચ્ચ કુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા. સિયા કુસલઞ્ચ અકુસલઞ્ચ અબ્યાકતઞ્ચ ધમ્મં પટિચ્ચ અકુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા. સિયા કુસલઞ્ચ અકુસલઞ્ચ અબ્યાકતઞ્ચ ધમ્મં પટિચ્ચ કુસલો ચ અકુસલો ચ ધમ્મા ઉપ્પજ્જેય્યું હેતુપચ્ચયા. સિયા કુસલઞ્ચ અકુસલઞ્ચ અબ્યાકતઞ્ચ ધમ્મં પટિચ્ચ કુસલો ચ અકુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા.

હેતુપચ્ચયવારો.

૩૨. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય આરમ્મણપચ્ચયા.

(યથા હેતુપચ્ચયો વિત્થારિતો, એવં આરમ્મણપચ્ચયોપિ વિત્થારેતબ્બો વાચનામગ્ગેન.)

૩૩. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય અધિપતિપચ્ચયા… અનન્તરપચ્ચયા… સમનન્તરપચ્ચયા… સહજાતપચ્ચયા… અઞ્ઞમઞ્ઞપચ્ચયા… નિસ્સયપચ્ચયા… ઉપનિસ્સયપચ્ચયા… પુરેજાતપચ્ચયા… પચ્છાજાતપચ્ચયા… આસેવનપચ્ચયા… કમ્મપચ્ચયા… વિપાકપચ્ચયા… આહારપચ્ચયા… ઇન્દ્રિયપચ્ચયા… ઝાનપચ્ચયા… મગ્ગપચ્ચયા… સમ્પયુત્તપચ્ચયા… વિપ્પયુત્તપચ્ચયા… અત્થિપચ્ચયા… નત્થિપચ્ચયા… વિગતપચ્ચયા.

૩૪. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય અવિગતપચ્ચયા…પે… અકુસલં ધમ્મં પટિચ્ચ… અબ્યાકતં ધમ્મં પટિચ્ચ… કુસલઞ્ચ અબ્યાકતઞ્ચ ધમ્મં પટિચ્ચ… અકુસલઞ્ચ અબ્યાકતઞ્ચ ધમ્મં પટિચ્ચ… કુસલઞ્ચ અકુસલઞ્ચ ધમ્મં પટિચ્ચ… કુસલઞ્ચ અકુસલઞ્ચ અબ્યાકતઞ્ચ ધમ્મં પટિચ્ચ કુસલો ધમ્મો ઉપ્પજ્જેય્ય… અકુસલો ધમ્મો ઉપ્પજ્જેય્ય… અબ્યાકતો ધમ્મો ઉપ્પજ્જેય્ય… કુસલો ચ અબ્યાકતો ચ ધમ્મા ઉપ્પજ્જેય્યું… અકુસલો ચ અબ્યાકતો ચ ધમ્મા ઉપ્પજ્જેય્યું… કુસલો ચ અકુસલો ચ ધમ્મા ઉપ્પજ્જેય્યું… કુસલો ચ અકુસલો ચ અબ્યાકતો ચ ધમ્મા ઉપ્પજ્જેય્યું અવિગતપચ્ચયા.

(યથા હેતુપચ્ચયો વિત્થારિતો, એવં અવિગતપચ્ચયોપિ વિત્થારેતબ્બો વાચનામગ્ગેન.)

એકમૂલકં.

દુમૂલકાદિ

હેતુમૂલકં

૩૫. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય હેતુપચ્ચયા આરમ્મણપચ્ચયા…પે… સિયા કુસલઞ્ચ અકુસલઞ્ચ અબ્યાકતઞ્ચ ધમ્મં પટિચ્ચ કુસલો ચ અકુસલો ચ અબ્યાકતો ચ ધમ્મા ઉપ્પજ્જેય્યું હેતુપચ્ચયા આરમ્મણપચ્ચયા.

૩૬. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય હેતુપચ્ચયા અધિપતિપચ્ચયા …પે… હેતુપચ્ચયા અનન્તરપચ્ચયા… હેતુપચ્ચયા સમનન્તરપચ્ચયા…પે… હેતુપચ્ચયા અવિગતપચ્ચયા.

દુમૂલકં.

૩૭. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય હેતુપચ્ચયા આરમ્મણપચ્ચયા અધિપતિપચ્ચયા…પે… હેતુપચ્ચયા આરમ્મણપચ્ચયા અનન્તરપચ્ચયા…પે… હેતુપચ્ચયા આરમ્મણપચ્ચયા અવિગતપચ્ચયા.

તિમૂલકં.

૩૮. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય હેતુપચ્ચયા આરમ્મણપચ્ચયા અધિપતિપચ્ચયા અનન્તરપચ્ચયા…પે… હેતુપચ્ચયા આરમ્મણપચ્ચયા અધિપતિપચ્ચયા અવિગતપચ્ચયા.

ચતુમૂલકં.

(પઞ્ચમૂલકાદિકા સંખિત્તા. એકમૂલકં, દુમૂલકં, તિમૂલકં, ચતુમૂલકં, પઞ્ચમૂલકં, સબ્બમૂલકં અસમ્મુય્હન્તેન વિત્થારેતબ્બં.)

હેતુમૂલકં.

આરમ્મણમૂલકાદિ

૩૯. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય આરમ્મણપચ્ચયા હેતુપચ્ચયા… આરમ્મણપચ્ચયા અધિપતિપચ્ચયા…પે… આરમ્મણપચ્ચયા અવિગતપચ્ચયા.

સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય અધિપતિપચ્ચયા… અનન્તરપચ્ચયા… સમનન્તરપચ્ચયા… સહજાતપચ્ચયા… અઞ્ઞમઞ્ઞપચ્ચયા…પે… અવિગતપચ્ચયા હેતુપચ્ચયા… અવિગતપચ્ચયા આરમ્મણપચ્ચયા… અવિગતપચ્ચયા અધિપતિપચ્ચયા…પે… અવિગતપચ્ચયા વિગતપચ્ચયા.

દુમૂલકં.

૪૦. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય અવિગતપચ્ચયા હેતુપચ્ચયા આરમ્મણપચ્ચયા… અવિગતપચ્ચયા હેતુપચ્ચયા અધિપતિપચ્ચયા… અવિગતપચ્ચયા હેતુપચ્ચયા અનન્તરપચ્ચયા…પે… અવિગતપચ્ચયા હેતુપચ્ચયા વિગતપચ્ચયા.

૪૧. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય અવિગતપચ્ચયા હેતુપચ્ચયા આરમ્મણપચ્ચયા અધિપતિપચ્ચયા… અવિગતપચ્ચયા હેતુપચ્ચયા આરમ્મણપચ્ચયા અનન્તરપચ્ચયા…પે… વિગતપચ્ચયા.

(એકેકસ્સ પદસ્સ એકમૂલકં, દુમૂલકં, તિમૂલકં, ચતુમૂલકં, પઞ્ચમૂલકં, સબ્બમૂલકં અસમ્મુય્હન્તેન વિત્થારેતબ્બં. )

(ક) તિકઞ્ચ પટ્ઠાનવરં દુકુત્તમં,

દુકં તિકઞ્ચેવ તિકં દુકઞ્ચ;

તિકં તિકઞ્ચેવ દુકં દુકઞ્ચ,

છ અનુલોમમ્હિ નયા સુગમ્ભીરાતિ.

૨. પચ્ચયપચ્ચનીયં

૪૨. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય નહેતુપચ્ચયા.

(યથા અનુલોમે હેતુપચ્ચયો વિત્થારિતો, એવં પચ્ચનીયેપિ નહેતુપચ્ચયો વિત્થારેતબ્બો.)

૪૩. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય નઆરમ્મણપચ્ચયા… નઅધિપતિપચ્ચયા… નઅનન્તરપચ્ચયા… નસમનન્તરપચ્ચયા… નસહજાતપચ્ચયા… નઅઞ્ઞમઞ્ઞપચ્ચયા… નનિસ્સયપચ્ચયા… નઉપનિસ્સયપચ્ચયા… નપુરેજાતપચ્ચયા… નપચ્છાજાતપચ્ચયા … નઆસેવનપચ્ચયા… નકમ્મપચ્ચયા… નવિપાકપચ્ચયા… નઆહારપચ્ચયા… નઇન્દ્રિયપચ્ચયા… નઝાનપચ્ચયા… નમગ્ગપચ્ચયા… નસમ્પયુત્તપચ્ચયા… નવિપ્પયુત્તપચ્ચયા… નોઅત્થિપચ્ચયા… નોનત્થિપચ્ચયા… નોવિગતપચ્ચયા… નોઅવિગતપચ્ચયા.

૪૪. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય નહેતુપચ્ચયા નઆરમ્મણપચ્ચયા….

(યથા અનુલોમે એકેકસ્સ પદસ્સ એકમૂલકં, દુમૂલકં, તિમૂલકં, ચતુમૂલકં, યાવ તેવીસતિમૂલકં એવં પચ્ચનીયેપિ વિત્થારેતબ્બં. )

(ખ) તિકઞ્ચ પટ્ઠાનવરં દુકુત્તમં,

દુકં તિકઞ્ચેવ તિકં દુકઞ્ચ;

તિકં તિકઞ્ચેવ દુકં દુકઞ્ચ,

છ પચ્ચનીયમ્હિ નયા સુગમ્ભીરાતિ.

૩. પચ્ચયાનુલોમપચ્ચનીયં

૪૫. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય હેતુપચ્ચયા નઆરમ્મણપચ્ચયા… સિયા કુસલં ધમ્મં પટિચ્ચ અકુસલો ધમ્મો ઉપ્પજ્જેય્ય હેતુપચ્ચયા નઆરમ્મણપચ્ચયા.

(યથા અનુલોમે હેતુપચ્ચયો વિત્થારિતો, એવં અનુલોમપચ્ચનીયેપિ પદં વિત્થારેતબ્બં.)

૪૬. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય હેતુપચ્ચયા નઅધિપતિપચ્ચયા… હેતુપચ્ચયા નઅનન્તરપચ્ચયા…પે… હેતુપચ્ચયા નોઅવિગતપચ્ચયા.

૪૭. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય હેતુપચ્ચયા આરમ્મણપચ્ચયા નઅધિપતિપચ્ચયા… હેતુપચ્ચયા આરમ્મણપચ્ચયા નઅનન્તરપચ્ચયા…પે… હેતુપચ્ચયા આરમ્મણપચ્ચયા નોઅવિગતપચ્ચયા.

હેતુપચ્ચયા આરમ્મણપચ્ચયા અધિપતિપચ્ચયા નઅનન્તરપચ્ચયા…પે… હેતુપચ્ચયા આરમ્મણપચ્ચયા અધિપતિપચ્ચયા નોઅવિગતપચ્ચયા.

હેતુપચ્ચયા આરમ્મણપચ્ચયા અધિપતિપચ્ચયા અનન્તરપચ્ચયા નસમનન્તરપચ્ચયા…પે… હેતુપચ્ચયા આરમ્મણપચ્ચયા અધિપતિપચ્ચયા અનન્તરપચ્ચયા નોઅવિગતપચ્ચયા…પે….

હેતુપચ્ચયા આરમ્મણપચ્ચયા અધિપતિપચ્ચયા અનન્તરપચ્ચયા સમનન્તરપચ્ચયા સહજાતપચ્ચયા અઞ્ઞમઞ્ઞપચ્ચયા નિસ્સયપચ્ચયા ઉપનિસ્સયપચ્ચયા પુરેજાતપચ્ચયા પચ્છાજાતપચ્ચયા આસેવનપચ્ચયા કમ્મપચ્ચયા વિપાકપચ્ચયા આહારપચ્ચયા ઇન્દ્રિયપચ્ચયા ઝાનપચ્ચયા મગ્ગપચ્ચયા સમ્પયુત્તપચ્ચયા વિપ્પયુત્તપચ્ચયા અત્થિપચ્ચયા નત્થિપચ્ચયા વિગતપચ્ચયા નોઅવિગતપચ્ચયા.

૪૮. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય આરમ્મણપચ્ચયા… અધિપતિપચ્ચયા… અનન્તરપચ્ચયા…પે… અવિગતપચ્ચયા નહેતુપચ્ચયા … અવિગતપચ્ચયા નઆરમ્મણપચ્ચયા…પે… અવિગતપચ્ચયા નોવિગતપચ્ચયા.

અવિગતપચ્ચયા હેતુપચ્ચયા નઆરમ્મણપચ્ચયા…પે… અવિગતપચ્ચયા હેતુપચ્ચયા નોવિગતપચ્ચયા.

અવિગતપચ્ચયા હેતુપચ્ચયા આરમ્મણપચ્ચયા નઅધિપતિપચ્ચયા…પે… અવિગતપચ્ચયા હેતુપચ્ચયા આરમ્મણપચ્ચયા નોવિગતપચ્ચયા.

અવિગતપચ્ચયા હેતુપચ્ચયા આરમ્મણપચ્ચયા અધિપતિપચ્ચયા અનન્તરપચ્ચયા સમનન્તરપચ્ચયા સહજાતપચ્ચયા…પે… નોવિગતપચ્ચયા.

(ગ) તિકઞ્ચ પટ્ઠાનવરં દુકુત્તમં,

દુકં તિકઞ્ચેવ તિકં દુકઞ્ચ;

તિકં તિકઞ્ચેવ દુકં દુકઞ્ચ,

છ અનુલોમપચ્ચનીયમ્હિ નયા સુગમ્ભીરાતિ.

૪. પચ્ચયપચ્ચનીયાનુલોમં

૪૯. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય નહેતુપચ્ચયા આરમ્મણપચ્ચયા. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય નહેતુપચ્ચયા અધિપતિપચ્ચયા…પે… નહેતુપચ્ચયા અવિગતપચ્ચયા.

૫૦. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય નહેતુપચ્ચયા નઆરમ્મણપચ્ચયા અધિપતિપચ્ચયા…પે… અવિગતપચ્ચયા.

નહેતુપચ્ચયા નઆરમ્મણપચ્ચયા નઅધિપતિપચ્ચયા…પે… અવિગતપચ્ચયા.

નહેતુપચ્ચયા નઆરમ્મણપચ્ચયા નઅધિપતિપચ્ચયા નઅનન્તરપચ્ચયા નસમનન્તરપચ્ચયા…પે… નોઅત્થિપચ્ચયા નોનત્થિપચ્ચયા નોવિગતપચ્ચયા અવિગતપચ્ચયા.

૫૧. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય નઆરમ્મણપચ્ચયા હેતુપચ્ચયા.

૫૨. સિયા કુસલં ધમ્મં પટિચ્ચ કુસલો ધમ્મો ઉપ્પજ્જેય્ય નઆરમ્મણપચ્ચયા અધિપતિપચ્ચયા…પે… નઆરમ્મણપચ્ચયા અવિગતપચ્ચયા…પે… નોઅવિગતપચ્ચયા હેતુપચ્ચયા… નોઅવિગતપચ્ચયા આરમ્મણપચ્ચયા…પે… નોઅવિગતપચ્ચયા વિગતપચ્ચયા.

નોઅવિગતપચ્ચયા નહેતુપચ્ચયા આરમ્મણપચ્ચયા…પે… નોઅવિગતપચ્ચયા નહેતુપચ્ચયા વિગતપચ્ચયા.

નોઅવિગતપચ્ચયા નહેતુપચ્ચયા નઆરમ્મણપચ્ચયા નઅધિપતિપચ્ચયા…પે… નોઅત્થિપચ્ચયા નોનત્થિપચ્ચયા વિગતપચ્ચયા.

(ઘ) તિકઞ્ચ પટ્ઠાનવરં દુકુત્તમં,

દુકં તિકઞ્ચેવ તિકં દુકઞ્ચ;

તિકં તિકઞ્ચેવ દુકં દુકઞ્ચ,

છ પચ્ચનીયાનુલોમમ્હિ નયા સુગમ્ભીરાતિ.