૧. વિભઙ્ગવારો

હેતુપચ્ચયો

૫૮. વિપાકં ધમ્મં પચ્ચયા વિપાકો ધમ્મો ઉપ્પજ્જતિ હેતુપચ્ચયા – વિપાકં એકં ખન્ધં પચ્ચયા તયો ખન્ધા, તયો ખન્ધે પચ્ચયા એકો ખન્ધો, દ્વે ખન્ધે પચ્ચયા દ્વે ખન્ધા; પટિસન્ધિક્ખણે…પે…. (૧)

વિપાકં ધમ્મં પચ્ચયા નેવવિપાકનવિપાકધમ્મધમ્મો ઉપ્પજ્જતિ હેતુપચ્ચયા – વિપાકે ખન્ધે પચ્ચયા ચિત્તસમુટ્ઠાનં રૂપં; પટિસન્ધિક્ખણે વિપાકે ખન્ધે પચ્ચયા કટત્તારૂપં…પે…. (૨)

વિપાકં ધમ્મં પચ્ચયા વિપાકો ચ નેવવિપાકનવિપાકધમ્મધમ્મો ચ ધમ્મા ઉપ્પજ્જન્તિ હેતુપચ્ચયા – વિપાકં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પચ્ચયા દ્વે ખન્ધા ચિત્તસમુટ્ઠાનઞ્ચ રૂપં; પટિસન્ધિક્ખણે…પે…. (૩)

વિપાકધમ્મધમ્મં પચ્ચયા વિપાકધમ્મધમ્મો ઉપ્પજ્જતિ હેતુપચ્ચયા – વિપાકધમ્મધમ્મં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા. (૧)

વિપાકધમ્મધમ્મં પચ્ચયા નેવવિપાકનવિપાકધમ્મધમ્મો ઉપ્પજ્જતિ હેતુપચ્ચયા – વિપાકધમ્મધમ્મે ખન્ધે પચ્ચયા ચિત્તસમુટ્ઠાનં રૂપં. (૨)

વિપાકધમ્મધમ્મં પચ્ચયા વિપાકધમ્મધમ્મો ચ નેવવિપાકનવિપાકધમ્મધમ્મો ચ ધમ્મા ઉપ્પજ્જન્તિ હેતુપચ્ચયા – વિપાકધમ્મધમ્મં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પચ્ચયા દ્વે ખન્ધા ચિત્તસમુટ્ઠાનઞ્ચ રૂપં. (૩)

નેવવિપાકનવિપાકધમ્મધમ્મં પચ્ચયા નેવવિપાકનવિપાકધમ્મધમ્મો ઉપ્પજ્જતિ હેતુપચ્ચયા – નેવવિપાકનવિપાકધમ્મધમ્મં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પચ્ચયા દ્વે ખન્ધા ચિત્તસમુટ્ઠાનઞ્ચ રૂપં, એકં મહાભૂતં પચ્ચયા…પે… મહાભૂતે પચ્ચયા ચિત્તસમુટ્ઠાનં રૂપં કટત્તારૂપં ઉપાદારૂપં, વત્થું પચ્ચયા નેવવિપાકનવિપાકધમ્મધમ્મા ખન્ધા. (૧)

નેવવિપાકનવિપાકધમ્મધમ્મં પચ્ચયા વિપાકો ધમ્મો ઉપ્પજ્જતિ હેતુપચ્ચયા – વત્થું પચ્ચયા વિપાકા ખન્ધા; પટિસન્ધિક્ખણે વત્થું પચ્ચયા વિપાકા ખન્ધા. (૨)

નેવવિપાકનવિપાકધમ્મધમ્મં પચ્ચયા વિપાકધમ્મધમ્મો ઉપ્પજ્જતિ હેતુપચ્ચયા – વત્થું પચ્ચયા વિપાકધમ્મધમ્મા ખન્ધા. (૩)

નેવવિપાકનવિપાકધમ્મધમ્મં પચ્ચયા વિપાકો ચ નેવવિપાકનવિપાકધમ્મધમ્મો ચ ધમ્મા ઉપ્પજ્જન્તિ હેતુપચ્ચયા – વત્થું પચ્ચયા વિપાકા ખન્ધા, મહાભૂતે પચ્ચયા ચિત્તસમુટ્ઠાનં રૂપં; પટિસન્ધિક્ખણે વત્થું પચ્ચયા વિપાકા ખન્ધા, મહાભૂતે પચ્ચયા કટત્તારૂપં. (૪)

નેવવિપાકનવિપાકધમ્મધમ્મં પચ્ચયા વિપાકધમ્મધમ્મો ચ નેવવિપાકનવિપાકધમ્મધમ્મો ચ ધમ્મા ઉપ્પજ્જન્તિ હેતુપચ્ચયા – વત્થું પચ્ચયા વિપાકધમ્મધમ્મા ખન્ધા, મહાભૂતે પચ્ચયા ચિત્તસમુટ્ઠાનં રૂપં. (૫)

૫૯. વિપાકઞ્ચ નેવવિપાકનવિપાકધમ્મધમ્મઞ્ચ ધમ્મં પચ્ચયા વિપાકો ધમ્મો ઉપ્પજ્જતિ હેતુપચ્ચયા – વિપાકં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા; પટિસન્ધિક્ખણે વિપાકં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા. (૧)

વિપાકઞ્ચ નેવવિપાકનવિપાકધમ્મધમ્મઞ્ચ ધમ્મં પચ્ચયા નેવવિપાકનવિપાકધમ્મધમ્મો ઉપ્પજ્જતિ હેતુપચ્ચયા – વિપાકે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં; પટિસન્ધિક્ખણે વિપાકે ખન્ધે ચ મહાભૂતે ચ પચ્ચયા કટત્તારૂપં. (૨)

વિપાકઞ્ચ નેવવિપાકનવિપાકધમ્મધમ્મઞ્ચ ધમ્મં પચ્ચયા વિપાકો ચ નેવવિપાકનવિપાકધમ્મધમ્મો ચ ધમ્મા ઉપ્પજ્જન્તિ હેતુપચ્ચયા – વિપાકં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા, વિપાકે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં; પટિસન્ધિક્ખણે વિપાકં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા, વિપાકે ખન્ધે ચ મહાભૂતે ચ પચ્ચયા કટત્તારૂપં. (૩)

૬૦. વિપાકધમ્મધમ્મઞ્ચ નેવવિપાકનવિપાકધમ્મધમ્મઞ્ચ ધમ્મં પચ્ચયા વિપાકધમ્મધમ્મો ઉપ્પજ્જતિ હેતુપચ્ચયા – વિપાકધમ્મધમ્મં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા. (૧)

વિપાકધમ્મધમ્મઞ્ચ નેવવિપાકનવિપાકધમ્મધમ્મઞ્ચ ધમ્મં પચ્ચયા નેવવિપાકનવિપાકધમ્મધમ્મો ઉપ્પજ્જતિ હેતુપચ્ચયા – વિપાકધમ્મધમ્મે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૨)

વિપાકધમ્મધમ્મઞ્ચ નેવવિપાકનવિપાકધમ્મધમ્મઞ્ચ ધમ્મં પચ્ચયા વિપાકધમ્મધમ્મો ચ નેવવિપાકનવિપાકધમ્મધમ્મો ચ ધમ્મા ઉપ્પજ્જન્તિ હેતુપચ્ચયા – વિપાકધમ્મધમ્મં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા, વિપાકધમ્મધમ્મે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૩)

આરમ્મણપચ્ચયો

૬૧. વિપાકં ધમ્મં પચ્ચયા વિપાકો ધમ્મો ઉપ્પજ્જતિ આરમ્મણપચ્ચયા – વિપાકં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા; પટિસન્ધિક્ખણે…પે…. (૧)

વિપાકધમ્મધમ્મં પચ્ચયા વિપાકધમ્મધમ્મો ઉપ્પજ્જતિ આરમ્મણપચ્ચયા – વિપાકધમ્મધમ્મં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા. (૧)

નેવવિપાકનવિપાકધમ્મધમ્મં પચ્ચયા નેવવિપાકનવિપાકધમ્મ-ધમ્મો ઉપ્પજ્જતિ આરમ્મણપચ્ચયા – નેવવિપાકનવિપાકધમ્મધમ્મં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા, વત્થું પચ્ચયા નેવવિપાકનવિપાકધમ્મધમ્મા ખન્ધા. (૧)

નેવવિપાકનવિપાકધમ્મધમ્મં પચ્ચયા વિપાકો ધમ્મો ઉપ્પજ્જતિ આરમ્મણપચ્ચયા – ચક્ખાયતનં પચ્ચયા ચક્ખુવિઞ્ઞાણં, સોતાયતનં પચ્ચયા સોતવિઞ્ઞાણં, ઘાનાયતનં પચ્ચયા ઘાનવિઞ્ઞાણં, જિવ્હાયતનં પચ્ચયા જિવ્હાવિઞ્ઞાણં, કાયાયતનં પચ્ચયા કાયવિઞ્ઞાણં; વત્થું પચ્ચયા વિપાકા ખન્ધા, પટિસન્ધિક્ખણે વત્થું પચ્ચયા વિપાકા ખન્ધા. (૨)

નેવવિપાકનવિપાકધમ્મધમ્મં પચ્ચયા વિપાકધમ્મધમ્મો ઉપ્પજ્જતિ આરમ્મણપચ્ચયા – વત્થું પચ્ચયા વિપાકધમ્મધમ્મા ખન્ધા. (૩)

વિપાકઞ્ચ નેવવિપાકનવિપાકધમ્મધમ્મઞ્ચ ધમ્મં પચ્ચયા વિપાકો ધમ્મો ઉપ્પજ્જતિ આરમ્મણપચ્ચયા – ચક્ખુવિઞ્ઞાણસહગતં એકં ખન્ધઞ્ચ ચક્ખાયતનઞ્ચ પચ્ચયા તયો ખન્ધા…પે… દ્વે ખન્ધે ચ ચક્ખાયતનઞ્ચ પચ્ચયા દ્વે ખન્ધા, સોત… ઘાન… જિવ્હા… કાય… વિપાકં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા; પટિસન્ધિક્ખણે વિપાકં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા. (૧)

વિપાકધમ્મધમ્મઞ્ચ નેવવિપાકનવિપાકધમ્મધમ્મઞ્ચ ધમ્મં પચ્ચયા વિપાકધમ્મધમ્મો ઉપ્પજ્જતિ આરમ્મણપચ્ચયા – વિપાકધમ્મધમ્મં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા. (૧)

અધિપતિપચ્ચયો

૬૨. વિપાકં ધમ્મં પચ્ચયા વિપાકો ધમ્મો ઉપ્પજ્જતિ અધિપતિપચ્ચયા – વિપાકં એકં ખન્ધં પચ્ચયા… તીણિ (અધિપતિયા પટિસન્ધિક્ખણે નત્થિ).

વિપાકધમ્મધમ્મં પચ્ચયા… તીણિ.

નેવવિપાકનવિપાકધમ્મધમ્મં પચ્ચયા નેવવિપાકનવિપાકધમ્મધમ્મો ઉપ્પજ્જતિ અધિપતિપચ્ચયા – નેવવિપાકનવિપાકધમ્મધમ્મં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પચ્ચયા દ્વે ખન્ધા ચિત્તસમુટ્ઠાનઞ્ચ રૂપં, એકં મહાભૂતં પચ્ચયા તયો મહાભૂતા…પે… મહાભૂતે પચ્ચયા ચિત્તસમુટ્ઠાનં રૂપં ઉપાદારૂપં, વત્થું પચ્ચયા નેવવિપાકનવિપાકધમ્મધમ્મા ખન્ધા. (૧)

નેવવિપાકનવિપાકધમ્મધમ્મં પચ્ચયા વિપાકો ધમ્મો ઉપ્પજ્જતિ અધિપતિપચ્ચયા – વત્થું પચ્ચયા વિપાકા ખન્ધા. (૨)

નેવવિપાકનવિપાકધમ્મધમ્મં પચ્ચયા વિપાકધમ્મધમ્મો ઉપ્પજ્જતિ અધિપતિપચ્ચયા – વત્થું પચ્ચયા વિપાકધમ્મધમ્મા ખન્ધા. (૩)

નેવવિપાકનવિપાકધમ્મધમ્મં પચ્ચયા વિપાકો ચ નેવવિપાકનવિપાકધમ્મધમ્મો ચ ધમ્મા ઉપ્પજ્જન્તિ અધિપતિપચ્ચયા – વત્થું પચ્ચયા વિપાકા ખન્ધા, મહાભૂતે પચ્ચયા ચિત્તસમુટ્ઠાનં રૂપં. (૪)

નેવવિપાકનવિપાકધમ્મધમ્મં પચ્ચયા વિપાકધમ્મધમ્મો ચ નેવવિપાકનવિપાકધમ્મધમ્મો ચ ધમ્મા ઉપ્પજ્જન્તિ અધિપતિપચ્ચયા – વત્થું પચ્ચયા વિપાકધમ્મધમ્મા ખન્ધા, મહાભૂતે પચ્ચયા ચિત્તસમુટ્ઠાનં રૂપં. (૫)

૬૩. વિપાકઞ્ચ નેવવિપાકનવિપાકધમ્મધમ્મઞ્ચ ધમ્મં પચ્ચયા વિપાકો ધમ્મો ઉપ્પજ્જતિ અધિપતિપચ્ચયા – વિપાકં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા. (૧)

વિપાકઞ્ચ નેવવિપાકનવિપાકધમ્મધમ્મઞ્ચ ધમ્મં પચ્ચયા નેવવિપાકનવિપાકધમ્મધમ્મો ઉપ્પજ્જતિ અધિપતિપચ્ચયા – વિપાકે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૨)

વિપાકઞ્ચ નેવવિપાકનવિપાકધમ્મધમ્મઞ્ચ ધમ્મં પચ્ચયા વિપાકો ચ નેવવિપાકનવિપાકધમ્મધમ્મો ચ ધમ્મા ઉપ્પજ્જન્તિ અધિપતિપચ્ચયા – વિપાકં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા, વિપાકે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૩)

૬૪. વિપાકધમ્મધમ્મઞ્ચ નેવવિપાકનવિપાકધમ્મધમ્મઞ્ચ ધમ્મં પચ્ચયા વિપાકધમ્મધમ્મો ઉપ્પજ્જતિ અધિપતિપચ્ચયા – વિપાકધમ્મધમ્મં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા. (૧)

વિપાકધમ્મધમ્મઞ્ચ નેવવિપાકનવિપાકધમ્મધમ્મઞ્ચ ધમ્મં પચ્ચયા નેવવિપાકનવિપાકધમ્મધમ્મો ઉપ્પજ્જતિ અધિપતિપચ્ચયા – વિપાકધમ્મધમ્મે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૨)

વિપાકધમ્મધમ્મઞ્ચ નેવવિપાકનવિપાકધમ્મધમ્મઞ્ચ ધમ્મં પચ્ચયા વિપાકધમ્મધમ્મો ચ નેવવિપાકનવિપાકધમ્મધમ્મો ચ ધમ્મા ઉપ્પજ્જન્તિ અધિપતિપચ્ચયા – વિપાકધમ્મધમ્મં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા, વિપાકધમ્મધમ્મે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૩)

અનન્તર-સમનન્તરપચ્ચયા

૬૫. વિપાકં ધમ્મં પચ્ચયા વિપાકો ધમ્મો ઉપ્પજ્જતિ અનન્તરપચ્ચયા… સમનન્તરપચ્ચયા (આરમ્મણપચ્ચયસદિસં).

અઞ્ઞમઞ્ઞપચ્ચયો

૬૬. સહજાતપચ્ચયા…પે… અઞ્ઞમઞ્ઞપચ્ચયા – વિપાકં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા; પટિસન્ધિક્ખણે વિપાકં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા. (૧)

વિપાકં ધમ્મં પચ્ચયા નેવવિપાકનવિપાકધમ્મધમ્મો ઉપ્પજ્જતિ અઞ્ઞમઞ્ઞપચ્ચયા – પટિસન્ધિક્ખણે વિપાકે ખન્ધે પચ્ચયા વત્થુ. (૨)

વિપાકં ધમ્મં પચ્ચયા વિપાકો ચ નેવવિપાકનવિપાકધમ્મધમ્મો ચ ધમ્મા ઉપ્પજ્જન્તિ અઞ્ઞમઞ્ઞપચ્ચયા – પટિસન્ધિક્ખણે વિપાકં એકં ખન્ધં પચ્ચયા તયો ખન્ધા વત્થુ ચ…પે… દ્વે ખન્ધે પચ્ચયા દ્વે ખન્ધા વત્થુ ચ. (૩)

૬૭. વિપાકધમ્મધમ્મં પચ્ચયા વિપાકધમ્મધમ્મો ઉપ્પજ્જતિ અઞ્ઞમઞ્ઞપચ્ચયા – વિપાકધમ્મધમ્મં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા. (૧)

નેવવિપાકનવિપાકધમ્મધમ્મં પચ્ચયા નેવવિપાકનવિપાકધમ્મધમ્મો ઉપ્પજ્જતિ અઞ્ઞમઞ્ઞપચ્ચયા – નેવવિપાકનવિપાકધમ્મધમ્મં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા, એકં મહાભૂતં પચ્ચયા તયો મહાભૂતા…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં પચ્ચયા તયો મહાભૂતા…પે… દ્વે મહાભૂતે પચ્ચયા દ્વે મહાભૂતા; વત્થું પચ્ચયા નેવવિપાકનવિપાકધમ્મધમ્મા ખન્ધા. (૧)

નેવવિપાકનવિપાકધમ્મધમ્મં પચ્ચયા વિપાકો ધમ્મો ઉપ્પજ્જતિ અઞ્ઞમઞ્ઞપચ્ચયા – ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં, વત્થું પચ્ચયા વિપાકા ખન્ધા; પટિસન્ધિક્ખણે વત્થું પચ્ચયા વિપાકા ખન્ધા. (૨)

નેવવિપાકનવિપાકધમ્મધમ્મં પચ્ચયા વિપાકધમ્મધમ્મો ઉપ્પજ્જતિ અઞ્ઞમઞ્ઞપચ્ચયા – વત્થું પચ્ચયા વિપાકધમ્મધમ્મા ખન્ધા. (૩)

વિપાકઞ્ચ નેવવિપાકનવિપાકધમ્મધમ્મઞ્ચ ધમ્મં પચ્ચયા વિપાકો ધમ્મો ઉપ્પજ્જતિ અઞ્ઞમઞ્ઞપચ્ચયા – ચક્ખુવિઞ્ઞાણસહગતં એકં ખન્ધઞ્ચ ચક્ખાયતનઞ્ચ પચ્ચયા તયો ખન્ધા…પે… દ્વે ખન્ધે ચ ચક્ખાયતનઞ્ચ પચ્ચયા દ્વે ખન્ધા, સોત… ઘાન… જિવ્હા… કાય…પે… વિપાકં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા; પટિસન્ધિક્ખણે વિપાકં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા. (૧)

વિપાકધમ્મધમ્મઞ્ચ નેવવિપાકનવિપાકધમ્મધમ્મઞ્ચ ધમ્મં પચ્ચયા વિપાકધમ્મધમ્મો ઉપ્પજ્જતિ અઞ્ઞમઞ્ઞપચ્ચયા – વિપાકધમ્મધમ્મં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા. (૧)

નિસ્સયપચ્ચયો

૬૮. વિપાકં ધમ્મં પચ્ચયા વિપાકો ધમ્મો ઉપ્પજ્જતિ નિસ્સયપચ્ચયા (સહજાતસદિસં).

ઉપનિસ્સય-પુરેજાતપચ્ચયા

૬૯. ઉપનિસ્સયપચ્ચયા… પુરેજાતપચ્ચયા – વિપાકં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા, વત્થું પુરેજાતપચ્ચયા (અનન્તરસદિસં. સંખિત્તં).

આસેવનપચ્ચયો

૭૦. વિપાકધમ્મધમ્મં પચ્ચયા વિપાકધમ્મધમ્મો ઉપ્પજ્જતિ આસેવનપચ્ચયા – વિપાકધમ્મધમ્મં એકં ખન્ધં પચ્ચયા તયો ખન્ધા, તયો ખન્ધે પચ્ચયા એકો ખન્ધો, દ્વે ખન્ધે પચ્ચયા દ્વે ખન્ધા. (૧)

નેવવિપાકનવિપાકધમ્મધમ્મં પચ્ચયા નેવવિપાકનવિપાકધમ્મધમ્મો ઉપ્પજ્જતિ આસેવનપચ્ચયા – નેવવિપાકનવિપાકધમ્મધમ્મં એકં ખન્ધં પચ્ચયા…પે… વત્થું પચ્ચયા નેવવિપાકનવિપાકધમ્મધમ્મા ખન્ધા. (૧)

નેવવિપાકનવિપાકધમ્મધમ્મં પચ્ચયા વિપાકધમ્મધમ્મો ઉપ્પજ્જતિ આસેવનપચ્ચયા – વત્થું પચ્ચયા વિપાકધમ્મધમ્મા ખન્ધા. (૨)

વિપાકધમ્મધમ્મઞ્ચ નેવવિપાકનવિપાકધમ્મધમ્મઞ્ચ ધમ્મં પચ્ચયા વિપાકધમ્મધમ્મો ઉપ્પજ્જતિ આસેવનપચ્ચયા – વિપાકધમ્મધમ્મં એકં ખન્ધઞ્ચ વત્થુઞ્ચ પચ્ચયા તયો ખન્ધા, તયો ખન્ધે ચ વત્થુઞ્ચ પચ્ચયા એકો ખન્ધો, દ્વે ખન્ધે ચ વત્થુઞ્ચ પચ્ચયા દ્વે ખન્ધા. (૧)

કમ્મપચ્ચયો

૭૧. વિપાકં ધમ્મં પચ્ચયા વિપાકો ધમ્મો ઉપ્પજ્જતિ કમ્મપચ્ચયા… તીણિ (સહજાતસદિસં).

વિપાકપચ્ચયો

૭૨. વિપાકં ધમ્મં પચ્ચયા વિપાકો ધમ્મો ઉપ્પજ્જતિ વિપાકપચ્ચયા… તીણિ.

નેવવિપાકનવિપાકધમ્મધમ્મં પચ્ચયા નેવવિપાકનવિપાકધમ્મધમ્મો ઉપ્પજ્જતિ વિપાકપચ્ચયા – એકં મહાભૂતં પચ્ચયા તયો મહાભૂતા…પે… દ્વે મહાભૂતે પચ્ચયા દ્વે મહાભૂતા, મહાભૂતે પચ્ચયા ચિત્તસમુટ્ઠાનં રૂપં કટત્તારૂપં ઉપાદારૂપં…પે… વિપાકો ચ ઉભયઞ્ચ… તીણિ.

વિપાકઞ્ચ નેવવિપાકનવિપાકધમ્મધમ્મઞ્ચ… તીણિ.

આહારપચ્ચયાદિ

આહારપચ્ચયા… ઇન્દ્રિયપચ્ચયા… ઝાનપચ્ચયા… મગ્ગપચ્ચયા… સમ્પયુત્તપચ્ચયા… વિપ્પયુત્તપચ્ચયા… અત્થિપચ્ચયા… નત્થિપચ્ચયા… વિગતપચ્ચયા… અવિગતપચ્ચયા.