૪. સપદાનચારિકઙ્ગકથાવણ્ણના

૨૭. ઇમિનાતિ સપદાનચારિકેન. કાલતરન્તિ કાલસ્સેવ. અફાસુકટ્ઠાનન્તિ સપરિસ્સયાદિવસેન દુપ્પવેસનટ્ઠાનં. પુરતોતિ વીથિયં ગચ્છન્તસ્સ પુરતો ઘરં અપવિટ્ઠસ્સેવ. પત્તવિસ્સટ્ઠટ્ઠાનન્તિ પેસકારવીથિયં પેસકારભાવં નિમ્મિનિત્વા ઠિતસ્સ સક્કસ્સ ઘરદ્વારે પત્તવિસ્સટ્ઠટ્ઠાનં. ઉક્કટ્ઠપિણ્ડપાતિકો તં દિવસં ન ભિક્ખં આગમયમાનો નિસીદતિ, તસ્મા તં અનુલોમેતિ. કત્થચિપિ કુલે નિબદ્ધં ઉપસઙ્કમનાભાવતો પરિચયાભાવેન કુલેસુ નિચ્ચનવકતા. સબ્બત્થ અલગ્ગમાનસતાય ચ સોમ્મભાવેન ચ ચન્દૂપમતા. કુલેસુ પરિગ્ગહચિત્તાભાવેન તત્થ મચ્છેરપ્પહાનં. હિતેસિતાય વિભાગાભાવતો સમાનુકમ્પિતા. કુલાનં સઙ્ગણ્હનસંસટ્ઠતાદયો કુલૂપકાદીનવા. અવ્હાનાનભિનન્દનાતિ નિમન્તનવસેન અવ્હાનસ્સ અસમ્પટિચ્છના. અભિહારેનાતિ ભિક્ખાભિહારેન. સેરિચારન્તિ યથારુચિ વિચરણં.

ઇતિ સપદાનચારિકઙ્ગકથાવણ્ણના.