૧૦૫. પદાદીહિ

પદાદીહિ સ્મિનો સિ હોતિ વા. પદસિ પદે પદમ્હિ પદસ્મિં, પદેસુ. એવં બિલસદ્દો.

કમ્મસદ્દતો નાસ્સ ‘‘નાસ્સે+નો’’તિ એનો વા, કમ્મેન, ‘‘પુમકમ્મથામા’’દિના ઉત્તે કમ્મુના કમ્મના. ઇમિનાવ સસ્માસુ ઉત્તં, ઉસ્સ લસઞ્ઞાયં સ+સ્માનં યથાયોગં નો+ના નિચ્ચં, વવત્થિતવિભાસત્તા વાધિકારસ્સ. કમ્મુનો કમ્મસ્સ. કમ્મુના કમ્મા કમ્મમ્હા કમ્મસ્મા. ‘‘કમ્માદિતો’’તિ સ્મિનો વા નિમ્હિ કમ્મનિ કમ્મે કમ્મમ્હિ કમ્મસ્મિં, સેસં નપુંસકસમં. ચમ્મ+વેસ્મ+ભસ્માદયો કમ્મસમા ઉત્તતો+ઞ્ઞત્ર.

ગચ્છન્ત, સિ. ‘‘ન્તસ્સં’’તિ વા અંમ્હિ સિલોપો ગચ્છં. અઞ્ઞત્ર સિસ્સ દં, ગચ્છન્તં, ગચ્છન્તા ગચ્છન્તાનિ. ભો ગચ્છ ગચ્છા ગચ્છં, ગચ્છન્તા ગચ્છન્તાનિ. ગચ્છં ગચ્છન્તં, ગચ્છન્તે ગચ્છન્તાનિ. ગચ્છતા ગચ્છન્તેને+ચ્ચાદિ પુલ્લિઙ્ગસમં. એવં યજન્ત+વજન્તાદયો.

અકારન્તં.

અટ્ઠિ, સિલોપો.