૬. સમી

‘‘અનુ યં સમયા’’તિ (૨-૧-૧૫) ચ ‘‘યસ્સ ચાયામો’’તિ (૨-૧-૧૬) ચ પાણિનિનો વચનદ્વયં, અયમેતેસમત્થો ‘‘યસ્સ સમયા સમીપવાચી અનુસદ્દો, તેન સહ સમસ્સતેતિ ચ, અનુ યસ્સાયામવાચી, તેન સ્યાદ્યન્તેન સહ સમસ્સતે’’તિ ચ. વત્થુતો તુ સામીપ્યાયામવન્તાનમનિદ્દેસેપિ સામત્થિયા તદાક્ખેપોતિ દસ્સેન્તો આહ-‘સમીપાયામાન’મિચ્ચાદિ.

સમ્બન્ધિત્તાતિ સમ્બન્ધિસદ્દા સકત્થમિવ નિયતપટિયોગિનમાક્ખપન્તિ… તેન વિના તેસં સકત્થાભાવા. આયામો દીઘતા, ‘‘યસ્સ સમીપાયામેસ્વનુ’’તિ યથાવુત્તસુત્તદ્વયમાક્ખેપેનુપદિસતિ, વનસ્સ સામિપ્યમનુવનં, ‘‘અસઙ્ખ્યં વિભત્તિસમ્પત્તિસમીપ’’ ઇચ્ચેવ (૩-૨) સિદ્ધેપુન સમીપગ્ગહણં વિકપ્પત્થં, તેન વનસ્સાનુતિ વાક્યેનાપિ ભવિતબ્બં.

ગઙ્ગાય આયામો અનુગઙ્ગં, ભાગવુત્તિકારો ‘‘લક્ખણેને’’તિ વત્તતે. યસ્સાયામવાચી અનુ, તેન લક્ખણેન સમસ્સતે અનુગઙ્ગં બારાણસી, ગઙ્ગાય લક્ખણભૂતાય પસિદ્ધાયામગુણાય બારાણસી લક્ખીયતે યાવાયતાયામા ગઙ્ગા તાવાયમ્પીતિ સભાવતો તૂપમાનોપમેય્યભાવો સમાસે પતીયતે ગઙ્ગા વિય દીઘા’’તિ લક્ખિયલક્ખણભાવં વણ્ણેતિ. એવં સતિ બારાણસીતિ પઠમા નોપપજ્જતેતિ મઞ્ઞમાનો આહ-‘ગઙ્ગાયા મેન યુત્તા ‘‘ત્યાદિ. અનુગઙ્ગં બારાણસિયાતિ બારાણસિયા ગઙ્ગાયામો લક્ખણન્તિ અત્થો.