૪૫. દીઘા

દીઘરત્તન્ત્યાદો નાનુસિટ્ઠત્તા લિઙ્ગવિસેસસ્સ કથં નપુંસકત્તમેવિચ્ચાસઙ્કિય ચોદેતિ ‘નનુચે’ચ્ચાદિ. નાયંદોસોચ્ચાદિના પરિહરતિ. ‘‘લિઙ્ગં નાનુસાસનીયં લોકનિસ્સયત્તા લિઙ્ગસ્સા’’તીદમાલમ્બ વદતિ ‘લોકે’તિઆદિ. અથવાતિ પક્ખન્તરોપદસ્સનત્થે નિપાતો, વિભજ્જાતિ વિભજિત્વા. ક્વચીતિ યોગવિભાગેનાતિ અધિપ્પાયો.

અહોરત્તન્તિ સમાહારે (ચત્થ) સમાસા નપુંસકત્તં. અતિરત્તોતિ પુલ્લિઙ્ગે પાદિસમાસો, સમુદાયસદ્દસ્સાપ્યવયવે વુત્તિ સબ્ભાવતો એકદેસવચનો પુબ્બરત્તાદો રત્તિસદ્દોચ્ચાહ-‘પુબ્બા ચ સા રત્તિ ચા’તિઆદિ. એવમેકરત્તન્તિ પાઠેન ન ભવિતબ્બં… તસ્સ સમાહારેન સમાસત્તાભાવા. નપુંસકલિઙ્ગમ્પન લોકસન્નિસ્સ યત્તા વિઞ્ઞેય્યં.

અસમાસન્તપક્ખેતિ સમાસન્તઅપ્પચ્ચયસ્સાભાવપક્ખે. પુબ્બા અતિક્કન્તા રત્તિ પુબ્બરત્તી(તિ રત્તિ સદ્દો) નેકદેસવચનોતિ સમાસન્તાભાવો.