૬૪. એક

ઘોચ ઓચ ઘો ઘાન્તઓકારન્તા, નત્થિ ઘો યેસન્તે અઘો, તેસં, સામઞ્ઞવિધાનતોતિ કસ્સચિ લિઙ્ગસ્સ અપરામાસા સામઞ્ઞેન વિધાનતો, નાદેકવચનેસૂતિ નાદીસુ એકવચનેસૂતિ અત્થો, હિ હેતુમ્હિ, યસ્મા કસ્સચિ એવં દુટ્ઠાધિપ્પાયો સિયા, તસ્મા દુતિયમુદાહરણન્તિ અત્થો, દુતિયોપિ હેતુમ્હિ, યસ્મા સબ્બેસં સઙ્ગહણત્થં, તસ્મા ન ચ તથાધિપ્પેતન્તિ અત્થો, સબ્બેસમેકવચનાનં સઙ્ગહણાભાવે સુત્તાનં વિરચનપ્પકારમાહ-‘અઞ્ઞથા’તિઆદિ, ઉપરિચાત્યાદીસ્વયમધિપ્પાયો ‘‘સુત્તસ્સ ‘અંયોસ્વઘોન’ન્તિ વિરચિતત્તા સામઞ્ઞેને-કવચનેસ્વઘસ્સ નરસ્સત્તપ્પતીતિ તપ્પટિસેધાભાવા’દણ્ડિ કુલ’ન્તિ રસ્સત્તં ‘સિસ્મિં નપુંસકે’તિ વિધિસુત્તં વદેય્યા’’તિ, ઓકારન્તપ્પટિસેધન્તિ ‘અઘોન’ન્તિ ઓકારન્તપ્પટિસેધં, આદેસન્તરં ‘‘ગોસ્સા ગસિહિનં સુગાવગવા’’ત્યાદિના (૨-૬૭) કરીયમાનં ગાવાદેસાદિકં, એત્થ પન નપુંસકે એકવચનન્તં દણ્ડિ કુલન્તિ વક્ખમાનત્તા નોદાહટં, યોસુ પન ‘‘યોલોપનિસુદીઘો’’તિ (૨-૮૮) અદીઘસ્સાપિ દીઘવિધાનસામત્થિયા પઠમમેવ દીઘસ્સ રસ્સાભાવેકાવ કથાતિ નોદાહટં, દણ્ડીદણ્ડીનિ ઇચ્ચેવ તુ ભવતિ, નોસ્સવાતિ પાઠો દિસ્સતિ, એત્થ વિજ્જમાને ગે પરે ઓકારન્તસ્સ વા રસ્સાપજ્જનદોસમ્પસઙ્ગતો નોસ્સા’તિ પાઠેન ભવિતબ્બં.