૪૪. સસ્સાય

સુઞિતિ ઞકારો કિમત્થોતિ આહ-‘ઞકારો’તિઆદિ, અસતિ હિ ઞકારે‘ઞાનુબન્ધો’તિ ઞકારેન વિસેસનેન સુકારો ન વિસેસી યેય્ય સતિયેવ તસ્મિં તેન સો વિસેસીયેય્ય, તસ્મા ‘‘ઞકાનુબન્ધાદ્યન્તા’’તિ સુત્તે ‘ઞકાનુબન્ધા’તિ વિસેસનં વિસેસનભાવો અત્થો પયોજનં યસ્સ સો વિસેસનત્થો, બહુલં વચનેનાનભિમતમનવસેસં વવત્થાપીયતીતિ વુત્તિયં ‘‘ભિય્યો’’ત્યાદિકમુપદિટ્ઠન્તિ દસ્સેતુમુપક્કમતે ‘સામઞ્ઞેના’તિઆદિના, છટ્ઠી ભવતીતિ (સે)સો, નનુચ અત્થસદ્દેનાઞ્ઞપદત્થસમાસે કથં ચતુત્થ્યત્થો-વસીયતીતિ વુચ્ચતે, ચતુત્થીએકવચને અત્તત્થ’ન્તિ એત્થ સદ્ધમ્મસવનાદિકમત્તનિમિત્તન્તિ યો-ત્થો, સો ચત્થો-ઞ્ઞ પદત્થેપિ, તસ્સા-ઞ્ઞપદત્થભૂતસ્સાપિ અત્તા અત્થો પયોજનમ્ભવતિ નિમિત્તભાવેનાતિ નાત્થભેદોતિ ત એત ઇમવજ્જિતાનં સબ્બાદીનન્તિ ત એતઇમસદ્દેહિ એવ વજ્જિતાનમઞ્ઞેસં સબ્બાદીનં, પટિસિદ્ધેસુપિ કસ્સચિ આદેસો દિસ્સતીતિ દસ્સેતુમાહ‘તસદ્દસ્સ ચા’તિ.