૧૪૪. મના

કિં બહુલંવિધાના ‘વુદ્ધ્યભાવો’ [ઓત્થાભાવો (પઞ્ચિકાયં)] તિ પાઠેન પયોજનં યેને તદત્થમેવ ‘‘સુમેધાદીનમવુદ્ધિ ચે’’તિ ગણપાઠો કતો, હેમસદ્દેન હેમમયાનિ ગહિતાન્યભેદેનત્યાહ- ‘હેમમયાની’તિ, કપ્પન સદ્દેન સીસાલઙ્કારજાલાનિ ગય્હન્તિ, તાનિયેવ વાસસાનિ પટા તંસરિક્ખતાય, સકત્થેપિ યથાગમમ્ભવન્તીતિ સમ્બન્ધો, બાણાદીસુ અભિધેય્યેસુ મનાદીસુ ન પટ્ઠીયન્તીતિ યોજના, બાણાદીસુતિ બાણ સદ્દક્ખયાદીસુ, અહસદ્દસ્સ મનાદિકારિયાસમ્ભવા અહસદ્દો મનાદીસુ ન દટ્ઠબ્બો, રહસીતિ નિપાતત્તા ઇકારસ્સ ચ અસબ્ભવા રહસદ્દો ચ મનાદીસુ ન દટ્ઠબ્બોતિ સજ્ઝાહારો સમ્બન્ધો વેદિતબ્બો, ઇકારસ્સ કચ્ચાયને સ્મિનો કરીયમાનસ્સ ઇકારાદેસસ્સ ચ, રહતિસદ્દસ્સ નિપાતત્તં સભાવતો પકાસેતું ‘રહસીત્યાદિ’માહ, રહોસદ્દેતિ એત્થ રહસદ્દોતિ પાઠો-વગન્તબ્બો, તેનાતિ યેન અહસદ્દસ્સ મનાદિકારિયાસમ્ભવો રહસીતિચ નિપાતો, તેન, ઇહમનાદીસુ.