૮. સબ્યાબજ્ઝસુત્તં

૮. ‘‘તીહિ, ભિક્ખવે, ધમ્મેહિ સમન્નાગતો બાલો વેદિતબ્બો. કતમેહિ તીહિ? સબ્યાબજ્ઝેન કાયકમ્મેન, સબ્યાબજ્ઝેન વચીકમ્મેન, સબ્યાબજ્ઝેન મનોકમ્મેન…પે… અબ્યાબજ્ઝેન કાયકમ્મેન, અબ્યાબજ્ઝેન વચીકમ્મેન, અબ્યાબજ્ઝેન મનોકમ્મેન. ઇમેહિ, ખો, ભિક્ખવે, તીહિ ધમ્મેહિ સમન્નાગતો પણ્ડિતો વેદિતબ્બો.

‘‘તસ્માતિહ, ભિક્ખવે, એવં સિક્ખિતબ્બં – ‘યેહિ તીહિ ધમ્મેહિ સમન્નાગતો બાલો વેદિતબ્બો તે તયો ધમ્મે અભિનિવજ્જેત્વા, યેહિ તીહિ ધમ્મેહિ સમન્નાગતો પણ્ડિતો વેદિતબ્બો તે તયો ધમ્મે સમાદાય વત્તિસ્સામા’તિ. એવઞ્હિ વો, ભિક્ખવે, સિક્ખિતબ્બ’’ન્તિ. અટ્ઠમં.