(૧૯) ૪. અરિયમગ્ગવગ્ગો

૧. અરિયમગ્ગસુત્તં

૧૮૯. ‘‘અરિયમગ્ગઞ્ચ વો, ભિક્ખવે, દેસેસ્સામિ અનરિયમગ્ગઞ્ચ. તં સુણાથ…પે… કતમો ચ, ભિક્ખવે, અનરિયો મગ્ગો? પાણાતિપાતો…પે… મિચ્છાદિટ્ઠિ – અયં વુચ્ચતિ, ભિક્ખવે, અનરિયો મગ્ગો.

‘‘કતમો ચ, ભિક્ખવે, અરિયો મગ્ગો? પાણાતિપાતા વેરમણી…પે… સમ્માદિટ્ઠિ – અયં વુચ્ચતિ, ભિક્ખવે, અરિયો મગ્ગો’’તિ. પઠમં.

૨. કણ્હમગ્ગસુત્તં

૧૯૦. ‘‘કણ્હમગ્ગઞ્ચ વો, ભિક્ખવે, દેસેસ્સામિ સુક્કમગ્ગઞ્ચ. તં સુણાથ…પે… કતમો ચ, ભિક્ખવે, કણ્હો મગ્ગો? પાણાતિપાતો…પે… મિચ્છાદિટ્ઠિ – અયં વુચ્ચતિ, ભિક્ખવે, કણ્હો મગ્ગો.

‘‘કતમો ચ, ભિક્ખવે, સુક્કો મગ્ગો? પાણાતિપાતા વેરમણી…પે… સમ્માદિટ્ઠિ – અયં વુચ્ચતિ, ભિક્ખવે, સુક્કો મગ્ગો’’તિ. દુતિયં.

૩. સદ્ધમ્મસુત્તં

૧૯૧. ‘‘સદ્ધમ્મઞ્ચ વો, ભિક્ખવે, દેસેસ્સામિ અસદ્ધમ્મઞ્ચ. તં સુણાથ…પે… કતમો ચ, ભિક્ખવે, અસદ્ધમ્મો? પાણાતિપાતો…પે… મિચ્છાદિટ્ઠિ – અયં વુચ્ચતિ, ભિક્ખવે, અસદ્ધમ્મો.

‘‘કતમો ચ, ભિક્ખવે, સદ્ધમ્મો? પાણાતિપાતા વેરમણી…પે… સમ્માદિટ્ઠિ – અયં વુચ્ચતિ, ભિક્ખવે, સદ્ધમ્મો’’તિ. તતિયં.

૪. સપ્પુરિસધમ્મસુત્તં

૧૯૨. ‘‘સપ્પુરિસધમ્મઞ્ચ વો, ભિક્ખવે, દેસેસ્સામિ અસપ્પુરિસધમ્મઞ્ચ. તં સુણાથ…પે… કતમો ચ, ભિક્ખવે, અસપ્પુરિસધમ્મો? પાણાતિપાતો…પે… મિચ્છાદિટ્ઠિ – અયં વુચ્ચતિ, ભિક્ખવે, અસપ્પુરિસધમ્મો.

‘‘કતમો ચ, ભિક્ખવે, સપ્પુરિસધમ્મો? પાણાતિપાતા વેરમણી…પે… સમ્માદિટ્ઠિ – અયં વુચ્ચતિ, ભિક્ખવે, સપ્પુરિસધમ્મો’’તિ. ચતુત્થં.

૫. ઉપ્પાદેતબ્બધમ્મસુત્તં

૧૯૩. ‘‘ઉપ્પાદેતબ્બઞ્ચ વો, ભિક્ખવે, ધમ્મં દેસેસ્સામિ ન ઉપ્પાદેતબ્બઞ્ચ. તં સુણાથ…પે… કતમો ચ, ભિક્ખવે, ન ઉપ્પાદેતબ્બો ધમ્મો? પાણાતિપાતો…પે… મિચ્છાદિટ્ઠિ – અયં વુચ્ચતિ, ભિક્ખવે, ન ઉપ્પાદેતબ્બો ધમ્મો.

‘‘કતમો ચ, ભિક્ખવે, ઉપ્પાદેતબ્બો ધમ્મો? પાણાતિપાતા વેરમણી…પે… સમ્માદિટ્ઠિ – અયં વુચ્ચતિ, ભિક્ખવે, ઉપ્પાદેતબ્બો ધમ્મો’’તિ. પઞ્ચમં.

૬. આસેવિતબ્બધમ્મસુત્તં

૧૯૪. ‘‘આસેવિતબ્બઞ્ચ વો, ભિક્ખવે, ધમ્મં દેસેસ્સામિ નાસેવિતબ્બઞ્ચ. તં સુણાથ…પે… કતમો ચ, ભિક્ખવે, નાસેવિતબ્બો ધમ્મો? પાણાતિપાતો…પે… મિચ્છાદિટ્ઠિ – અયં વુચ્ચતિ, ભિક્ખવે, નાસેવિતબ્બો ધમ્મો.

‘‘કતમો ચ, ભિક્ખવે, આસેવિતબ્બો ધમ્મો? પાણાતિપાતા વેરમણી…પે… સમ્માદિટ્ઠિ – અયં વુચ્ચતિ, ભિક્ખવે, આસેવિતબ્બો ધમ્મો’’તિ. છટ્ઠં.

૭. ભાવેતબ્બધમ્મસુત્તં

૧૯૫. ‘‘ભાવેતબ્બઞ્ચ વો, ભિક્ખવે, ધમ્મં દેસેસ્સામિ ન ભાવેતબ્બઞ્ચ. તં સુણાથ…પે… કતમો ચ, ભિક્ખવે, ન ભાવેતબ્બો ધમ્મો? પાણાતિપાતો …પે… મિચ્છાદિટ્ઠિ – અયં વુચ્ચતિ, ભિક્ખવે, ન ભાવેતબ્બો ધમ્મો.

‘‘કતમો ચ, ભિક્ખવે, ભાવેતબ્બો ધમ્મો? પાણાતિપાતા વેરમણી…પે… સમ્માદિટ્ઠિ – અયં વુચ્ચતિ, ભિક્ખવે, ભાવેતબ્બો ધમ્મો’’તિ. સત્તમં.

૮. બહુલીકાતબ્બસુત્તં

૧૯૬. ‘‘બહુલીકાતબ્બઞ્ચ વો, ભિક્ખવે, ધમ્મં દેસેસ્સામિ ન બહુલીકાતબ્બઞ્ચ. તં સુણાથ…પે… કતમો ચ, ભિક્ખવે, ન બહુલીકાતબ્બો ધમ્મો? પાણાતિપાતો…પે… મિચ્છાદિટ્ઠિ – અયં વુચ્ચતિ, ભિક્ખવે, ન બહુલીકાતબ્બો ધમ્મો.

‘‘કતમો ચ, ભિક્ખવે, બહુલીકાતબ્બો ધમ્મો? પાણાતિપાતા વેરમણી…પે… સમ્માદિટ્ઠિ – અયં વુચ્ચતિ, ભિક્ખવે, બહુલીકાતબ્બો ધમ્મો’’તિ. અટ્ઠમં.

૯. અનુસ્સરિતબ્બસુત્તં

૧૯૭. ‘‘અનુસ્સરિતબ્બઞ્ચ વો, ભિક્ખવે, ધમ્મં દેસેસ્સામિ નાનુસ્સરિતબ્બઞ્ચ. તં સુણાથ…પે… કતમો ચ, ભિક્ખવે, નાનુસ્સરિતબ્બો ધમ્મો? પાણાતિપાતો…પે… મિચ્છાદિટ્ઠિ – અયં વુચ્ચતિ, ભિક્ખવે, નાનુસ્સરિતબ્બો ધમ્મો.

‘‘કતમો ચ, ભિક્ખવે, અનુસ્સરિતબ્બો ધમ્મો? પાણાતિપાતા વેરમણી…પે… સમ્માદિટ્ઠિ – અયં વુચ્ચતિ, ભિક્ખવે, અનુસ્સરિતબ્બો ધમ્મો’’તિ. નવમં.

૧૦. સચ્છિકાતબ્બસુત્તં

૧૯૮. ‘‘સચ્છિકાતબ્બઞ્ચ વો, ભિક્ખવે, ધમ્મં દેસેસ્સામિ ન સચ્છિકાતબ્બઞ્ચ. તં સુણાથ…પે… કતમો ચ, ભિક્ખવે, ન સચ્છિકાતબ્બો ધમ્મો? પાણાતિપાતો…પે… મિચ્છાદિટ્ઠિ – અયં વુચ્ચતિ, ભિક્ખવે, ન સચ્છિકાતબ્બો ધમ્મો.

‘‘કતમો ચ, ભિક્ખવે, સચ્છિકાતબ્બો ધમ્મો? પાણાતિપાતા વેરમણી…પે… સમ્માદિટ્ઠિ – અયં વુચ્ચતિ, ભિક્ખવે, સચ્છિકાતબ્બો ધમ્મો’’તિ. દસમં.

અરિયમગ્ગવગ્ગો ચતુત્થો.