४. निस्सयवारवण्णना

३२९-३३७. निस्सयपच्चयभावन्ति निस्सयवारे वुत्तस्स सहजातपुरेजातस्स च निस्सयट्ठस्स धम्मस्स पच्चयभावं पच्चयवारेन नियमेतुन्ति योजना. तथा पच्चयवारे ‘‘पच्चया’’ति वुत्तस्स पच्चयधम्मस्स सहजातपुरेजातभावं निस्सयवारेन नियमेतुन्ति योजना. नियमनञ्चेत्थ पच्चयट्ठनिस्सयट्ठानं परियायन्तरेन पकासितत्ता अत्थतो भेदाभावदस्सनन्ति वेदितब्बो. तेन वुत्तं ‘‘पच्चयत्तं नाम निस्सयत्तं, निस्सयत्तं नाम पच्चयत्त’’न्ति.

निस्सयवारवण्णना निट्ठिता.