८. उपस्सुतिसिक्खापदवण्णना

४७१. अट्ठमे सुय्यतीति सुति, वचनं. तस्सा समीपं उपस्सुति. सुय्यति एत्थाति सुतीति एवञ्हि अत्थे गय्हमाने सवनट्ठानसमीपे अञ्ञस्मिं अस्सवनट्ठाने तिट्ठतीति आपज्जति. अट्ठकथायञ्च उपस्सुति-सद्दस्सेव अत्थं दस्सेतुं ‘‘यत्थ ठत्वा’’तिआदि वुत्तं, न सुति-सद्दमत्तस्स.

४७३. एकपरिच्छेदानीति कदाचि अकिरियतो, कदाचि किरियतो समुट्ठानसामञ्ञेन वुत्तं. उपसम्पन्नेन चोदनाधिप्पायो, सवनन्ति द्वे अङ्गानि.

उपस्सुतिसिक्खापदवण्णना निट्ठिता.