५. तलसत्तिकसिक्खापदवण्णना

४५७. पञ्चमे न पहरितुकामताय दिन्नत्ता दुक्कटन्ति एत्थ किमिदं दुक्कटं, पहारपच्चया, उदाहु उग्गिरणपच्चयाति? उग्गिरणपच्चयाव, न पहारपच्चया. न हि पहरितुकामताय असति तप्पच्चया काचि आपत्ति युत्ता, उग्गिरणस्स पन अत्तनो सभावेन असण्ठितत्ता तप्पच्चया पाचित्तियं न जातं, असुद्धचित्तेन कतपयोगत्ता च एत्थ अनापत्ति न युत्ताति दुक्कटं वुत्तन्ति गहेतब्बं.

४५८. पुब्बेति अनन्तरसिक्खापदे. सेसं अनन्तरसदिसमेव.

तलसत्तिकसिक्खापदवण्णना निट्ठिता.