७. धम्मदेसनासिक्खापदवण्णना

६०. सत्तमे न यक्खेनातिआदीनं ‘‘अञ्ञत्र विञ्ञुना’’ति इमिना सम्बन्धो. अञ्ञत्र विञ्ञुना पुरिसविग्गहेन, न यक्खादिनापीति एवमत्थो गहेतब्बोति अधिप्पायो. तादिसेनपि हि सह ठिताय देसेतुं न वट्टति. तंतंदेसभासाय अत्थं यथारुचि वट्टति एव.

इरियापथापरिवत्तनं, पुरिसं वा द्वादसहत्थूपचारे अपक्कोसापनं एत्थ अकिरिया. वुत्तलक्खणस्स धम्मस्स छन्नं वाचानं उपरि देसना, वुत्तलक्खणो मातुगामो, इरियापथपअवत्तनाभावो, विञ्ञूपुरिसाभावो, अपञ्हविस्सज्जनाति इमानेत्थ पञ्च अङ्गानि.

धम्मदेसनासिक्खापदवण्णना निट्ठिता.