६. छट्ठसिक्खापदवण्णना

८६०. ‘‘निसीदन्तिया एका, निपज्जन्तिया एका’’ति अवत्वा ‘‘निसीदित्वा गच्छन्तिया’’तिआदि न वत्तब्बं. न हि गमनपच्चया एसा आपत्तीति? न, परियोसानाधिप्पायवसेन वुत्तत्ता. ‘‘निसीदित्वा निपज्जन्तिया द्वे’’ति वचनेनपि गमनं इध नाधिप्पेतन्ति दस्सितं होति, तथा ‘‘निपज्जित्वा निसीदन्तिया द्वे’’तिपि वत्तब्बं. यदि एवं ‘‘तस्मिं अभिनिपज्जति, आपत्ति द्विन्नं पाचित्तियान’’न्ति कस्मा न वुत्तन्ति चे? अनिसीदित्वापि निपज्जनसम्भवतो. निपज्जनत्थाय निसीदित्वा निपज्जन्तिया निपज्जनकपयोगत्ता एका आपत्तीति केचि.

छट्ठसिक्खापदवण्णना निट्ठिता.