७. सत्तमसङ्घादिसेससिक्खापदवण्णना

७१२-४. कम्मवाचतो पुब्बे आपन्नापत्तियो न पटिप्पस्सम्भन्ति. ञत्तिया दुक्कटथुल्लच्चया पटिप्पस्सम्भन्ति सङ्घादिसेसे पत्तेति पोराणा. तं ‘‘अज्झापज्जन्तिया’’ति पाळिया समेति. ‘‘सुत्वा न वदन्ती’’ति एत्थ सचे जीवितब्रह्मचरियन्तरायभया न वदन्ति, अनापत्ति. ‘‘अधम्मकम्मे अधम्मकम्मसञ्ञा आपत्ति दुक्कटस्सा’’ति वुत्तत्ता ‘‘अनापत्ति असमनुभासन्तिया’’ति सङ्घादिसेसं सन्धाय वुत्तं.

सत्तमसङ्घादिसेससिक्खापदवण्णना निट्ठिता.