८. अट्ठमसङ्घादिसेससिक्खापदवण्णना

७१५. पच्चाकताति पराजिता. कुलदूसकसिक्खापदस्स, इमस्स च निदानमत्तमेव नानाकरणं. वुत्तञ्हि तत्थ ‘‘तस्स वचनस्स पटिनिस्सग्गाय एव वचनीयो, न कुलदूसननिवारणत्थाया’’ति. एवं सन्ते उभोपेता आपत्तियो अञ्ञमञ्ञं सभागत्था, तस्मा इदं तस्स अनुपञ्ञत्तिसदिसं आपज्जति, ततो इदं निरत्थकमेव आपज्जतीति? न एवं दट्ठब्बं. वत्थुविसेसतो, कम्मवाचाविसेसतो च उभिन्नं नानाकरणं.

अट्ठमसङ्घादिसेससिक्खापदवण्णना निट्ठिता.