८. अरिट्ठसिक्खापदवण्णना

४१७. गहट्ठस्सापि भिक्खुनीदूसककम्मं मोक्खन्तरायिकमेव, तस्मा तस्स पब्बज्जापि पटिक्खित्ता. विपाकन्तरायिका अहेतुकत्ता. पुब्बे सञ्चिच्च आपन्ना सम्मुट्ठा सुद्धसञ्ञिनो अन्तरायिका एव. सेसाति जातिका. रसेनाति भावेन. अधिकुट्टनट्ठेनाति अधिकरणं कत्वा कुट्टनट्ठेन छिन्दनट्ठेन. असिसूनूपमा कुसलधम्मच्छेदनट्ठेन. सत्तिसूलूपमा चित्तवितुदनट्ठेनाति पोराणा. अनापत्तिपाळियं ‘‘आदिकम्मिकस्सा’’ति मुखारुळ्हवसेन लिखितं.

अरिट्ठसिक्खापदवण्णना निट्ठिता.