६. थेय्यसत्थसिक्खापदवण्णना

४०९. थेय्यसत्थो चे सुद्धमातुगामो द्वे आपत्तियो. अथ भिक्खुनियो, समयो रक्खति. थेय्यसत्थभावस्स ठानं कत्वा रक्खणीयत्ता सहधम्मिकानं रक्खतियेवाति एके. थेय्यभावे न सहधम्मिकता, तस्मा न रक्खति एवाति एके. अपाराजिकथेय्यभावे सति सहधम्मिकभावोति चे? इतरस्मिं इतरन्ति समयो अनिस्सटो आपज्जति. भिक्खु थेय्यसत्थो चे, यथावत्थुकमेव. थेय्यसत्थे थेय्यसत्थसञ्ञी सद्धिं संविधायाति च. ‘‘सद्धि’’न्ति पदं केसुचि नत्थि, तं अननुरूपं. तथा दुतियेपि.

थेय्यसत्थसिक्खापदवण्णना निट्ठिता.