६. चीवरसिब्बनसिक्खापदवण्णना

१७६. वञ्चेत्वाति ‘‘तव ञातिकाया’’ति अवत्वा ‘‘एकिस्सा भिक्खुनिया’’ति एत्तकमेव वत्वा, ते हि ‘‘एकिस्सा’’ति वचनं सुत्वा अञ्ञातिकाय सन्तकसञ्ञिनो सिब्बेसुं. इमस्मिं सिक्खापदे ‘‘चीवरं नाम छन्नं चीवरानं अञ्ञतरं चीवर’’न्ति एत्तकमेव पाळि, तेन वुत्तं ‘‘चीवरन्ति यं निवासेतुं वा पारुपितुं वा’’तिआदि. ‘‘विकप्पनुपगं पच्छिम’’न्ति च लिखितं, सो पमादलेखो.

चीवरसिब्बनसिक्खापदवण्णना निट्ठिता.