१०. आपणसुत्तवण्णना

५२०. उपरि सह विपस्सनाय तयो मग्गाति विपस्सनाय सह सोतापत्तिफलतो उपरि तयो मग्गा. मग्गाधिगमेन इदानि पच्चक्खभूतत्ता ‘‘इमे खो ते धम्मा’’ति वुत्ता. तत्थ यं अग्गभूतं, तस्स वसेन दस्सेतुं ‘‘अरहत्तफलिन्द्रियं नामा’’ति वुत्तं इन्द्रियभावसामञ्ञेन एकज्झं कत्वा. अतिविज्झित्वा पस्सामीति सच्छिकत्वा याथावतो पस्सामि. चतूहि इन्द्रियेहीति वीरियिन्द्रियादीहि चतूहि इन्द्रियेहि. सा विपस्सनामग्गफलसहगता सियाति मिस्सका वुत्ता.

जरावग्गवण्णना निट्ठिता.