३-७. सेक्खसुत्तादिवण्णना

१३-१७. तिस्सन्नम्पि सिक्खानं सिक्खनं सीलं एतस्साति सिक्खनसीलो. सिक्खतीतिपि वा सेक्खो. वुत्तञ्हेतं ‘‘सिक्खतीति खो, भिक्खवे, तस्मा सेक्खोति वुच्चति. किञ्च सिक्खति? अधिसीलम्पि सिक्खती’’तिआदि (अ. नि. ३.८६). तीहि फलेहि हेट्ठा. सापि चतुत्थमग्गेन सद्धिं उप्पन्नसिक्खापि. मग्गक्खणे हि सिक्खाकिच्चं न निट्ठितं विप्पकतभावतो, फलक्खणे पन निट्ठितं नाम. उत्तानत्थानेव हेट्ठा वुत्तनयत्ता.

सेक्खसुत्तादिवण्णना निट्ठिता.

विहारवग्गवण्णना निट्ठिता.