२. दुतियविहारसुत्तवण्णना

१२. मिच्छादिट्ठि वूपसमति सब्बसो पहीयति एतेनाति मिच्छादिट्ठिवूपसमो. ‘‘मिच्छादिट्ठिवूपसमो नाम सम्मादिट्ठि. भवन्तरे उप्पज्जन्तो अतिदूरेति मञ्ञमानो विपाकवेदनं न गण्हाती’’ति अट्ठकथायं वुत्तं. ‘‘इमिना नयेना’’ति अतिदिसित्वापि तमत्थं पाकटतरं कातुं ‘‘यस्स यस्सा’’तिआदिं वत्वा एव सामञ्ञवसेन वुत्तमत्थं पच्छिमेसु तीसु पदेसु सरूपतोव दस्सेतुं ‘‘छन्दवूपसमपच्चया’’तिआदिमाह, तं सुविञ्ञेय्यमेव. वुत्तत्थानेव अनन्तरसुत्ते.

दुतियविहारसुत्तवण्णना निट्ठिता.