७. उपसेनआसीविससुत्तवण्णना

६९. गहेत्वाति पारुपनस्स सिथिलकरणेन वीमंसतो मोचेत्वा. लेणच्छायायाति पुरिमदिसाय लेणच्छायायं. पतित्वाति लेणच्छदनतो भस्सित्वा. फुट्ठविसोति चतूसु आसीविसेसु सो फुट्ठविसो. तेनाह ‘‘तस्मा’’तिआदि. परियादियमानमेवाति खेपेन्तमेव, विनासेन्तमेवाति अत्थो. यथापरिच्छेदेनाति अत्तनो विसपरिच्छेदानुरूपं. अञ्ञथाभावन्ति वड्ढभावादिपकतिजहनं. सभावविगमोति विनासो.

उपसेनआसीविससुत्तवण्णना निट्ठिता.