४. जातिधम्मवग्गवण्णना

३३-४२. निब्बत्तनसभावन्ति हेतुपच्चयेहि उप्पज्जनसभावं. उप्पादानन्तरं बुद्धिप्पत्तिया जीरणसभावं. यत्थ चक्खादयो, तत्थेव विसभागसमुट्ठानलक्खणेन ब्याधिनो उप्पत्तिपच्चयभावेन ब्याधिसभावं. मरणसभावन्ति विनाससभावं. सोकसभावन्ति ञातिब्यसनादिना डय्हमानदुक्खसभावं. संकिलेसिकसभावन्ति तण्हादिवसेन संकिलिस्सनसभावं.

जातिधम्मवग्गवण्णना निट्ठिता.