३. अनिच्चसुत्तवण्णना

४५. विरागो नाम मग्गो, विमुत्तिफलन्ति आह – ‘‘मग्गक्खणे विरज्जति, फलक्खणे विमुच्चती’’ति. अग्गहेत्वाति एवं निरुज्झमानेहि आसवेहि ‘‘अहं ममा’’ति कञ्चि धम्मं अनादियित्वा. ‘‘चित्तं विरत्तं, विमुत्तं होती’’ति वुत्तत्ता फलं गय्हति, ‘‘खीणा जाती’’तिआदिना पच्चवेक्खणाति आह ‘‘सह फलेन पच्चवेक्खणदस्सनत्थ’’न्ति. उपरि कत्तब्बकिच्चाभावेन ठितं. तेनाह ‘‘विमुत्तत्ता ठित’’न्ति. यं पत्तब्बं, तं अग्गफलस्स पत्तभावेन अधिगतत्ता सन्तुट्ठं परितुट्ठं.

अनिच्चसुत्तवण्णना निट्ठिता.