४. पियसुत्तवण्णना

११५. रहसि गतस्साति जनसम्बाधतो अपक्कन्तस्स. निलीनस्स तेनेव जनविवेकेन एकमन्तं निसज्जाय एकीभावेन पटिसल्लीनस्स विय. तेनाह ‘‘एकीभूतस्सा’’ति. सब्बञ्ञुभासितं करोन्तो आह तस्स वचनं ‘‘एवमेत’’न्ति सम्पटिच्छित्वा तस्स वचनं तथापच्चनुभासन्तो. अन्तकेनाधिपन्नत्ता एव खेत्तवत्थुहिरञ्ञसुवण्णादि मानुसं भवं जहतो. अनुगन्ति अनुगतं, तमेव अनुगामीति अत्थो. निचयन्ति उपरूपरि वड्ढिया निचितभूतं. सम्परायिकन्ति सम्पराय हितं.

पियसुत्तवण्णना निट्ठिता.