१०. अनाथपिण्डिकसुत्तवण्णना

१०१. दसमे कामं देवतासंयुत्तेपि ‘‘इदं हि तं जेतवन’’न्तिआदिना इमा एव गाथा आगता. तत्थ ‘‘अञ्ञतरा देवता’’ति निदानं आरोपितं. हेट्ठा आगतनयत्ता एव हि पोत्थकेसु न लिखितं, इध पन देवपुत्तसंयुत्ते ‘‘अनाथपिण्डिको देवपुत्तो’’ति निदाने निगमे च आगतं, तत्थ देवपुत्तेन सत्थु वुत्तप्पकारगुणपवेदनवसेन वुत्तं. सत्था पन भिक्खूनं तमत्थं पवेदेन्तो ‘‘अञ्ञतरो देवपुत्तो’’ति आह. तथा पवेदने पन कारणं दस्सेन्तो ‘‘आनन्दत्थेरस्सा’’तिआदिमाह. अनुमानबुद्धियाति अनुमानञाणस्स. आनुभावप्पकासनत्थन्ति बलदीपनत्थं.

अनाथपिण्डिकसुत्तवण्णना निट्ठिता.

दुतियवग्गवण्णना निट्ठिता.