९. चन्दिमसुत्तवण्णना

९०. विमाने गहिते तंनिवासीपि गहितो होतीति वुत्तं ‘‘चन्दविमानवासी देवपुत्तो’’ति. सब्बधीति सब्बस्मा दुग्गट्ठाना विप्पमुत्तोसि भगवा त्वं, तस्मा मय्हम्पि इतो सम्बाधट्ठानतो विप्पमोक्खं करोहीति अधिप्पायो. तेनाह ‘‘तस्स मे सरणं भवा’’ति. लोकानुकम्पकाति सब्बस्स लोकस्स अनुग्गहा, तस्मा तुय्हम्पि एतस्सपि चन्दस्स. तादिसा एवाति समाना एव. पमुञ्चसीति पमुञ्चित्थ. तेनाह ‘‘अतीतत्थे वत्तमानवचन’’न्ति.

चन्दिमसुत्तवण्णना निट्ठिता.