५. दामलिसुत्तवण्णना

८६. तेन कारणेनाति तेन पधानेन कारणभूतेन, पधानकरणनिमित्तन्ति अत्थो. यं किञ्चि खुद्दकम्पि महन्तम्पि हीनम्पि पणीतम्पि भवं. आयतपग्गहोति दीघरत्तस्स वीरियारम्भो. किच्चवोसानन्ति किच्चनिट्ठानं. तथेवाति यथा अरहत्तुप्पत्तितो पुब्बे, ततो पच्छापि तथेव ‘‘बुद्धिपग्गहो’’ति वीरियं दळ्हं करोतूति कुप्पधम्मं विय मञ्ञमानो वदति. दिट्ठधम्मसुखविहारादिअत्थं पन वीरियकरणं इच्छितब्बमेव.

असंकिण्णाति अवोमिस्सा एवं अञ्ञत्थ अनागतत्ता. तेनाह ‘‘भगवता ही’’तिआदि. यदि एवं इधेव कस्मा एतं वुत्तन्ति आह ‘‘इध पना’’तिआदि. पतिट्ठन्ति नदी नाम अनवट्ठिततीरा, तत्थ पतिट्ठातब्बट्ठानं.

दामलिसुत्तवण्णना निट्ठिता.