२. सक्कनामसुत्तवण्णना

२५८. मनुस्सभूतोति मनुस्सेसु भूतो, मनुस्सत्तं वा पत्तो. आवसथन्ति निवासट्ठानं कारेत्वा अदासि, तस्मा वासं अदासीति वासवो. अत्थ-सद्दो इध कारणपरियायोति आह ‘‘सहस्सम्पि कारणान’’न्ति. स्वायमत्थो हेट्ठा विभावितोव. विनिच्छिनति, तस्मा सहस्सं पञ्ञाअक्खीनि एतस्साति सहस्सक्खो. मघं वुच्चति धनं, तं पन सद्धासङ्खातं मघं अस्स अत्थीति मघवा. पुरे दानं ददातीति पुरिन्ददो अनुनासिकलोपं अकत्वा. पुञ्ञानि कातुं सक्कोतीति सक्को.

सक्कनामसुत्तवण्णना निट्ठिता.