२४२. तज्जनीयकम्मकथा

४०७. ‘‘इध पन भिक्खवे भिक्खु भण्डनकारको’’तिआदि वुत्तन्ति सम्बन्धो. तत्थाति ‘‘इध पन भिक्खवे’’तिआदिपाठे. अनपदानोति एत्थ अपपुब्बो दासद्दो अवखण्डनत्थोति आह ‘‘अपदानं वुच्चति परिच्छेदो’’ति. नत्थि अपदानं अवखण्डनं आपत्तिपरियन्तो एतस्साति अनपदानोति वचनत्थो कातब्बो. सायेव पाळि वुत्ताति सम्बन्धो. तत्थाति तस्सं पाळियं. किञ्चि अत्थविनिच्छयं पाळिअनुसारेन विदितुं न सक्का न होतीति योजना.

इति चम्पेय्यक्खन्धकवण्णनाय योजना समत्ता.