२३४. कस्सपगोत्तभिक्खुवत्थुकथा

३८०. चम्पेय्यक्खन्धके गग्गराय पोक्खरणियाति एत्थ गग्गरसद्दस्स नामसद्दभावं दस्सेन्तो आह ‘‘गग्गरनामिकाय इत्थिया’’ति. इमिना गग्गरसद्दो गग्गरइति नामं पवत्तिनिमित्तं कत्वा इत्थिदब्बं वदतीति दस्सेति. तन्तिपटिबद्धोति तन्तिया पटिबद्धो. ‘‘उस्सुक्कम्पि अकासि यागुया’’तिआदीसु एवं विनिच्छयो वेदितब्बोति योजना. तस्स भिक्खुनोति कस्सपगोत्तनामकस्स तस्स भिक्खुनो. तत्थेवाति वासभगामेयेव.

३८२. अधम्मेन वग्गकम्मं करोन्तीतिआदीनं नानाकरणन्ति सम्बन्धो.