१०. दसमसिक्खापदं

९७३. दसमे अहुन्दरिकाति तस्मिं काले, देसे वा सम्बाधस्स नाममेतन्ति आह ‘‘अहुन्दरिकाति सम्बाधा’’ति.

९७५. यथा ‘‘उत्तरिछप्पञ्चवाचाही’’ति (पाचि. ६२-६५) एत्थ पञ्चसद्दो न कोचि अत्थो, वाचासिलिट्ठत्थं लोकवोहारवसेन वुत्तो, न एवमिध, इध पन अत्थो अत्थि, पञ्च योजनानि गच्छन्तियापि अनापत्तियेवाति आह ‘‘पवारेत्वा…पे… अनापत्ती’’ति. पच्चागच्छतीति पटिनिवत्तेत्वा आगच्छतीति. दसमं.

तुवट्टवग्गो चतुत्थो.