२. सप्पाणकसिक्खापदं

३८७. दुतिये सह पाणेहीति सप्पाणकं उदकन्ति दस्सेन्तो आह ‘‘ये पाणका’’तिआदि. हीति सच्चं. पत्तपूरम्पि उदकन्ति सम्बन्धो. तादिसेनाति सप्पाणकेन. धोवतोपि पाचित्तियन्ति योजना. उदकसोण्डिन्ति सिलामयं उदकसोण्डिं. पोक्खरणिन्ति सिलामयं पोक्खरणिं. उट्ठापयतोपि पाचित्तियन्ति सम्बन्धो. ततोति सोण्डिपोक्खरणीहि. उदकस्साति उदकेन, पूरे घटे आसिञ्चित्वाति सम्बन्धो. तत्थाति उदके. उदकेति उदकसण्ठानकपदेसे आसिञ्चितउदके. पतिस्सतीति सोण्डिपोक्खरणीहि गहितउदकं पतिस्सतीति. दुतियं.