१३. सोधनहारवण्णना

‘‘सब्बधम्ममूलपरियायं वो, भिक्खवे…पे… इध, भिक्खवे, अस्सुतवा…पे… पथविं पथवितो सञ्जानाती’’ति आरम्भो. ‘‘पथविं पथविया सञ्ञत्वा पथविं मञ्ञती’’ति पदसुद्धि, नो आरम्भसुद्धि. तथा ‘‘पथविया मञ्ञति पथवितो मञ्ञति पथविं मेति मञ्ञति पथविं अभिनन्दती’’ति पदसुद्धि, नो आरम्भसुद्धि. ‘‘तं किस्स हेतु अपरिञ्ञातं तस्साति वदामी’’ति पदसुद्धि चेव आरम्भसुद्धि च. सेसवारेसुपि एसेव नयोति. अयं सोधनो हारो.